ប្រតិភូកីឡាតេក្វាន់ដូ WT ២២នាក់ទៅហ្វឹកហាត់នៅកូរ៉េរយៈពេល១ខែត្រៀមស៊ីហ្គេម 2023
- ភ្នំពេញ
រាជធានីភ្នំពេញ ៖ ខេមរៈសហព័ន្ធតេក្វាន់ដូបានបញ្ជូន គ្រូបង្វឹក មន្ត្រីបច្ចេកទេស និងកីឡាករ-កីឡា
រាជធានីភ្នំពេញ ៖ ខេមរៈសហព័ន្ធតេក្វាន់ដូបានបញ្ជូន គ្រូបង្វឹក មន្ត្រីបច្ចេកទេស និងកីឡាករ-កីឡាការិនីចំនួន ២២ នាក់ នាថ្ងៃទី២៧ ខែមីនា ឆ្នាំ២០២៣ ទៅហ្វឹកហាត់បច្ចេកទេសនៅសាធារណរដ្ឋកូរ៉េរយៈពេល១ខែពេញដើម្បីបង្កើនសមត្ថភាព បច្ចេកទេស និងបទពិសោធន៍បន្ថែមត្រៀមចូលរួមព្រឹត្តិការណ៍ការប្រកួតកីឡា ស៊ីហ្គេម លើកទី៣២ ឆ្នាំ២០២៣ ខាងមុខ។
លោកបណ្ឌិត ជ្រិន សុធា អគ្គលេខាធិការ ខេមរៈសហព័ន្ធតេក្វាន់ដូ តំណាងលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងជាប្រធានខេមរៈសហព័ន្ធតេក្វាន់ដូ បានមានប្រសាសន៍ថា គ្រូបង្វឹក មន្ត្រីបច្ចេកទេស និងកីឡាករ-កីឡាការិនីជម្រើសជាតិតេក្វាន់ដូWTចំនួន២២នាក់ទៅហ្វឹកហាត់នៅសាធារណរដ្ឋកូរ៉េចាប់ពីថ្ងៃទី២៧ ខែមីនា ដល់ថ្ងៃទី៣០ ខែមេសា ឆ្នាំ២០២៣ ដើម្បីបង្កើនសមត្ថភាព បច្ចេកទេស និងបទពិសោធន៍បន្ថែម ត្រៀមចូលរួមការប្រកួតកីឡាស៊ីហ្គេម លើកទី៣២ នៅព្រះរាជាណាចក្រកម្ពុជានាខែឧសភា ឆ្នាំ២០២៣ខាងមុខ។
លោកអគ្គលេខាធិការបន្តថា សម្រាប់ការហ្វឹកហាត់នេះមានកីឡាការិនីរស់នៅក្រៅ ២រូបមកពីប្រទេសបរាំង និងអាមេរិក គឺកីឡាការិនី ម៉ម ជូលី (ខ្មែរកាត់បារាំង) និងកីឡាការិនី ថិប
កាសាន់ទ្រេនីកូល (ខ្មែរកាត់អាមេរិក)។
លោកបានបន្ថែមទៀតថា ការចេញទៅហ្វឹកហាត់លើកនេះដោយមានការឧបត្ថម្ភពីក្រសួងអប់រំ យុវជន និងកីឡា និងគណៈកម្មាធិការជាតិរៀបចំការប្រកួតកីឡា SEA GAMES 2023។ គ្រូបង្វឹក អាជ្ញាកណ្តាល និងកីឡាករ-កីឡាការិនីចំនួន ២២ នាក់រួមមានគ្រូបង្វឹក១នាក់ មន្ត្រីបច្ចេកទេស ២ នាក់ និងកីឡាករ-កីឡាការិនី១៩ នាក់ក្នុងនោះកីឡាការិនី៩រូប និងកីឡាករ១០រូប ៕
ចែករំលែកព័តមាននេះ