ហ៊ានមែន! ឡើងរបងក្រោយផ្ទះ ចូលទៅគាស់ទូដែកយកអស់ប្រហែលជាង១ម៉ឺនដុល្លារ
- កំពត
ផ្ទះពលរដ្ឋមួយគ្រួសារ ដែលប្តីឈ្មោះ គង់ ហៀង អាយុ៦៥ឆ្នាំ ប្រពន្ធឈ្មោះ ជា ថេត ស្ថិតនៅជាប់នឹងផ្លូវជាតិលេខ
ផ្ទះពលរដ្ឋមួយគ្រួសារ ដែលប្តីឈ្មោះ គង់ ហៀង អាយុ៦៥ឆ្នាំ ប្រពន្ធឈ្មោះ ជា ថេត ស្ថិតនៅជាប់នឹងផ្លូវជាតិលេខ
ខេត្តកំពត ៖ ផ្ទះពលរដ្ឋមួយគ្រួសារ ដែលប្តីឈ្មោះ គង់ ហៀង អាយុ៦៥ឆ្នាំ ប្រពន្ធឈ្មោះ ជា ថេត ស្ថិតនៅជាប់នឹងផ្លូវជាតិលេខ៣១ ក្នុងភូមិឈើទាល ឃុំស្ដេចគង់ខាងលិច ស្រុកបន្ទាយមាស បានត្រូវក្រុមចោរលួចគាស់យកទ្រព្យសម្បត្តិ កាលពីវេលាម៉ោងប្រមាណ១០ព្រឹក ថ្ងៃទី៣ ខែមេសា ឆ្នាំ២០២៣កន្លងទៅ ដោយគាស់ទូដែកយកមាសប្រាក់សរុបប្រហែលជាជាង១ម៉ឺនដុល្លារ ។
នៅព្រឹកថ្ងៃទី៣ ខែមេសានោះ លោកឧត្តមសេនីយ៍ត្រី លក ញ៉ាវ ស្នងការរងនគរបាលទទួលផែនព្រហ្មទណ្ឌ រួមជាមួយនគរបាលការិយាល័យបច្ចេកទេស្ត និងនគរបាលស្រុកបន្ទាយមាស បានទៅធ្វើកោសល្យវិច័យនៅកន្លែងកើតហេតុ និងពិនិត្យកន្លែងដែលក្រុមចោរយកដើមគឡើងតាមរបងក្រោយផ្ទះ រួចចូលបន្តតាមទ្វារផ្ទះពីក្រោយ ។
បន្ទាប់មក ក្រុមចោរចូលទៅក្នុងបន្ទប់ ដោយយកកាំបិ.ត និងចបត្រសេះ មកពុះទូដែកបំបែក រួចយកលុយ និងមាស រួចហើយរត់ចេញតាមផ្លូវក្រោយ ទៅឡើងរថយន្តជិះតាមផ្លូវជាតិលេខ៣១ ឆ្ពោះទៅទិសខាងជើងបាត់ទៅ។
បើតាមស្ត្រីឈ្មោះ ចាន់ នី ជាកូនម្ចាស់ផ្ទះនិយាយថា នៅព្រឹកថ្ងៃនោះ ម្ដាយគាត់បានទៅលេងផ្ទះគាត់នៅផ្សារតន់ហន់ ក្នុងស្រុកកំពង់ត្រាច រីឯឪពុកជាប់រវល់ទៅកាត់ប្លង់ដីនៅសាលាស្រុកបន្ទាយមាស ។ ហើយចំពោះទ្រព្យសម្បត្តិដែលក្រុមចោរគាស់ទូដែកលួចយកទៅនោះ តាមការប៉ាន់ស្មាន គឺមាស១តម្លឹង៩ជី និងលុយខ្មែរ១៦លានរៀល ព្រមទាំងលុយដុល្លារ៤ពាន់ដុល្លារទៀត ដែលសរុបប្រហែលជាជាង១ម៉ឺនដុល្លារ ។
បើតាមស្ត្រីម្នាក់ឈ្មោះ ធី ដែលមានផ្ទះឃ្លាតពីគ្នាប្រហែល៦០ម៉ែត្រ បាននិយាយថា គាត់ឃើញមនុស្ស២នាក់ដើរសសៀរក្បែររបងផ្ទះគាត់សំដៅទៅក្រោយផ្ទះជនរងគ្រោះ ។ លុះប្រមាណជិត១ម៉ោងក្រោយមក ក៏ឃើញមនុស្សប្រុស៣នាក់រត់តាមក្រោយផ្ទះគាត់ រួចទៅឡើងជិះរថយន្តដែលចតចាំនៅលើផ្លូវជាតិ ។ ពេលនោះ រូបគាត់ និងអ្នកផ្ទះដែលឃើញមនុស្សប្រុស៣នាក់នោះរត់ ក៏ឆ្ងល់ដែរ តែសង្ស័យថាប្រហែលគេដេញចាប់អ្នកជក់គ្រឿងញៀ.ន ឬក៏គេដើរដាក់ថ្នាំចាប់កុក ទើបមិនបានចាប់អារម្មណ៍ពីរឿងចោរកម្ម ។
ក្រោយពេលកើតហេតុ បន្ទាប់ពីម្ចាស់ផ្ទះត្រឡប់ពីក្រៅមកដល់វិញ ហើយឃើញទូដាក់មាស និងលុយត្រូវធ្លុះធ្លាយ ទើបដឹងថា ត្រូវចោរលួចគាស់យកទ្រព្យសម្បត្តិអស់ ។ ចំណែកនគរបាលខេត្ត និងស្រុក កំពុងផ្ទៀងផ្ទាត់រូបភាពជនសង្ស័យ និងសាកសួរពីដំណើររឿងដែលក្រុមចោរគាស់ផ្ទះលួចទ្រព្យ
សម្បត្តិទាំងថ្ងៃនេះ ដោយអ្នកភូមិនិយាយថា ចោរប៉ុន្មាននាក់នោះ ពិតជាហ៊ានសម្បើមណាស់ ៕
ចែករំលែកព័តមាននេះ