កុំជឿ ល្បែងជល់មាន់អត់មានច្បាប់ទេ !
ខេត្តព្រៃវែង ៖ សង្វៀនជល់មាន់មួយកន្លែងជ្រកក្រោមស្លាកកាស៊ីណូ ដែលបិទចោលរាប់ឆ្នាំ បានចាប់បើកលេងហើយ កាលពី
ខេត្តព្រៃវែង ៖ សង្វៀនជល់មាន់មួយកន្លែងជ្រកក្រោមស្លាកកាស៊ីណូ ដែលបិទចោលរាប់ឆ្នាំ បានចាប់បើកលេងហើយ កាលពី
ខេត្តព្រៃវែង ៖ សង្វៀនជល់មាន់មួយកន្លែងជ្រកក្រោមស្លាកកាស៊ីណូ ដែលបិទចោលរាប់ឆ្នាំ បានចាប់បើកលេងហើយ កាលពីថ្ងៃទី៤ ខែតុលា ឆ្នាំ២០១៧ ដោយមានបើកលេងល្បែងស៊ីសងគ្រប់ប្រភេទ ប៉ុន្តែអ្វីដែលគួរឱ្យចាប់អារម្មណ៍នោះ គឺក្រោយពីចាប់បើកលេងបានប៉ុន្មានម៉ោង នៅថ្ងៃទីមួយនោះ ស្រាប់តែមានការប៉ះទង្គិចគ្នាមួយកើតឡើងរវាងភាគីខាងម្ចាស់សង្វៀន ជាមួយនឹងកម្លាំងសមត្ថកិច្ចមូលដ្ឋានដែលចុះទៅសួរនាំរឿងច្បាប់ទម្លាប់នោះ។
សង្វៀងជល់មាន់ដែលគេ ទើបតែបើកលេងនេះ មានទីតាំងស្ថិតនៅខាងក្រោយកាស៊ីណូមួយកន្លែងដែលគេបិទទ្វារចោលយូរមកហើយ នៅចំណុចភូមិប្រោះស្វា ឃុំបន្ទាយចក្រី ស្រុកព្រះស្ដេច ខេត្តព្រៃវែង ចម្ងាយប្រមាណជាង១គីឡូម៉ែត្រពីមាត់ច្រកទ្វារព្រំដែនអន្តរជាតិបន្ទាយចក្រី ហើយតាមការឱ្យដឹងពីអ្នកមើលការខុសត្រូវក្នុងសង្វៀននោះ បានបញ្ជាក់ឱ្យដឹងថា ម្ចាស់សង្វៀនជល់មាន់មួយនេះមានឈ្មោះ ម៉ាប់។
លោក សុខ ច័ន្ទឬទ្ធី នាយផ្នែកអន្តោប្រវេសន៍នៃអធិការដ្ឋាននគរបាលស្រុកព្រះស្ដេច ដែលដឹកនាំកម្លាំងនគរបាលស្រុកចុះទៅក្នុងសង្វៀនជល់មាន់ខាងលើនោះ បានឲ្យកោះសន្តិភាពដឹងថា លោកទទួលបានបទបញ្ជាពីលោកអធិការស្រុក ឱ្យចុះទៅសួរនាំម្ចាស់សង្វៀននោះ តើគេបើកលេងនេះមានច្បាប់ទម្លាប់ត្រឹមត្រូវឬទេ? គឺមិនបានចុះទៅកូសកៀររកលាភសក្ការៈអ្វីទេ ? ប៉ុន្តែនៅពេលដែលលោកជួបជាមួយថៅកែជាម្ចាស់សង្វៀន សួរនាំរកច្បាប់ទម្លាប់នោះ គេបែជាមិនព្រមយកច្បាប់មកបង្ហាញ ហើយគិតតែឡូឡា និងបញ្ជាឱ្យកូនចៅគេដែលកាងនៅទីនោះ ដេញលោក និងកូនចៅចេញ ថែមទាំងគំរាមរកវាយ និងរកបាញ់លោកចោលទៀត ដែលទង្វើនេះលោកមិនអាចទទួលយកបាននោះទេ ព្រោះវាមិនត្រឹមតែប្រមាថដល់រូបលោកនោះទេ គឺថែមទាំងប្រមាថដល់កងកម្លាំងមានសមត្ថកិច្ចថែមទៀតផង។
នៅពេលមានការប្រទាំងប្រទឹះគ្នានោះដែរ បុរសម្នាក់ឈ្មោះ ផល ដែលជាអ្នកមើលការខុសត្រូវ និងជួយសម្របសម្រួលនៅក្នុងសង្វៀនជល់មាន់នោះ បានប្រាប់ទៅសមត្ថកិច្ច និងក្រុមអ្នកសារព័ត៌មានថា សង្វៀនជល់មាន់នេះគេមានច្បាប់អស់ហើយ ហើយបើចង់ដឹងទៅសួរអភិបាលខេត្ត និងលោកស្នងការខេត្តព្រៃវែងទៅដឹងហើយ។
ចែករំលែកព័តមាននេះ