ព្រឹទ្ធសមាជិកម្នាក់ថា លោកត្រាំ អាចនាំអាេមរិកដើរលើផ្លូវនៃសង្គ្រាម
សហរដ្ឋអាមេរិក ៖ ព្រឹទ្ធសមាជិកមានឥទ្ធិពលមួយរូបនៃគណបក្សសាធារណរដ្ឋ
សហរដ្ឋអាមេរិក ៖ ព្រឹទ្ធសមាជិកមានឥទ្ធិពលមួយរូបនៃគណបក្សសាធារណរដ្ឋ
សហរដ្ឋអាមេរិក ៖ ព្រឹទ្ធសមាជិកមានឥទ្ធិពលមួយរូបនៃគណបក្សសាធារណរដ្ឋ លោក BOB CORKER បើតាមកាសែតញូវយ៉កថែមវាយតម្លៃថា ជាមួយការគំរាមកំហែងរបស់លោកប្រឆាំងប្រទេសមួយចំនួន ប្រធានាធិបតីអាមេរិក លោកដូណាល់ ត្រាំ អាចនាំសហរដ្ឋអាេមរិកដើរលើផ្លូវនៃសង្គ្រាមលោកលើកទី៣មួយ ។
អតីតអ្នកគាំទ្រលោកត្រាំ រូបនេះ ក្នុងបទសម្ភាសន៍មួយចេញផ្សាយកាលពីថ្ងៃទី៨ តុលា ដោយកាសែតញូវយ៉កថែមបន្តថា លោកត្រាំ ធ្វើឱ្យខ្ញុំមានការព្រួយបារម្ភ ហើយលោក និងបណ្តាអ្នកស្រឡាញ់ប្រទេសយើងទាំងអស់មានការបារម្ភ ។
ជាមួយសម្តីវាយប្រហារខ្លាំងបែបនេះ ព្រឹទ្ធសមាជិកអាយុ៦៥ឆ្នាំ គួរឱ្យគោរពបំផុតរូបនេះ បានរំលឹកពីពាក្យពេចន៍របស់លោកត្រាំ ដែលអះអាងថា «ព្រឹទ្ធសមាជិក BOB CORKER លោកអាចជួយខ្ញុំឱ្យឈ្នះឆ្នោតជាថ្មីនៅរដ្ឋតេនណឺស៊ី ។ ប៉ុន្តែខ្ញុំនិយាយថាទេ ហើយលោកត្រាំ និយាយទៀតថា លោកមិនអាចឈ្នះឆ្នោតទេ បើគ្មានការជួយគាំទ្ររបស់ខ្ញុំ ។ លោកត្រាំ ក៏ចង់ឱ្យខ្ញុំធ្វើរដ្ឋមន្ត្រីការបរទេស តែខ្ញុំថាទេ អរគុណហើយ ។
ព្រឹទ្ធសមាជិករូបនេះកាលពីថ្ងៃទី៤ តុលា ធ្លាប់អះអាងថា ប្រសិនបើសហរដ្ឋអាមេរិកពុំធ្លាក់ក្នុងភាពច្របូកច្របល់នោះក៏ពឹងលើរដ្ឋមន្ត្រីការបរទេស លោក REX TILLERSON រដ្ឋមន្ត្រីការពារប្រទេសលោក JIM MATTIS និងអគ្គលេខាធិការសេតវិមានលោក JOHN KELLY ដែរ ។ រួចកាលពីខែសីហា ក្រោយអំពើហិង្សាប្រកាន់ពូជសាសន៍នៅទីក្រុង CHARLOTTESVILLE រដ្ឋវៀជីនៀ ព្រឹទ្ធសមាជិករូបនេះប្រកាសថា លោកត្រាំ នៅពុំទាន់បង្ហាញថា លោកមានសាមគ្គីភាព ហើយមានសមត្ថភាពចាំបាច់នានា ដើម្បីឱ្យទទួលបានជោគជ័យក្នុងឋានៈជាប្រធានាធិបតីឡើយ ៕
ចែករំលែកព័តមាននេះ