ទីក្រុងឡុងដ៍ ៖ អ្នកឈ្នះពានរង្វាន់ Ballon d’Or ឆ្នាំ ២០២៦ នឹងត្រូវប្រកាសនៅថ្ងៃចន្ទនេះ ហើយបើតាមស្ថានភាពបច្ចុប្បន្ន គេនៅមិនទាន់ដឹងច្បាស់ថា តើនរណានឹងក្លាយជាម្ចាស់ពានរង្វាន់ឯកត្តជនដ៏មានកិត្យានុភាពបំផុត នៅក្នុងពិភពបាល់ទាត់នេះឡើយ។
កីឡាករ Harry Kane, Kylian Mbappe និង Lamine Yamal ក្លាយជាបេក្ខជនលេចធ្លោជាងគេបំផុតប្រចាំឆ្នាំនេះ។ ទោះយ៉ាងណាក៏ដោយ ក៏មិនត្រូវមើលរំលងអតីតម្ចាស់ពានមួយនេះ ៣ រូបផ្សេងទៀត រួមមាន Ousmane Dembele, Rodri និងម្ចាស់ពាន ៨ សម័យកាលច្រើនជាងគេ Lionel Messi ផងដែរ ខណៈ Michael Olise និង Khvicha Kvaratskhelia គឺជាបេក្ខជន ដែលត្រូវបានគេចាត់ទុកថា អាចបង្កើតរឿងភ្ញាក់ផ្អើល។
-ខ្សែប្រយុទ្ធ Kylian Mbappé (Real Madrid/បារាំង) បេក្ខភាពលេចធ្លោខ្លាំង បន្ទាប់ពីរកបានគ្រាប់បាល់យ៉ាងច្រើន សរុបជាង ៥០ គ្រាប់ទាំងក្លិប និងជម្រើសជាតិ ព្រមទាំងឈ្នះស្បែកជើងមាស World Cup ឆ្នាំ២០២៦ (១០ គ្រាប់)។
-ខ្សែប្រយុទ្ធ Harry Kane (Bayern Munich/អង់គ្លេស) បង្ហាញទម្រង់លេងគួរឱ្យភ្ញាក់ផ្អើល ដោយស៊ុតបញ្ចូលទីបានរហូតដល់ ៧៣ គ្រាប់ឱ្យទាំងក្លិប និងជម្រើសជាតិ ព្រមទាំងជួយ Bayern Munich ឈ្នះជើងឯកលីគកំពូលអាល្លឺម៉ង Bundesliga រដូវកាល ២០២៥-២៦។
-ខ្សែប្រយុទ្ធស្លាបស្តាំ Lamine Yamal (Barcelona/អេស្ប៉ាញ) យុវជនដើរតួយ៉ាងសំខាន់សម្រាប់ Barcelona និងបានរួមចំណែកជួយក្រុមជម្រើសជាតិអេស្ប៉ាញគ្រងជើងឯកពានរង្វាន់ World Cup ឆ្នាំ២០២៦ យ៉ាងអស្ចារ្យ។
គួរបញ្ជាក់ជាថ្មីថា កម្មវិធីប្រគល់ពានរង្វាន់ Ballon d’Or ឆ្នាំ ២០២៦ លើកទី ៧០ នឹងប្រារព្ធឡើងនៅថ្ងៃទី២៦ ខែតុលា នៅសាលមហោស្រព London Palladium ទីក្រុងឡុងដ៍ នៃព្រីតថេន ម៉ោង ៨ យប់ (ម៉ោងក្នុងស្រុក) ត្រូវនឹងម៉ោង ៣ រំលងអាធ្រាត្រឈានចូលព្រឹកថ្ងៃទី២៧ ខែតុលា ម៉ោងនៅកម្ពុជា៕ ប្រភព ៖ Goal និងប្រភពផ្សេងទៀត
ចែករំលែកព័តមាននេះ