ការសង្គ្រោះបឋមសុទ្ធតែត្រឹមត្រូវឬ?
ក្នុងករណីមានគ្រោះថ្នាក់ ភ្លាមៗ អ្វីដែលយើងធ្វើគឺស្តាប់តាមការណែនាំរបស់មិត្តភក្តិ និងក្រុមគ្រួសាររបស់យើង ប៉ុន្តែតើអ្នកដឹងទេថា
ក្នុងករណីមានគ្រោះថ្នាក់ ភ្លាមៗ អ្វីដែលយើងធ្វើគឺស្តាប់តាមការណែនាំរបស់មិត្តភក្តិ និងក្រុមគ្រួសាររបស់យើង ប៉ុន្តែតើអ្នកដឹងទេថា មិនមែនរាល់ការសង្គ្រោះបឋមទាំងអស់សុទ្ធតែត្រឹមត្រូវនោះទេ ។ ជួនកាលសូម្បីតែការសង្គ្រោះបឋមដ៏ពេញនិយមបំផុតក៏អាចនាំឱ្យមានផលវិបាកធ្ងន់ដែរ ។
កំហុសនៃការសង្គ្រោះបឋមមួយចំនួនដែលតែងតែអនុវត្តជាទូទៅពេញមួយជីវិត ហើយវាក៏ដល់ពេលដែលយើងគួរចៀសវាងនូវកំហុសដដែលៗទាំងនេះ ។
១-ស្អំទឹកកកនៅលើស្នាមជាំ
វាជាការណ៍ពិតដែលទឹកកកអាចជួយកាត់បន្ថយការជាំ ប៉ុន្តែការដាក់វាដោយផ្ទាល់អាចធ្វើឲ្យមានស្នាមជាំដោយសារទឹកកកទៅវិញ ។ អ្នកត្រូវដាក់ក្រណាត់រវាងស្បែក និងទឹកកកដើម្បីចៀសវាងការជាំបន្ថែមទៀត ។
២-ជូតអាល់កុល រឺទឹកខ្មេះចំពោះអ្នកដែលគ្រុនក្តៅ
ជាតិអាល់កុល និងទឹកខ្មេះអាចស្រូបចូលទៅក្នុងឈាមបានយ៉ាងល្អ ។ ការជូតអាល់កុលអាចធ្វើឱ្យមានជាតិពុល និងទឹកខ្មេះអាចបង្កើនជាតិអាស៊ីដក្នុងរាងកាយកាន់តែច្រើន ។ វិធីនេះមានគ្រោះថ្នាក់យ៉ាងខ្លាំងចំពោះកុមារ ។
៣-លើកអ្នកសន្លប់
ប្រសិនបើអ្នកណាម្នាក់សន្លប់ អ្នកមិនគួរព្យាយាមលើកពួកគេឡើង ឬប្រោះទឹកលើពួកគេទេព្រោះវាអាចបណ្តាលឱ្យពួកគេត្រជាក់ និងមានការឈឺចាប់ ។ អ្វីដែលអ្នកត្រូវធ្វើគឺលើកជើងរបស់ពួកគេឡើង ដោះសម្លៀកបំពាក់តឹងណែនចេញ ហើយកុំឱ្យពួកគេឈរ ភ្លាមៗក្រោយពីសន្លប់ ។ នេះគឺជាកំហុសឆ្គងទូទៅមួយនៃការសង្គ្រោះបឋម ។
៤-ស្អំទឹកក្តៅលើកន្លែងគ្រេច
កន្សែងក្តៅមិនអាចជួយអ្វីបានទេប្រសិនបើសាច់ដុំរបស់អ្នកគ្រេច ។ កម្តៅនឹងពង្រឹងលំហូរឈាម ព្រមទាំងអាចបណ្តាលឱ្យហើមកាន់តែធ្ងន់ ។ នេះក៏ជាកំហុសមួយក្នុងចំណោមកំហុសជាទូទៅសម្រាប់ការសង្គ្រោះបឋម ។
៥-ធ្វើឱ្យខ្លួនឯងក្អួតក្នុងករណីពុលអ្វីមួយ
ការណែនាំដ៏ពេញនិយមបំផុតក្នុងករណីពុលអ្វីមួយគឺធ្វើឱ្យខ្លួនឯងឲ្យក្អួត ។ ប៉ុន្តែអ្នកមិនគួរអនុវត្តវិធីនេះទេប្រសិនបើអ្នកពុលដោយសារធាតុអាស៊ីត អាល់កាឡាំង ឬសារធាតុគីមីផ្សេងទៀត ។ អ្នកត្រូវទៅមន្ទីរពេទ្យ ភ្លាមៗក្នុងករណីនេះ ៕
ចែករំលែកព័តមាននេះ