ADផ្ទាំងផ្សព្វផ្សាយពាណិជ្ជកម្ម

Picture

គណៈកម្មាធិការ​រដ្ឋាភិបាល​ឌី​ជី​ថ​ល ដាក់​ឲ្យ​សាកល្បង​ប្រើ​កម្មវិធី ChatGPT ក្នុង​ពិ​ពរ​ណ៍​ទិវា​ជាតិ​លើក​ទី​១ នៅ​កោះ​ពេជ្រ

1 ឆ្នាំ មុន

រាជធានី​ភ្នំពេញ ៖ នៅ​ព្រឹក​ថ្ងៃអាទិត្យ ថ្ងៃ​ទី​២៦ ខែមីនា ឆ្នាំ​២០២៣​នេះ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី…

រាជធានី​ភ្នំពេញ ៖ នៅ​ព្រឹក​ថ្ងៃអាទិត្យ ថ្ងៃ​ទី​២៦ ខែមីនា ឆ្នាំ​២០២៣​នេះ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា បាន​អញ្ជើញ​ជា​អធិបតី​បើក​វេទិកា​ជាតិ «​វិទ្យាសាស្ត្រ បច្ចេកវិទ្យា និង​នវានុវត្តន៍​» ដែល​ធ្វើ​ឡើង​នៅ​មជ្ឈមណ្ឌល​សន្និបាត និង​ពិព័រណ៍​កោះ​ពេជ្រ ។

គណៈកម្មាធិការ​រដ្ឋាភិបាល​ឌី​ជី​ថ​ល សូម​គោរព​អញ្ជើញ​បងប្អូន​ទាំងអស់ មក​ចូលរួម​ទស្សនាការ​តាំង​បង្ហាញ​នេះ ដោយ​ផ្ទាល់ និង​សាកល្បង​ប្រើប្រាស់ ChatGPT នៅ​ទីតាំង​ពិ​ពរ​ណ៍ ហើយ​ក្រុមការងារ នៃ​គណៈកម្មាធិការ​រដ្ឋាភិបាល​ឌី​ជី​ថ​ល នឹង​បង្ហាញ ព្រមទាំង​ពន្យល់​អំពី​ការ​ប្រើប្រាស់​ដោយ​លម្អិត ។

ការ​តាំង​បង្ហាញ​នឹង​ចាប់ពី​ម៉ោង​៨​ព្រឹក​រហូត​ដល់​ម៉ោង​៦​ល្ងាច ថ្ងៃ​ទី ២៦-២៨ ខែមីនា ឆ្នាំ​២០២៣ នៅ​មជ្ឈមណ្ឌល​កោះ​ពេជ្រ​អគារ A B ក្នុង​កម្មវិធី​ទិវា​ជាតិ​លើក​ទី​១ វិទ្យាសាស្ត្រ បច្ចេកវិទ្យា និង​នវានុវត្តន៍ គណៈកម្មាធិការ​រដ្ឋាភិបាល​ឌី​ជី​ថ​ល​បាន​ដាក់​តាំង​បង្ហាញ ChatGPT របស់​ខ្លួន ដែល​ជា​បច្ចេកវិទ្យា​ថ្មី ប្រើ​ដើម្បី​សម្រួល​ដល់​ការ​បំពេញការងារ​ប្រចាំ​ថ្ងៃ ឱ្យ​កាន់តែ​មាន​ប្រសិទ្ធភាព​ស្រប​តា​មកា​រវិ​វត្ត​នៃ​បច្ចេកវិទ្យា ។

សូម​បញ្ជាក់​ថា ChatGPT ជា​ប្រព័ន្ធ​បញ្ញា​ស្ប​និម្មិត (Artificial Intelligence-AI) បាន​អភិវឌ្ឍ​កាលពី​ឆ្នាំ​២០១៨ ដោយ​ក្រុមហ៊ុន Open AI នៅ​ទីក្រុង​សាន់​ហ្វ្រា​ន់​ស៊ី​ស្កូ សហរដ្ឋ​អាម​រិ​ក និង​ប្រកាស​ដាក់​ឱ្យ​ដំណើ​ការ​ជា​ផ្លូវការ​ក្នុង​ឆ្នាំ​២០២២​។ ពាក្យ GPT នេះ​មាន​ពាក្យ​ពេញ​ថា Generative Pre-Trained Transformer (GPT) គឺជា​គំរូ​ភាសា ដែល​ជា​ក្បួន​ដោះស្រាយ​ប្រើប្រាស់ AI ហើយ​ត្រូវ​រចនា​ឡើង​ដើម្បី​ស្វែង​យល់ និង​បង្កើត​ភាសា​ឱ្យ​ដូច​មនុស្ស​។

ChatGPT ពិតជា​មាន​សមត្ថភាព​ខ្ពស់​ក្នុង​ការ​សម្រួល​ដល់​ការងារ​ប្រចាំ​ថ្ងៃ ដូច​ជា ការងារ​រដ្ឋបាល ការងារ​គ្រប់គ្រង​ធនធានមនុស្ស ការ​ឆ្លើយ​តប​នឹង​សំណួរ សរសេរ​អត្ថបទ បកប្រែ វិភាគ សរសេរ​កូដ និង​ការងារ​ផ្សេង​ជា​ច្រើន​ទៀត ដែល​ប្រៀប​បាន​ទៅ​នឹង​ជំនួយការ​ម្នាក់​របស់​យើង​។ ChatGPT បាន​ប្រើប្រាស់ Large Language Model (​មាន​ជាង ១៧៥ ប៊ី​លាន មាត្រដ្ឋាន​) ដែល​ត្រូវ​បាន​អភិវឌ្ឍន៍​ឡើង​ឱ្យ​មាន​សមត្ថភាព​យល់​ដឹង​ពី​ភាសា​របស់​មនុស្ស​យើង ហើយ​ឆ្លើយ​តប​វិញ​បាន​ឆាប់រហ័ស​ដូច​ជា​មនុស្ស​ដែរ​។ មិនតែប៉ុណ្ណោះ ChatGPT ក៏​អាច​រៀន​ពីសារ​ចាស់​ៗ​ដែល​យើង​បាន Chat ជាមួយ ដើម្បី​ឆ្លើយឆ្លង​ត្រូវ​បរិបទ​ជាមួយ​មនុស្ស​ម្នាក់​ៗ​ដោយឡែក​ពី​គ្នា ៕

អត្ថបទសរសេរ ដោយ

កែសម្រួលដោយ