​​អ្នក​ជំនាញ​​អាមេរិក​បើក​សិក្ខាសាលា​វាយ​តម្លៃ​​ផ្នែក​ភាសាអង់​គ្លេស​សម្រាប់​គ្រូខ្មែរ


រាជ​ធានី​ភ្នំពេញ​ ៖ យោង​តាម​សេច​ក្តី​ប្រកាស​ព័ត៌​មាន​របស់​ស្ថាន​ទូត​សហ​រដ្ឋ​អាមេរិក​ប្រចាំ​នៅ​​កម្ពុជា​ឲ្យ​ដឹង​ថា​​ ដោយ​មាន​ជំនួយ​ពី​ស្ថាន​ទូត​អាមេរិ​កនៅ​​​រាជ​ធានី​​ភ្នំពេញ​​ បណ្ឌិត​​ Christine​ Coombe ​​ជា​អ្នក​ឯក​ទេស​អាមេរិក​ដ៏​​ឈ្មោះ​ល្បី​ខាងក​ារ​វាយ​តម្លៃផ្នែក​ភាសា​អង់​គ្លេស បាន​ដឹក​នាំ​សិក្ខា​សា​លា​មួយស្តីពី«​មូល​ដ្ឋា​ន​គ្រឹះ​នៃ​ការ​វាយ​តម្លៃ​ផ្នែក​ភាសា​អង់​គ្លេស​»​សម្រាប់​​គ្រូជន​ជាតិខ្មែ​រ​ និង​ជន​ជាតិ​បរ​ទេស​ដែល​បង្រៀន​​ភាសា​​អង់​គ្លេស​ គ្រូ​បង្គោល​ និង​អ្នក​គ្រប់​គ្រង​សាលា​​ចំនួន​ជាង​១០០​​នាក់ នៅ​វិទ្យា​ស្ថាន​ភាសា​បរ​ទេស​ក្នុង​រាជ​ធានី​​ភ្នំពេញ​ នៅ​​ថ្ងៃទី​៦​​និង​ទី​​៧​ មេសា​ ។​ ​​

តាម​រយៈសិក្ខា​សាលា​នេះ​សិក្ខ​ាកាម​​​បាន​ដឹង​ពី​គំនិត​សំខាន់​ៗនៃការ​វាយ​តម្លៃ​ភាសា​ ហើយ​ទទួល​បាន​ឱកាស​ក្នុង​ការ​យក​ទ្រឹ​ស្តី​ទៅអនុវត្ត ។​ ប្រធាន​បទ​ពិភាក្សា​រួម​មាន​ការ​ធ្វើ​តេស្ត​សាក​ល្បង​​​​ការ​​សរសេ​រ​សំណួរ​ប្រឡង​បាន​​ត្រឹម​ត្រូវ និង​​ការ​វាយ​តម្លៃ​ជំនាញគ​ន្លឹះ​ទាំង​​៤​ក្នុ​ង​​ភាសា​​ គឺ​ការ​និយាយ​ អាន​ ស្តាប់​និង​សរសេ​រ​ ។​ សិក្ខ​ា​សាលា​នេះ​​ដែល​ឧបត្ថ​ម្ភ​​ដោយ​ការិ​យា​ល័យ​​ផ្នែក​ភាសា​អង់​គ្លេស​ប្រចាំ​តំបន់​នៅ​ស្ថាន​ទូត​អា​មេរិក​ក្នុង​ទី​ក្រុង​បាង​កក​​ប្រទេស​ថៃ​មាន​សារ​​សំខាន់​សម្រាប់​គ្រូដែល​ធ្វើ​ការ​ទាក់​ទងនឹង​ការ​វាយ​តម្លៃ​ភាសា​ ឬ​មាន​ការ​ចាប់​អារម្មណ៍​ចង់​រៀន​បន្ថែ​ម​ទៀតព​ីដំណើរ​ការ​វាយ​តម្លៃ ។​​​

លោក​​ Sean McIntosh​ អ្នក​នា​ំពាក្យ​ស្ថាន​ទូត​សហ​រដ្ឋ​អា​មេរិក​​ប្រចាំ​​កម្ពុជា​​មាន​​ប្រសាសន៍​ថា«កំណើន​យ៉ាង​ឆាប់​រហ័ស​នៃ​ចំនួន​សាលា​បង្រៀន​​ភាសា​អង់​គ្លេស​នៅ​រាជ​ធានី​ភ្នំពេញ​ក្នុង​រយៈ​ពេល​​៥​ឆ្នាំ​កន្លង​ទៅ​នេះ​​គឺ​ជា​សញ្ញា​វិជ្ជ​មាន​មួយ​សម្រាប់​ការ​អភិ​វឌ្ឍន​ក្នុង​វិស័យ​អប់​រំ​នៅ​កម្ពុជា​​»​។​ លោក​បាន​បន្ថែម​​ទៀត​​ថា​​ ​យន្ត​​ការ​​វាយ​​តម្លៃ​ល្អ​ត្រូវ​តែ​មាន​ឡើង​​ដើម្បី​ធានា​ឱ្យ​មាន​ការ​អប់​រំ​ប្រកប​ដោយ​គុណ​ភាព​សម្រាប់​បំពេញ​ត​ម្រូវ​​ការ​ទី​ផ្សារ​ការ​ងារ​ ។

ស្ថាន​ទូតសហរដ្ឋ​​​អា​មេរិក​ប្រចាំ​នៅ​​កម្ពុជា​បាន​ជួយ​​ដល់​ការ​អប់​រំ​ផ្នែក​ភាសា​អង់​គ្លេស​ នៅ​កម្ពុជា​​តាម​រយៈ​កម្មវិ​ធី​ខ្នាត​តូច​ផ្នែក​ភាសា​អង​់​គ្លេស​​​អ្នក​ធ្វើ​ការ​ និង​អ្នក​ឯក​ទេស​ផ្នែក​ភា​សា​អង់​គ្លេស​​ហើយ​និង​កម្ម​វិធី​ដទៃៗទៀត ​។ ការ​វាយ​តម្លៃ​ផ្នែក​ភា​សាគ​ឺជា​ផ្នែក​សំខាន់​មួយ​នៃ​ការ​អប់​រំ​ផ្នែក​ភាសា​អង់​គ្លេស​ប្រកប​ដោយ​ជោគ​ជ័យ​​​នៅ​កម្ពុជា​ ៕

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ