រាជធានីភ្នំពេញ ៖ សួនស្មៅ និងកូនឈើនៅតាមមហាវីថីឈ្នះឈ្នះបានងាប់អស់រលីងហើយ និងបានបែកពណ៌ពីបៃតងខ្ចីទៅសក្បុស ខណះពេលដែលមេឃក្តៅហែង ហើយអ្នកទទួលខុសត្រូវមើលថែទាំ មិនបានយកចិត្តទុកដាក់ស្រោចទឹកអោយបានដិតដល់នោះ ។ គេពុំដឹងថា…
រាជធានីភ្នំពេញ ៖ សួនស្មៅ និងកូនឈើនៅតាមមហាវីថីឈ្នះឈ្នះបានងាប់អស់រលីងហើយ និងបានបែកពណ៌ពីបៃតងខ្ចីទៅសក្បុស ខណះពេលដែលមេឃក្តៅហែង ហើយអ្នកទទួលខុសត្រូវមើលថែទាំ មិនបានយកចិត្តទុកដាក់ស្រោចទឹកអោយបានដិតដល់នោះ ។
គេពុំដឹងថា សួនច្បារខណ្ឌចែកទ្រូងផ្លូវនោះ អង្គភាព ឬក្រុមហ៊ុនណា ជាអ្នកទទួលបន្ទុកមើលថែទាំនោះទេ ។ ទោះបីជាយ៉ាងណា អាជ្ញាធរមូលដ្ឋានខណ្ឌដែលពាក់ព័ន្ធ គួររាយការណ៍ទៅរដ្ឋបាលរាជធានីភ្នំពេញ ដើម្បីមានវិធាន មិនគួរទុកចោលអោយស្មៅនិងកូនឈើដែលខំដាំហើយងាប់អស់បែបនេះ ។
សួនស្មៅនិងកូនឈើដែលងាប់នោះស្ថិតនៅលើកំណាត់មហាវិថីឈ្នះឈ្នះ ចាប់គល់ស្ពានព្រែកព្នៅរហូតដល់ស្ពានឆ្លងផ្លូវជាតិលេខ៤ ក្រវ៉ាតក្រុងទី៣ ក្នុងមូលដ្ឋាន ខណ្ឌពោធិសែនជ័យ ។កំណាត់មហាវិថីឈ្នះឈ្នះនេះ ត្រូវបានគេដឹងថា ស្ថិតនៅព្រំប្រទល់ ខណ្ឌឬស្សីកែវ , ព្រែកព្នៅ , សែនសុខ និងខណ្ឌពោធិសែនជ័យ ។
ជុំវិញស្មៅនិងកូនឈើងាប់នេះប៉ុន្មានថ្ងៃមុន នៅតាមផ្លូវជាតិលេខ៣ មានការបង្ហោះនិងស៊ែរតៗគ្នានៅក្នុងបណ្តាញសង្គម ខណៈពេលដែលសារព័ត៌មានមួយបានថតបង្ហោះ ។ ទន្ទឹមនោះ ក៏មានការបំភ្លឺពីមន្ទីរសាធារណការនិងដឹកជញ្ជូនខេត្តកំពត និងខេត្តកំពង់ស្ពឺផងដែរ ។ ខណៈពេលដែលកូនឈើនិងស្មៅនៅតាមផ្លូវជាតិលេខ៣ក្នុងភូមិសាស្ត្រខេត្តកំពង់ស្ពឺបានងាប់ និងល្បីល្បាញក្នុងបណ្តាញសង្គមនោះ បែរជាសួនស្មៅនៅកណ្តាលរាជធានីភ្នំពេញទុកចោលបណ្តាលអោយងាប់ដែរ។
តាមព័ត៌មានបានអោយដឹងថា បើសិនយើងធ្វើដំណើរ ចុះពីលើស្ពានព្រែកព្នៅយើងនឹងឃើញ សួនច្បារខណ្ឌចែកមហា វិថីឈ្នះឈ្នះស្មៅនិងកូនឈើងាប់សព្រាត។ មិនថា តែស្មៅនិងកូនឈើខ្វះការថែទាំនោះទេ សូម្បីតែខឿនសួនច្បារបាក់បែកខ្វះការថែទាំជួសជុលផងដែរ។
តាមប្រជាពលរដ្ឋ ដែលលក់ដូរត្រង់ចំណុច ខាងលិច ស្ថាននីបូមទឹកកប់ស្រូវ បានអោយដឹងថា ស្មៅនិងកូនឈើងាប់នេះ ដោយសារតែ ខ្វះអ្នកថែទាំស្រោចទឹកអោយបានដិតដល់រួមនឹងមេឃក្តៅហែង។ ប្រជាពលរដ្ឋ អោយដឹងទៀតថា អោយស្មៅរស់យ៉ាងមេច បើរយះប្រមាណ១សប្តាហ៍ គេឃើញ រថយន្តមកស្រោចទឹកម្តង ។ បើស្រោចរាល់ថ្ងៃឬក៍២ថ្ងៃម្តងស្មៅ និងកូនឈើអាចលូតលាស់បានហើយ។ម្យ៉ាងទៀតសួនច្បារ ដីទួលខ្ពស់ជាងខឿន ពេលស្រោច ទឹកហូរចេញអស់។
ទាក់ទិននឹងស្មៅកូនឈើងាប់ ខាងអង្គភាពសួនច្បារនៃមន្ទីរសារណះការនិងដឹកជញ្ជូន រាជធានីភ្នំពេញបានអោយដឹងថា កំណាត់មហាវិថីឈ្នះឈ្នះ នេះត្រូវក្រុមហ៊ុន អេកូអ៊ែតស៍និងហ្គ្រីនជាអ្នកដេញថ្លៃបាន មើលថែទាំ។ ក្នុងនាមក្រុមហ៊ុន ដែលទទួលខុសត្រូវដេញថ្លៃ មើលថែទាំ សួនច្បារតាមបណ្តោយមហាវិថីឈ្នះឈ្នះ មិនគួរខ្វះការទទួលខុសត្រូវ បណ្តោយអោយស្មៅងាប់នោះទេ ។
រដ្ឋបាលរាជធានីភ្នំពេញ ដែលជាម៉ែឪ គួរជួយមើលនិងមានវិធានការចំពោះអ្នកទទួលខុសត្រូវមើលថែទាំសួនច្បារផង ។បើស្មៅនិងកូនឈើដុះលូតលាស់ល្អវាក៍ជាសោភណ្ឌភាពរាជធានីភ្នំពេញផងដែរ។
ទោះបីជាយ៉ាងណាកោះសន្តិភាពពុំទទួលបានការបំភ្លឺណាមួយពីក្រុមហ៊ុន អេកូអ៊ែតស៍និងហ្គ្រីនឡើយដែលគេអះអាងថា ជាអ្នកទទួលមើលថែទាំស្មៅនិងកូនអោយងាប់នោះឡើយ៕
ចែករំលែកព័តមាននេះ