ព្យុះកំបុតត្បូងវា.យប្រហារអាមេរិក ស្លា.ប់យ៉ាងតិច២៥នាក់ និងបំផ្លាញធ្ងន់ធ្ងរ
សហរដ្ឋអាមេរិក ៖ តុល្យការនៅបន្តកើនខ្ពស់ខណៈមកទល់ពេលនេះ មនុស្ស យ៉ាងតិច២៥នាក់ស្លា.ប់
សហរដ្ឋអាមេរិក ៖ តុល្យការនៅបន្តកើនខ្ពស់ ខណៈមកទល់ពេលនេះ មនុស្សយ៉ាងតិច២៥នាក់ស្លា.ប់ក្រោយការវា.យប្រហារនៃព្យុះកំបុតត្បូងមួយនិងព្យុះនានា នៅរដ្ឋមីស៊ីស៊ីពីភាគខាងត្បូងសហរដ្ឋអាមេរិក កាលពីយប់ថ្ងៃទី២៤ មីនា។ នេះជាសេចក្ដីរាយការណ៍កាលពីថ្ងៃទី២៥ មីនា របស់អភិបាលរដ្ឋនោះ។
អភិបាលរដ្ឋមីស៊ីស៊ីពី លោកTATE REEVES ថ្លែងតាមTWITTERថា នោះជាសោកនាដកម្មមួយ ដោយលោកលើកឡើងពីការខូចខាតយ៉ាងមហាសាល ក្រោយការវា.យប្រហារដោយព្យុះកំបុតត្បូងលើរដ្ឋលោក ក្នុងចម្ងាយដល់ជាង១៥០គីឡូម៉ែត្រពីភាគខាងលិចទៅភាគខាងកើត។ ការបាត់បង់និងខូចខាតកើតមានគ្រប់កន្លែងទាំងអស់តាមគន្លងនៃការវា.យប្រហារដោយព្យុះកំបុតត្បូង។
តាមផ្នែកសង្គ្រោះបន្ទាន់រដ្ឋមីស៊ីស៊ីពីថា តុល្យការមកទល់ពេលនេះ ចំនួនអ្នកស្លា.ប់មាន២៥នាក់និងច្រើនសិបនាក់រងរបួស។ ចំណែកមនុស្ស៤នាក់ដែលបា.ត់ខ្លួនត្រូវបានរកឃើញ។ បណ្ដាក្រុមជួយសង្គ្រោះបន្តតាមរកជនរងគ្រោះ។
ប្រធានាធិបតីអាមេរិកលោកចូ បៃដិន លើកឡើងកាលពីថ្ងៃទី២៥ មីនា តាមសេចក្ដីប្រកាសមួយ ពីបណ្ដារូបភាពដ៏ក្ដុកក្ដួលដោយលោកគូសបញ្ជាក់ថា រដ្ឋសហព័ន្ធនឹងធ្វើអ្វីៗតាមដែលអាចធ្វើទៅបាន ដើម្បីជួយរដ្ឋនោះទោះជាចាំបាច់ត្រូវប្រើពេលយូរប៉ុណ្ណាក្ដី៕
ចែករំលែកព័តមាននេះ