ប្រមុខរាជរដ្ឋាភិបាលកម្ពុជា សម្រេចបង្កើត គណៈយុទ្ធមិត្ដជំនាន់បម្រើកងទ័ព ឆ្នាំ១៩៧៨
- ភ្នំពេញ
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសេចក្តីសម្រេច បង្កើតគណៈយុទ្ធមិត្តជំនាន់បម្រើកងទ័ព ឆ្នាំ១៩៧៨។ គណៈយុទ្ធមិត្តនេះ មានសម្តេចតេជោ…
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសេចក្តីសម្រេច បង្កើតគណៈយុទ្ធមិត្តជំនាន់បម្រើកងទ័ព ឆ្នាំ១៩៧៨។ គណៈយុទ្ធមិត្តនេះ មានសម្តេចតេជោ…
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសេចក្តីសម្រេច បង្កើតគណៈយុទ្ធមិត្តជំនាន់បម្រើកងទ័ព ឆ្នាំ១៩៧៨។ គណៈយុទ្ធមិត្តនេះ មានសម្តេចតេជោ ហ៊ុន សែន ជាប្រធានកិត្តិយស លោកជំទាវឧបនាយករដ្ឋមន្ត្រី ម៉ែន សំអន ជាប្រធាន និងលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ជាអនុប្រធាន។
សេចក្តីសម្រេច បានកំណត់ថា គណៈយុទ្ធមិត្តជំនាន់បម្រើកងទ័ព ឆ្នាំ១៩៧៨ មានតួនាទីភារកិច្ច ដូចតទៅ៖ ថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោយជ្រែងដល់ជីវភាពរស់នៅរបស់យុទ្ធមិត្ត ពិសេសអ្នកដែលមានជីវភាពទន់ខ្សោយ ជួបទុក្ខលំបាក រៀបចំសមាជិក ដែលជាយុទ្ធជន យុទ្ធនារី បានបម្រើកងទ័ព ឆ្នាំ១៩៧៨ ដែលស្ថិតក្រោមការដឹកនាំបញ្ជារបស់សម្តេចអគ្គមហាសេនាបតីតេជោ ហ៊ុន សែន នៅពេលនោះ។
គណៈយុទ្ធមិត្តជំនាន់បម្រើកងទ័ព ឆ្នាំ១៩៧៨ បង្កើតមូលនិធិតេជោ ១២៥ សម្រាប់ដំណើរការងាររបស់ខ្លួន។
គួររម្លឹកថា មូលនិធិតេជោ ១២៥ នៃគណៈយុទ្ធមិត្តជំនាន់បម្រើកងទ័ព ឆ្នាំ១៩៧៨ នៅព្រឹកថ្ងៃទី២២ ខែមីនានេះ បានទទួលនូវថវិកាឧបត្ថម្ភយ៉ាងហោចណាស់ ចំនួន ១លានដុល្លារហើយ គឺ ថវិកាឧបត្ថម្ភ ៥០ម៉ឺនដុល្លារ ពីអ្នកឧកញ៉ា លី យ៉ុងផាត់ និងលោកជំទាវ និង ៥០ម៉ឺនដុល្លារទៀត ពីក្រុមហ៊ុន ជីបម៉ុង គ្រុប។ ពិធីប្រគល់ និងទទួលជំនួយថវិកាឧបត្ថម្ភនេះ បានធ្វើឡើង នៅវិមាន ៧មករា ក្រោមអធិបតីភាពលោកជំទាវ ឧបនាយករដ្ឋមន្ត្រី ម៉ែន សំអន និងលោក សេង ទៀង ជំនួយការផ្ទាល់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។
គួរបញ្ជាក់ថា អង្គភាព ១២៥ ជាអង្គភាពកងទ័ពដំបូង នៃរណសិរ្សសាមគ្គីសង្គ្រោះជាតិ ដែលត្រូវបានបង្កើតឡើងដោយសម្តេចតេជោ ហ៊ុន សែន នៅថ្ងៃទី១២ ខែឧសភា ឆ្នាំ១៩៧៨៕
ចែករំលែកព័តមាននេះ