បែកធ្លាយ Neymar និងអតីតមិត្តស្រីត្រូវគ្នាវិញ
តាមប្រភពព័ត៌មាន Mirror បានឲ្យដឹងថា មានវីឌីអូមួយដែលគេថតបានពេល Neymar
តាមប្រភពព័ត៌មាន Mirror បានឲ្យដឹងថា មានវីឌីអូមួយដែលគេថតបានពេល Neymar និង អតីតមិត្តស្រីថើបគ្នានៅក្នុងហាងមួយ ។ នេះអាចបញ្ជាក់ឲ្យឃើញថា ពួកគេអាចនឹងត្រូវគ្នាវិញ បន្ទាប់ពីបានបែកគ្នានៅខែមិថុនា ឆ្នាំ២០១៧ នេះ ។
Neymar និងមិត្តស្រី Bruna Marquezine ដែលជាតារាសម្តែង និងតារាបង្ហាញម៉ូដបានថើបគ្នានៅក្នុងហាងមួយដែលធ្វើឲ្យល្បីពេញបណ្តាញសង្គមថា ពួកគេត្រូវគ្នាវិញ ។ ទោះបីជាវីឌីអូនោះហាក់បីដូចជាមើលមិនច្បាស់ដោយសារតែគុណភាពមិនល្អក៏ពិតមែនតែយើងអាចឃើញច្បាស់ថា បុរសម្នាក់នោះគឺជា Neymar ។
គួរបញ្ជាក់ផងដែរថា Neymar និងនាង Bruna បានស្រឡាញ់គ្នាតាំងពីឆ្នាំ២០១៣ ។ ពួកគេធ្លាប់បានប្រកាសថាបែកគ្នាម្តងដែរកាលពីឆ្នាំ២០១៤ ។ តែក្រោយមកក៏ត្រូវគ្នាហើយបែកគ្នាម្តងទៀតនៅខែមិថុនា ឆ្នាំ២០១៧ នេះ ។ នៅពេលអ្នកព័ត៌មានសួរ Neymar ពីរឿងនេះ គេប្រកែកមិនឆ្លើយហើយនិយាយថា «ខ្ញុំមិនចូលចិត្តនិយាយពីរឿងជីវិតឯកជនឡើយ» ៕
ចែករំលែកព័តមាននេះ