ទីក្រុងឡុងដ៍ ៖ ខ្សែប្រយុទ្ធ Harry Kane បានឈ្នះពានរង្វាន់ Ballon d’Or ឆ្នាំ២០២៦ និងជាកីឡាករអង់គ្លេសដំបូងគេនៅក្នុងរយៈពេល ២៥ ឆ្នាំ ដែលឈ្នះពានរង្វាន់ឯកត្តជនកីឡាករបាល់ទាត់ឆ្នើមបំផុតប្រចាំឆ្នាំ បន្ទាប់ពីអតីតខ្សែប្រយុទ្ធ Michael Owen សម្រេចបានកាលពីឆ្នាំ ២០០១ បន្ទាប់ពីត្រូវបានប្រកាសជាផ្លូវការ កាលពីថ្ងៃទី២៦ ខែតុលា នៅសាលមហោស្រព London Palladium ទីក្រុងឡុងដ៍ នៃព្រីតថេន។
ដើម្បីក្លាយជាម្ចាស់ពានរង្វាន់ឆ្នាំនេះ Harry Kane ខ្សែប្រយុទ្ធឆ្នើមក្លិប Bayern Munich និងក្រុមជម្រើសជាតិអង់គ្លេស វ័យ៣៣ឆាំ្ន បានប្រជែងឈ្នះ Kylian Mbappé (ចំណាត់ថ្នាក់ទី ២) ខ្សែប្រយុទ្ធក្លិប Real Madrid និងជម្រើសជាតិបារាំង និង Lamine Yamal (ចំណាត់ថ្នាក់ទី ៣) ខ្សែប្រយុទ្ធស្លាបស្តាំក្លិប Barcelona និងជម្រើសជាតិអេស្ប៉ាញ។
Harry Kane រកបាន ៦១ គ្រាប់ក្នុងការបង្ហាញខ្លួនជាមួយ Bayern ចំនួន ៥១ ប្រកួតកាលពីរដូវកាលមុន ដែលជាចំនួនគ្រាប់បាល់ច្រើនបំផុតដែលកីឡាកររបស់ក្លិបនេះ រកបានក្នុង១រដូវកាល។ ប្រសិនបើរាប់បញ្ចូលទាំងការប្រកួតឱ្យក្រុមតោកំណាចអង់គ្លេសទៀត រូបគេរកបានសរុប ៧៣ គ្រាប់ពីបង្ហាញខ្លួនសរុប ៦៥ ប្រកួត និងងបញ្ជូនបាល់ឱ្យមិត្តរួមក្រុមសម្រេចទីចំនួន ៨ ដងផងដែរ។
តាមរយៈសមិទ្ធផលជាលើកដំបូងនៅក្នុងអាជីពនេះ Kane បានក្លាយកីឡាករអង់គ្លេសទី ៥ ដែលឈ្នះពានរង្វាន់ Ballon d’Or បន្ទាប់ពី Sir Stanley Matthews (១៩៥៦), Sir Bobby Charlton (១៩៦៦) Kevin Keegan (១៩៧៨ និង ១៩៧៩) និង Michael Owen (២០០១)។
ម្ចាស់ពានរង្វាន់ផ្សេងទៀត នៅក្នុងកម្មវិធីប្រគល់ពានរង្វាន Ballon d’Or ឆ្នាំ២០២៦ ៖
-Alexia Putellas (Barcelona/អេស្ប៉ាញ) ៖ កីឡាការិនីឆ្នើមបំផុត Ballon d’Or ឆ្នាំ២០២៦
-Lamine Yamal (Barcelona/អេស្ប៉ាញ) ៖ កីឡាករវ័យក្មេងឆ្នើមបំផុត
-Vicky López (Barcelona/អេស្ប៉ាញ) ៖ កីឡាការិនីវ័យក្មេងឆ្នើមបំផុត
-Unai Simón (Athletic Bilbao/អេស្ប៉ាញ) ៖ អ្នកចាំទីឆ្នើមបំផុត (បុរស)
-Cata Coll (Barcelona/អេស្ប៉ាញ) ៖ អ្នកចាំទីឆ្នើមបំផុត (នារី)
-Harry Kane (Bayern/អង់គ្លេស) ៖ ខ្សែប្រយុទ្ធឆ្នើមបំផុត (បុរស)
-Charlyn Corral (CF Pachuca/ម៉ិកស៊ិក) ៖ ខ្សែប្រយុទ្ធឆ្នើមបំផុត (នារី)
-លោក Luis de la Fuente (អេស្ប៉ាញ) ៖ គ្រូបង្វឹកឆ្នើមបំផុត
-លោក Pere Romeu (Barcelona) ៖ គ្រូបង្វឹកឆ្នើមបំផុត (ក្រុមនារី)
-PSG (បារាំង) ៖ ក្លិបបាល់ទាត់បុរសល្អប្រចាំឆ្នាំ
-Barcelona (អេស្ប៉ាញ) ៖ ក្លិបបាល់ទាត់បុរសល្អប្រចាំឆ្នាំ
-Bukayo Saka (Arsenal/អេស្ប៉ាញ) ៖ កីឡាករចូលរួមការងារមនុស្សធម៌ និងកិច្ចការសង្គមឆ្នើមបំផុត៕
ចែករំលែកព័តមាននេះ