ឃាត់ខ្លួនឈ្មួញជួញដូរម្នាក់ ជាមួយថ្នាំជាង១៣គីឡូក្រាម
- ភ្នំពេញ
ដោយប្រើប្រាស់វិធានការណ៍បង្ក្រាបតាមរបៀបភ្លៀងរលឹម ក្រោមការបញ្ជាដឹកនាំផ្ទាល់ពីលោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀ.ន កាលពី
រាជធានីភ្នំពេញ ៖ ដោយប្រើប្រាស់វិធានការណ៍បង្ក្រាបតាមរបៀបភ្លៀងរលឹម ក្រោមការបញ្ជាដឹកនាំផ្ទាល់ពីលោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀ.ន កាលពីវេលាម៉ោង៥ល្ងាច ថ្ងៃទី២៥ ខែមីនា ឆ្នាំ២០២៣ កម្លាំងជំនាញការិយាល័យទី១០ «ក១០» របស់មន្ទីរប្រឆាំងបទល្មើសគ្រឿងញៀ.ន បានចុះស្រាវជ្រាវ និងឃាត់ខ្លួនឈ្មួញគ្រឿងញៀ.នម្នាក់ និងចាប់យកសារធាតុញៀ.នជាង១៣គីឡូក្រាម នៅចំណុចផ្លូវជាតិលេខ១ ក្បែរស្តុបផ្សារច្បារអំពៅ ខណ្ឌច្បារអំពៅ និងនៅចំណុចផ្ទះលេខ១០៧Eo ផ្លូវលេខ២១៧ ស្ថិតសង្កាត់អូរឬស្សី៣ ខណ្ឌ៧មករា រាជធានីភ្នំពេញ។
ជនសង្ស័យខាងលើនេះមានឈ្មោះ នៅ សុខ ភេទប្រុស អាយុ៤២ឆ្នាំ ស្នាក់នៅមិនពិតប្រាកដ។ ចំណែកវត្ថុតាងចាប់យក រួមមាន ៖ ១- សារធាតុញៀ.នប្រភេទមេតំហ្វេតាមីន (ICE) ចំនួន៨គីឡូ ០១៤ក្រាម។ ២- សារធាតុញៀ.នប្រភេទមេតំហ្វេតាមីន (ទឹក) ១គីឡូ ១៣៨ក្រាម។ ៣- សារធាតុញៀ.នប្រភេទអ៊ិចស្តាស៊ី (MDMA) ៤គីឡូ ១៨៤ក្រាម។ ៤- សារធាតុញៀ.នប្រភេទកេតាមីន (Ketamine) ៥៤ក្រាម សរុបទាំងអស់មានទម្ងន់១៣គីឡូ ៣៩០ក្រាម។ ៥- រថយន្ត១គ្រឿង ម៉ាក High Lander ពណ៌ខ្មៅ។
ប្រតិបត្តិការបង្ក្រាបគ្រឿងញៀ.នខាងលើនេះ អនុវត្តតាមបញ្ជាពីឯកឧត្តមនាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តមនាយឧត្ដមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀ.ន និងក្រោមការបញ្ជាដឹកនាំផ្ទាល់ពីលោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀ.ន កាលពីម៉ោង៥ល្ងាច ថ្ងៃទី២៥ ខែមីនា កម្លាំងជំនាញការិយាល័យទី១០ «ក១០» របស់មន្ទីរប្រឆាំងបទល្មើសគ្រឿងញៀ.ន ដែលមានលោកឧត្តមសេនីយ៍ទោ សារី បុត្រសត្យា លោកឧត្តមសេនីយ៍ត្រី យឹម សែនឧត្តម នាយករងមន្ទីរ លោកវរសេនីយ៍ឯក តឹក សូនី នាយការិយាល័យ និងលោកវរសេនីយ៍ត្រី ផៃ កុសស នាយរងការិយាល័យ ក្រោមការសម្របសម្រួលពីលោក អ៊ុ សុភ័ក្រ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះបង្ក្រាបករណីជួញដូរគ្រឿងញៀ.នមួយករណីខាងលើនេះនៅក្បែរស្តុបផ្សារច្បារអំពៅ ខណ្ឌច្បារអំពៅ និងនៅ សង្កាត់អូរឬស្សី៣ ខណ្ឌ៧មករា រាជធានីភ្នំពេញ។
លុះនៅព្រឹកថ្ងៃទី២៨ ខែមីនា ឆ្នាំ២០២៣ នេះ ជនសង្ស័យ រួមនឹងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ