លោកត្រាំ រងការចោទប្រកាន់ពីបទឧក្រិដ្ឋទាក់ទិននឹងតារាសិ.ច
សហរដ្ឋអាមេរិក ៖ ក្រុមប្រឹក្សាតុលាការរដ្ឋញូវយ៉កបានអនុម័តលើការចោទប្រកាន់បទឧក្រិដ្ឋប្រឆាំង
សហរដ្ឋអាមេរិក ៖ ក្រុមប្រឹក្សាតុលាការរដ្ឋញូវយ៉កបានអនុម័តលើការចោទប្រកាន់បទឧក្រិដ្ឋប្រឆាំង អតីតប្រធានាធិបតីអាមេរិកលោកដូណាល់ ត្រាំ ទាក់ទិនរឿងទិញការបិទមាត់តារាខ្សែភាពយន្តXមួយរូប ដែលនោះជារឿងពុំធ្លាប់មានពីមុនមកឡើយ សម្រាប់អតីតប្រធានាធិបតីមួយរូប។ នេះជាសេចក្ដីរាយការណ៍កាលពីថ្ងៃទី៣០ មីនា របស់បណ្ដាសារព័ត៌មានអាមេរិក។
លោកដូណាល់ ត្រាំ ដែលស្រមៃដណ្ដើមយកតំណែងប្រមុខសេតវិមាន ក្នុងការបោះឆ្នោតប្រធានាធិបតីឆ្នាំ២០២៤នោះ ត្រូវទទួលការចោទប្រកាន់ជាផ្លូវការ នាប៉ុន្មានថ្ងៃខាងមុខទៀត ដោយតុលាការរដ្ឋញូវយ៉កនិងដោយរដ្ឋអាជ្ញាម៉ាន់ហាតាន់ លោកALVIN BRAGG ពីបទជះប្រាក់១៣០.០០០ដុល្លារ ដល់តារាភាពយន្តនិងជាអ្នកដឹកនាំថតខ្សែភាពយន្តសិ.ច នាងSTORMY DANIELS ។ នេះជាការអះអាងពិសេសដោយកាសែតញូវយ៉កថែមនិងទូរទស្សន៍CNN ដែលដកស្រង់ប្រភពជិតដិតនឹងសំណុំរឿងនោះ។
ចំពោះបទចោទប្រកាន់លោកនេះ លោកដូណាល់ ត្រាំ បានបរិហារថា ជាការជ្រៀតជ្រែកមួយចូលក្នុងការបោះឆ្នោត បានន័យថាជាការចោទប្រកាន់ទាក់ទិននយោបាយ។ មេធាវីរបស់នាងSTORMY DANIELS ថ្លែងនាថ្ងៃទី៣០មីនាថា គ្មាននរណាម្នាក់អង្គុយលើច្បាប់បានឡើយ។ ការចោទប្រកាន់លោកត្រាំ ពុំមែនដោយសារហេតុផលលេងសើចមួយទេ។ ពេលនេះការពិតនិងយុត្តិធម៌ពិតជាឈ្នះ។
លោកដូណាល់ ត្រាំ ដែលបដិសេធថាគ្មានប្រព្រឹត្តកំហុស និងគ្មានរាល់ទំនាក់ទំនងជាមួយនាងSTORMY DANIELS ធ្លាប់អះអាងកាលពីថ្ងៃទី២៦និង២៧មីនាថា ការស៊ើបអង្កេតលើរឿងនេះធ្វើទាំងងាប់ស្ដូក ជាការបោកប្រាស់់និងជាការជ្រៀតជ្រែកចូលក្នុងការបោះឆ្នោត រៀបចំឡើងដោយពួកជនខិលខូច មុនការបោះឆ្នោតប្រធានាធិបតីឆ្នាំ២០២៤។ រួចកាលពីយប់ថ្ងៃទី៣០ មីនា លោកបរិហារថា នោះជាការធ្វើទុក្ខបុកម្នេញខាងនយោបាយ ពុំធ្លាប់ដែលឃើញក្នុងប្រវត្តិសាស្ត្រ។ ខ្ញុំជឿជាក់ថាការតាមប្រមាញ់ខ្មោ.ចនោះ នឹងបកត្រឡប់ទៅរកលោកចូ បៃដិន វិញ៕
ចែករំលែកព័តមាននេះ