តាក់ស៊ីហោះគ្រោងដំណើរការហើយ
សារព័ត៌មានបរទេសកាលពីពេល ថ្មីៗកន្លងមកផ្សាយថា
សារព័ត៌មានបរទេសកាលពីពេល ថ្មីៗកន្លងមកផ្សាយថា
សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រុមហ៊ុន«អ៊ែបាស»(Airbus)បានបង្ហាញយានហោះ ឬ«City Airbus» ឬ«តាក់ស៊ីហោះ»សាកល្បងហោះហើរ។ តាក់ស៊ីហោះប្រភេទនេះដើរដោយថាមពលចរន្ត ។
យាន«City Airbus»ជាយានតាមផ្លូវអាកាសមាន៨កង្ហារដើរដោយថាមពលអាគុយពីក្រុមហ៊ុន«Siemens»ជួយឱ្យវាអាចហោះ និងចុះចតក្នុងលក្ខណៈទីតាំងបញ្ឈរបាន និងអាចរត់បានល្បឿនខ្ពស់ដល់ទៅ១២០គីឡូម៉ែត្រក្នុងមួយម៉ោង ។
តាក់ស៊ីហោះនោះចេញម៉ូដទំនើបទាន់សម័យអាចដឹកអ្នកដំណើរបាន៤នាក់ ដោយបម្រើមហាជនក្នុងតំបន់ដែលមានពលរដ្ឋណែនណាន់តាន់តាប់ ដើម្បីបានធ្វើដំណើរទៅអាកាសយានដ្ឋាន ឬស្ថានីយរថភ្លើងទាន់ពេល ។
លោកMarius Bebeselប្រធានវិស្វករនៃគម្រោងការ«City Airbus»បញ្ជាក់ក្នុងសេចក្តីថ្លែងការណ៍ថា«បច្ចុប្បន្នយើងយល់ពីប្រសិទ្ធភាពនៃសមិទ្ធផលដើរដោយចរន្តរបស់City Airbus យើងនឹងពិសោធន៍វាឱ្យកាន់តែមានប្រសិទ្ធភាពជាងនេះ» ។
ក្រុមហ៊ុន«Airbus»ឱ្យដឹងទៀតថា នៅអំឡុងពេលពាក់កណ្តាលនៃឆ្នាំ២០១៨នឹងមានការសាកល្បងប្រព័ន្ធម៉ាស៊ីនឱ្យកាន់តែមានប្រសិទ្ធភាព និងនៅដំណាច់ឆ្នាំ២០១៨«City Airbus»នឹងដំណើរការហោះហើរជាលើកដំបូងដោយប្រើវិធីសាស្ត្របញ្ជាពីចម្ងាយ ៕
ចែករំលែកព័តមាននេះ