យោងតាមតុល្យការផ្លូវការមួយថា មនុស្សដល់ទៅ៤៦នាក់បាត់ខ្លួន និង៧នាក់ត្រូវបានស្លា.ប់ នៅភាគខាងត្បូងអេក្វាទ័រ ដោយសារការបាក់ដី បណ្ដាលមកពីមានភ្លៀងធ្លាក់ខ្លាំងកាលពី
ប្រទេសអេក្វាទ័រ ៖ យោងតាមតុល្យការផ្លូវការមួយថា មនុស្សដល់ទៅ៤៦នាក់បាត់ខ្លួន និង៧នាក់ត្រូវបានស្លា.ប់ នៅភាគខាងត្បូងអេក្វាទ័រ ដោយសារការបាក់ដី បណ្ដាលមកពីមានភ្លៀងធ្លាក់ខ្លាំងកាលពីយប់ថ្ងៃទី២៦ មកថ្ងៃទី២៧ ខែមីនា ឆ្នាំ២០២៣។
ផ្ទះជាច្រើនសិបខ្នងត្រូវដីភក់កប់បាត់ ក្នុងមូលដ្ឋានអាឡាអ៊ូស៊ី ខេត្តជីមបូរ៉ាហ្សូ ចម្ងាយប្រមាណ៥០០គីឡូម៉ែត្រខាងត្បូងក្រុងគីតូ ក្នុងតំបន់ដែលកាលពីសប្ដាហ៍មុនរងការវា.យប្រហា.ររួចហើយ ដោយការរញ្ជួយដីមួយ បណ្ដាលឲ្យមនុស្សស្លា.ប់១៥នាក់ ក្នុងនោះម្នាក់ក្នុងប្រទេសប៉េរូជិតខាង។
នៅក្នុងតុល្យការថ្មី អាជ្ញាធរអេក្វាទ័រគូសបញ្ជាក់នាថ្ងៃទី២៧ ខែមីនាថា ការបាក់ដី បណ្ដាលឲ្យមនុស្ស៤៦នាក់បាត់ខ្លួន ៧នាក់ស្លា.ប់ និង២៣នាក់រងរបួស។ តុល្យការដំបូងរៀបរាប់ពីមនុស្សស្លា.ប់ដល់១៦នាក់ និង៧នាក់បាត់ខ្លួន។ សរុបមនុស្សដល់ជិត៥០០នាក់រងការប៉ះពាល់ ដោយការបាក់ដីនោះក្នុងសង្កាត់មួយ ស្ថិតនៅជើងភ្នំ ជាយក្រុងភាគឦសាននៃក្រុងអាឡាអ៊ូស៊ី។
រូបភាពនានាផ្សាយដោយបណ្ដាសារព័ត៌មានក្នុងស្រុក បង្ហាញអ្នកជួយសង្គ្រោះច្រើនសិបនាក់ និងបណ្ដាជនស៊ីវិល ខិតខំតាមរងអ្នកដែលកប់ក្នុងដីភក់និងគំនរបាក់បែក៕
ចែករំលែកព័តមាននេះ