គន្លឹះគ្រប់គ្រងអ៊័រម៉ូនដោយធម្មជាតិ
យើងទាំងអស់គ្នាបានដឹងហើយថា
យើងទាំងអស់គ្នាបានដឹងហើយថា
យើងទាំងអស់គ្នាបានដឹងហើយថា រាងកាយរបស់មនុស្សមានមុខងារ ផ្សេងៗគ្នា រួមទាំងមុខងារសរីរៈផ្លូវចិត្ត និងផ្លូវអារម្មណ៍ ។ ទាល់តែមុខងារទាំង៣នេះមានដំណើការល្អ ទើបរាងកាយរបស់យើងមានសុខភាពល្អ ។
មានរបស់ម្យ៉ាងក្នុងរាងកាយរបស់អ្នកទទួលខុសត្រូវក្នុងការគ្រប់គ្រងមុខងារដូចជាអារម្មណ៍ មុខងារខួរក្បាល និងមុខងាររាងកាយមួយចំនួន ហើយពួកវាត្រូវបានគេស្គាល់ថាជាអ៊័រម៉ូន ។
ប្រសិនបើអ៊័រម៉ូនរបស់អ្នកត្រូវបានគ្រប់គ្រងបានល្អ នោះមុខងារខ្លួនប្រាណរបស់អ្នកនឹងមានភាពប្រក្រតី ។ ដូច្នេះខាងក្រោមនេះគឺជាគន្លឹះសាមញ្ញមួយចំនួនដើម្បីគ្រប់គ្រងអ៊័រម៉ូនរបស់អ្នកដោយធម្មជាតិ ។
១-ទទួលទានជាតិខ្លាញ់ដែលល្អចំពោះសុខភាព
ទោះបីវាជាការល្អក្នុងការចៀសវាងជាតិខ្លាញ់ ជាពិសេសជាតិខ្លាញ់ក្នុងអាហារដែលគ្មានសារធាតុចិញ្ចឹម ប៉ុន្តែអ្នកត្រូវបរិភោគជាតិខ្លាញ់ដែលល្អចំពោះសុខភាពដូចជា ប្រេងដូង ផ្លែប៊័រឲ្យបានទៀងទាត់ ដោយសារអាស៊ីតខ្លាញ់អូមេហ្គា៣នៅក្នុងខ្លាញ់ដែលល្អចំពោះសុខភាពអាចគ្រប់គ្រងតុល្យភាពអ៊័រម៉ូន ។
២-ទទួលទានស្លឹកម្រះព្រៅ
ការទទួលទានស្លឹកម្រះព្រៅតិចតួចជារៀងរាល់ថ្ងៃអាចព្យាបាលបញ្ហាអតុល្យភាពអ៊័រម៉ូនបាន ដោយសារុក្ខជាតិឱសថនេះមានសារជាតិអាហារបំប៉នម្យ៉ាងដែលគេស្គាល់ថាជា adpatogen ដែលរំញោចដល់ក្រពេញអង់ដូគ្រីន ដើម្បីផលិតអ៊័រម៉ូនដែលល្អចំពោះសុខភាព ។
៣-ថែរក្សាសុខភាពប្រព័ន្ធរំលាយអាហារ
ប្រព័ន្ធរំលាយអាហារដើរតួនាទីយ៉ាងសំខាន់ក្នុងការថែរក្សាតុល្យភាពអ៊័រម៉ូន ។ ប្រសិនបើប្រព័ន្ធរំលាយអាហារមានបញ្ហា វាអាចនាំឱ្យមានបញ្ហាកង្វះសារធាតុជាក់លាក់ណាមួយ ហើយការកង្វះនេះនឹងបណ្តាលឱ្យមានបញ្ហាអតុល្យភាពអ៊័រម៉ូន ។
៤-កម្ចាត់ផលិតផលពុល
ផលិតផលផ្ទះបាយមួយចំនួនដូចជាធុងប្លាស្ទិក និងខ្ទះ ផលិតផលសម្រាប់ផាត់មុខ និងផលិតផលថែរក្សារដងខ្លួន ដែលមានសារជាតិ parabens និងសារធាតុគីមីបែបនេះ ផ្សេងៗទៀតអាចបណ្តាលឱ្យមានបញ្ហាអតុល្យភាពអ៊័រម៉ូននៅពេលប្រើប្រាស់យូរជារៀងរាល់ថ្ងៃ ។
៥-ការធ្វើលំហាត់ប្រាណ
ការធ្វើលំហាត់ប្រាណជារៀងរាល់ថ្ងៃមានសារសំខាន់ខ្លាំងណាស់ក្នុងការថែរក្សាសុខភាពទូទៅ ។ ទោះជាយ៉ាងណា ការធ្វើលំហាត់ប្រាណទៀងទាត់គឺកាន់តែសំខាន់ចំពោះបញ្ហាតុល្យភាពអ៊័រម៉ូន ការធ្វើលំហាត់ប្រាណជាប្រចាំអាចបង្កើនអត្រាការរំលាយអាហាររបស់អ្នក និងអនុញ្ញាតឱ្យក្រពេញអង់ដូគ្រីនផលិតអ៊័រម៉ូនដែលល្អចំពោះសុខភាព៕
ចែករំលែកព័តមាននេះ