ដាច់ផ្ងារ! ពេលដឹងទំហំទឹកប្រាក់ដែលអ៊ុយក្រែនត្រូវការ ដើម្បីកសាងប្រទេសឡើងវិញ
អ៊ុយក្រែន ៖ ធនាគារពិភពលោក World Bank បានបង្ហាញនៅក្នុងរបាយការណ៍ថ្មីមួយថា ប្រទេស
អ៊ុយក្រែន ៖ ធនាគារពិភពលោក World Bank បានបង្ហាញនៅក្នុងរបាយការណ៍ថ្មីមួយថា ប្រទេសអ៊ុយក្រែននឹងត្រូវការប្រាក់ចំនួន៤១០ពាន់លានដុល្លារអាមេរិក ដើម្បីកសាងប្រទេសឡើងវិញក្នុងរយៈពេលមួយទសវត្សក្រោយ បន្ទាប់ពីការបំផ្លិចបំផ្លាញរបស់រុស្ស៊ី ដែលបានសម្លា.ប់ជនស៊ីវិលជិត១ម៉ឺននាក់ និងផ្ទះសម្បែងប្រមាណ២លានខ្នងត្រូវបានខូចខាត។
របាយការណ៍ក៏បានបង្ហាញថា ដោយគ្រាន់តែការចំណាយលើការសម្អាតកម្ទេចថ្មតែមួយមុខគត់ ត្រូវបានគេប៉ាន់ប្រមាណថាមានចំនួន៥ពាន់លានដុល្លារ។ នេះបើយោងតាមរបាយការណ៍ដែលផ្តល់ទាំងការពិនិត្យមើល និងលម្អិតយ៉ាងដិតដល់អំពីចំនួនអ្នកស្លា.ប់ ដែលបានបង្កឡើងលើអ៊ុយក្រែនដោយសង្គ្រាមរយៈពេល១៣ខែរបស់លោកពូទីន។
យ៉ាងហោចណាស់ជនស៊ីវិល ៩,៦៥៥នាក់ត្រូវបានបញ្ជាក់ថាបានស្លាប់ រួមទាំងកុមារចំនួន៤៦៥នាក់ផងដែរ។ ផ្ទះសម្បែងជិត២លានខ្នង និងស្ថាប័នសុខភាពសាធារណៈច្រើនជាងមួយក្នុងចំណោមគ្រឹះស្ថានសុខាភិបាលសាធារណៈចំនួន៥ ត្រូវបានបំផ្លិចបំផ្លាញ រួមនឹងរថយន្តសង្គ្រោះចំនួន៦៥០គ្រឿង ដែលបានខូចខាត ឬត្រូវគេលួច។
សរុបមក ធនាគារពិភពលោកបានគណនាការខូចខាតដោយផ្ទាល់ចំនួន១៣៥ពាន់លានដុល្លារចំពោះអគារ និងហេដ្ឋារចនាសម្ព័ន្ធរហូតមកដល់ពេលនេះ ដោយនេះមិនរាប់បញ្ចូលការខូចខាតសេដ្ឋកិច្ចទូលំទូលាយនោះទេ។ ចំនួនពិតប្រាកដនៃជនស៊ីវិលអ៊ុយក្រែនដែលត្រូវបានសម្លា.ប់នៅក្នុងសង្គ្រាមទំនងជាខ្ពស់ជាងតួលេខផ្លូវការ ហើយជាមួយនឹងទឹកដីដ៏ច្រើនសន្ធឹកសន្ធាប់របស់ប្រទេសនេះ នៅតែត្រូវបានកាន់កាប់ដោយកងកម្លាំងរុស្ស៊ី ខណៈដែលអ្នកស៊ើបអង្កេតមិនអាចទទួលបានសិទ្ធិ ដើម្បីរាប់ចំនួនអ្នកស្លា.ប់ពេញលេញនោះទេ។
លោកស្រី Anna Bjerde ដែលជាអនុប្រធានធនាគារពិភពលោកប្រចាំតំបន់អឺរ៉ុប និងអាស៊ីកណ្តាល បានកត់សម្គាល់ថា ការខូចខាតនឹងកាន់តែអាក្រក់ទៅៗ ប្រសិនបើមិនមានការការពារដ៏រឹងមាំដែលបំពាក់ដោយកងកម្លាំងអ៊ុយក្រែននោះទេ ខណៈដែលអ៊ុយក្រែនត្រូវបានគាំទ្រយ៉ាងខ្លាំងដោយការផ្គត់ផ្គង់សព្វាវុ.ធរបស់លោកខាងលិច។ លោកស្រីបាននិយាយថា ការខូចខាតដ៏អាក្រក់បំផុតត្រូវបានបង្ខាំងនៅក្នុងតំបន់ជួរមុខនៃតំបន់ Donetsk, Kharkiv, Luhansk និង Kherson ដែលជាតំបន់ទាំង៤ ដែលលោកពូទីនបានអះអាងថា បានបញ្ចូលក្នុងខែកញ្ញាឆ្នាំមុន បើទោះបីជាមិនមានការគ្រប់គ្រងពេញលេញក៏ដោយ។
របាយការណ៍ធនាគារពិភពលោកបានបង្ហាញថា ការឈ្លានពានរបស់រុស្ស៊ីបានលុបចោលការវិវឌ្ឍសេដ្ឋកិច្ចរយៈពេល១៥ឆ្នាំនៅអ៊ុយក្រែន ដោយកាត់បន្ថយផលិតផលក្នុងស្រុកសរុបរបស់អ៊ុយក្រែន ២៩% និងជំរុញឱ្យប្រជាជនអ៊ុយក្រែន១,៧លាននាក់ធ្លាក់ក្នុងភាពក្រីក្រ។ ការវាយតម្លៃនេះ ធ្វើឡើងដោយរដ្ឋាភិបាលអ៊ុយក្រែន សហការជាមួយក្រុមធនាគារពិភពលោក គណៈកម្មការអឺរ៉ុប និងអង្គការសហប្រជាជាតិ។ ការរកឃើញនេះ មានគោលបំណងណែនាំផែនការសម្រាប់ការផ្តល់ហិរញ្ញប្បទាន និងការអនុវត្តនូវអ្វីដែលជាកិច្ចខិតខំប្រឹងប្រែងស្តារឡើងវិញ ដែលកំពុងបន្តនៅក្នុងប្រទេសអ៊ុយក្រែន។
វិស័យថាមពលរបស់អ៊ុយក្រែនបានឃើញការកើនឡើងយ៉ាងខ្លាំងនៃការខូចខាតនាពេលថ្មីៗនេះ ដែលជាលទ្ធផលនៃការវា.យប្រហារគោលដៅរបស់រុស្ស៊ីលើបណ្តាញអគ្គិសនី និងមជ្ឈមណ្ឌលថាមពលផ្សេងទៀតក្នុងរដូវរងារ រួមទាំងរោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុបនៅទីក្រុង Zaporizhzhia ។ ធនាគារពិភពលោកបានអះអាងថា ការខូចខាតសរុបចំពោះវិស័យថាមពលឥឡូវនេះ គឺធំជាង៥កាលពីរដូវក្តៅ។
សូមជម្រាបថា ការចេញផ្សាយរបាយការណ៍នេះ ធ្វើឡើងបន្ទាប់ពីប្រទេសអ៊ុយក្រែន និងមូលនិធិរូបិយវត្ថុអន្តរជាតិ (IMF) បានយល់ព្រមលើកញ្ចប់ប្រាក់កម្ចីចំនួន១៥ពាន់លានដុល្លារក្នុងគោលបំណងកាត់បន្ថយហិរញ្ញវត្ថុរបស់រដ្ឋាភិបាល ដែលទទួលរងភាពតានតឹងយ៉ាងខ្លាំងដោយការឈ្លានពានរបស់រុស្ស៊ី៕ (ដកស្រង់ចេញពី Daily Mail)
ចែករំលែកព័តមាននេះ