អង់គ្លេសផ្ដល់រថក្រោះ CHALLENGER អាល្លឺម៉ង់ផ្ដល់រថក្រោះLEOPARD 2
សង្គ្រាមអ៊ុយក្រែន ៖ អធិការបតីអាល្លឺម៉ង់ លោក OLAF SCHOLZ ថ្លែងនាថ្ងៃទី២៧ មីនា ថា អាល្លឺម៉
សង្គ្រាមអ៊ុយក្រែន ៖ អធិការបតីអាល្លឺម៉ង់ លោក OLAF SCHOLZ ថ្លែងនាថ្ងៃទី២៧ មីនា ថា អាល្លឺម៉ង់បានផ្លល់រួចហើយដល់អ៊ុយក្រែន រថក្រោះប្រយុទ្ធធុនធ្ងន់LEOPARD 2។
ក្នុងសន្និសីទសារព័ត៌មានមួយនៅទីក្រុងរ៉ូទ័រដាម លោកOLAF SCHOLZ អះអាងពីព័ត៌មានចេញផ្សាយដោយកាសែតអាល្លឺម៉ង់DER SPIEGEL ដែលថា រថក្រោះLEOPARD 2 ១៨គ្រឿងបានផ្ដល់ដល់អ៊ុយក្រែនរួចហើយ។ លោកថាមែនហើយបណ្ដារថក្រោះធុននេះបានផ្ដល់ដល់ក្រុងគៀវរួចហើយ។
តាមកាសែតនោះថា បណ្ដារថក្រោះធុននេះចុងក្រោយ បានចាកចេញពីអាល្លឺម៉ង់កាលពីដំណាច់សប្ដាហ៍មុន ហើយមកទល់ពេលប្រគល់ដល់អ៊ុយក្រែនរួចរាល់។ រថយន្តពាសដែកប្រយុទ្ធធុនMARDER ៤០គ្រឿងក៏ត្រូវបានផ្ដល់ឲ្យរួចដែរ។
រដ្ឋាភិបាលអាល្លឺម៉ង់រក្សាការសម្ងាត់ពីផ្លូវបញ្ជូនរថក្រោះនិងរថយន្តពាសដែកទាំងនេះ ដោយសារហេតុផលសន្តិសុខ។ បណ្ដាទាហានអ៊ុយក្រែនក៏ទទួលបានការបណ្ដុះបណ្ដាលក្នុងការប្រើរថក្រោះLEOPARD 2 ចប់រួចរាល់ដែរ៕
ចែករំលែកព័តមាននេះ