រាជធានីភ្នំពេញ៖ នារីវ័យក្មេងម្នាក់គេអះអាងថា មានវិបត្តិក្នុងគ្រួសារធ្ងន់ធ្ងរបានជិះទៅលោតទឹកសម្លា.ប់ខ្លួន ពីលើស្ពានជ្រោយចង្វារ ហើយ លិចបាត់បន្សល់តែ លេខទូរស័ព្ទ, ស្បែកជើង និងម៉ូតូ ១គ្រឿង…
រាជធានីភ្នំពេញ៖ នារីវ័យក្មេងម្នាក់គេអះអាងថា មានវិបត្តិក្នុងគ្រួសារធ្ងន់ធ្ងរបានជិះទៅលោតទឹកសម្លា.ប់ខ្លួន ពីលើស្ពានជ្រោយចង្វារ ហើយ លិចបាត់បន្សល់តែ លេខទូរស័ព្ទ, ស្បែកជើង និងម៉ូតូ ១គ្រឿង ។ ការធ្វើអត្តឃាតនេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ១២និង៤០នាទីថ្ងៃត្រង់ទី២៣ខែ មីនា ឆ្នាំ២០២៣ នៅចំណុចលើស្ពានជ្រោយចង្វារចាស់ក្នុង សង្កាត់ជ្រោយចង្វារ ខណ្ឌជ្រោយចង្វាររាជធានីភ្នំពេញ ។
នារី រូបនោះត្រូវបានក្រុមគ្រួសារអោយដឹងថា ឈ្មោះ សាលីម ហ្សាហ្វូរ៉ា អាយុ២៣ឆ្នាំ មានលំនៅ ភូមិទី១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ទើបតែលែងប្តីមានកូនប្រុសអាយុប្រមាណ១ខួបក្នុងបន្ទុក ។
តាមសាក្សីអោយដឹងថា នៅមុនពេលកើតហេតុ គេឃើញនារីរូបនោះបានជិះម៉ូតូ ម៉ាកហុងដាឌ្រីម ពណ៌ខ្មៅមួយគ្រឿង ពាក់ស្លាកលេខភ្នំពេញ១GB.២៦៨៦ មួយគ្រឿងបានធ្វើដំណើរឡើងស្ពានជ្រោយពីកើតទៅលិច រួចក៏បានវាង១ជុំដល់រង្វង់មូលកួចកាណុងក៍បានត្រឡប់ទៅជ្រោយចង្វារ វិញ។ ពេល ចុះពីលើស្ពានបានបន្តិច ក៍បានឈប់ម៉ូតូ ដោះស្បែកជើង ព្រមទាំងសរសេរទុកលេខទូរស័ព្ទម្តាយ០១៦ ៥២២៣០០ រួចលោតចុះទៅក្នុងទន្លេសម្លាប់ខ្លួនតែម្តង។
តាមព័ត៌មានអោយដឹងទៀតថា បន្ទាប់ពីលោតស.ម្លា.ប់ខ្លួនស្ត្រីជាម្តាយរួចទាំងបងប្អូន ក៏បានធ្វើដំណើរទៅលើស្ពានទាំងស្លុតចិត្ត បំផុត ។ តាមស្ត្រីជាម្តាយ បានយំរៀបរាប់ទាំងទឹកអោយដឹងថា មូលហេតុ ដែលធ្វើអោយកូនស្រីរបស់គាត់លោតទឹកសម្លាប់ដោយសារតែវិបត្តិក្នុងគ្រួសារ ដោយសារតែ ប្តី មានឈ្លោះទាស់ទែងលែងលះ គ្នា ប្រមាណ១ឆ្នាំ មកហើយ តែ កូនស្រីគាត់ចិត្តមិនដាច់នៅតែនឹកអាលោះអាល័យ ប្តី គ្មានពេលល្ហែនិងបានព្យាយាមសម្លាប់ខ្លួន ប្រមាណជាង១០ដងមកហើយ តែ ឃាត់ទាន់។
ស្ត្រីជាម្តាយបានអោយដឹងទៀតនៅមុនពេលកើតហេតុ គាត់កំពុងតែយោអង្រឹងចៅអោយដេក ស្រាប់តែ កូនស្រីគាត់បានជិះម៉ូតូ ចេញទៅបាត់។ខណះពេលដែលគាត់ទៅថ្វាយបង្គំនៅវិហារស្រាប់តែ មាននារីម្នាក់បានទូរស័ព្ទមកថា កូនស្រីគាត់បានលោតទឹកសម្លាប់ខ្លួនបាត់ហើយ។
តាមព័ត៌មានអោយដឹងទៀតថា បន្ទាប់ពីកូនស្រី លោតសម្លាប់ខ្លួនបុរសជាឪពុក ក៍បានទាក់ទងបងប្អូន ខ្មែរអ៊ិស្លាមជួយរាវរក តែមិនទាន់ឃើញស.ពនៅឡើយ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ