ADផ្ទាំងផ្សព្វផ្សាយពាណិជ្ជកម្ម

Picture

សម្តេចតេជោ ណែនាំឱ្យស្រង់តួលេខ​អ្នក​នេសាទ នៅស្ទឹងត្រែង និងក្រចេះ ហើយ​លើក​ទឹកចិត្ត និងផ្តល់បណ្ណក្រីក្រដល់គាត់ ដើម្បី​ការពារ​សត្វផ្សោត

1 ឆ្នាំ មុន
  • ភ្នំពេញ

ភ្នំពេញ៖ ក្នុងពិធីបិទសន្និបាត​របស់ក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃទី២៤ ខែមីនា ឆ្នាំ២០២៣ សម្តេចតេជោ ហ៊ុន សែន…

ភ្នំពេញ៖ ក្នុងពិធីបិទសន្និបាត​របស់ក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃទី២៤ ខែមីនា ឆ្នាំ២០២៣ សម្តេចតេជោ ហ៊ុន សែន បានប្រកាសណែនាំដល់​ក្រសួងកសិកម្ម ត្រូវស្រង់​តួលេខអ្នកនេសាទ នៅក្នុងខេត្តស្ទឹងត្រែង និងខេត្តក្រចេះ ឱ្យបានច្បាស់លាស់ ហើយលើកទឹកចិត្ត​ពួកគាត់ ឱ្យប្តូរមុខរបរ​ថ្មី ដោយផ្តល់ទាំងបណ្ណក្រីក្រដល់ពួកគាត់ ដើម្បីឈប់​ឱ្យគាត់នេសាទតទៅ​ទៀត។ នេះជាកិច្ចការពារ​សត្វផ្សោតរបស់យើង ពីការជាប់មង និងការនេសាទខុសច្បាប់​​។

សម្តេចតេជោ ហ៊ុន សែន បានបញ្ជាក់ថា ថ្ងៃមុន សត្វផ្សោត ១ក្បាល ស្លា.ប់។ ដូច្នេះត្រូវស្រង់មើល តើបងប្អូន​អ្នកនេសាទ ក្នុងតំបន់នោះ មានប៉ុន្មាន? ហើយ​លើកទឹកចិត្តឱ្យគាត់ ធ្វើមុខរបរ​ផ្សេង ពីការនេសាទត្រី​។ យើងក៏អាចផ្តល់​ឱ្យគាត់នូវបណ្ណក្រីក្រ ហើយ​លើកទឹកចិត្តគាត់ ឱ្យ​ប្រកប​​របរ​​អ្វី​ផ្សេង ​ដើម្បី​​​ឱ្យ​​​គាត់​ មាន​​ជម្រើស​។ បើមិនដូច្នេះទេ គឺ​លុបបំបាត់​បទល្មើស មិនបានទេ​ ហើយ​សត្វផ្សោតយើង ក៏នៅតែរងគ្រោះជាមិនខាន​។​

អំឡុងពេលសម្តេចតេជោ មានប្រសាសន៍ដល់ចំណុចនេះ លោក ឌិត ទីណា រដ្ឋមន្ត្រីកសិកម្ម រុក្ខាប្រមាញ់ និងនេសាទ បានជម្រាបជូនសម្តេចតេជោ​ថា នៅ ២ខេត្ត គឺខេត្តស្ទឹងត្រែង និងខេត្តក្រចេះ ដែលជាដែនជម្រក​សត្វផ្សោតរស់នៅ គឺមានបងប្អូនប្រជានេសាទ ចំនួន ១៣០០គ្រួសារ​។

ចំណុចនេះ សម្តេចតេជោ ហ៊ុន សែន ប្រកាសថា ចំនួននេះ យើងអាចធ្វើបាន ព្រោះនៅជិត​ប្រាសាទអង្គររបស់យើង គឺមានប្រជាពលរដ្ឋចូលរាប់ម៉ឺន​គ្រួសារផង យើងនៅអាចធ្វើបាន។ ដូច្នេះយើង​ផ្តល់​ជូនដល់ពួកគាត់​នូវបណ្ណក្រីក្រ និងលើកទឹកចិត្តឱ្យគាត់ប្រកបរបរ​ផ្សេង ក្រៅពីការ​នេសាទ​ ដើម្បីធានាថា គាត់មិនមកដាក់មងទៀតទេ។ បើមិនដូច្នោះទេ ងាប់អស់ សត្វផ្សោត​ទាំងនោះ។​

វិធានការរបស់សម្តេចតេជោ ហ៊ុន សែន ដូច្នេះ បានធ្វើឡើង ខណៈដែល​សត្វផ្សោតឈ្មោល​ ១ក្បាល ទម្ងន់​ប្រមាណ ១៦០គ.ក អាយុប្រមាណ ២០ឆ្នាំ បានស្លា.ប់ កាលពីថ្ងៃទី១៩ ខែមីនា ឆ្នាំ២០២៣ ដោយជាប់មង​ នៅក្នុងដែនការពារ និងអភិរក្សសត្វផ្សោត ក្នុងខេត្ត​ស្ទឹងត្រែង​។ ក្នុងតំបន់នោះ ហាមឃាត់​ មិនឱ្យ​មានការនេសាទ ពិសេសការដាក់មង​ចាប់ត្រីឡើយ ព្រោះមង និងសន្ទូចទាំងនោះ អាចជាប់​សត្វផ្សោត ដែល​ជា​រតន​សម្បត្តិធម្មជាតិ មានជីវិតរបស់កម្ពុជា​។ ក្នុងទន្លេមេគង្គ ក្នុងទឹកដីខេត្តស្ទឹងត្រែង និងខេត្តក្រចេះ មានផ្សោត​ ប្រមាណជាង ៩០ក្បាល៕

អត្ថបទសរសេរ ដោយ

កែសម្រួលដោយ