គ្រោះថ្នាក់ចរាចរណ៍ស្លា.ប់ម្នាក់ របួសធ្ងន់២នាក់
ខេត្តបន្ទាយមានជ័យ ៖ មានហេតុការណ៍គ្រោះថ្នាក់ចរាចរណ៍មួយកើតឡើងបណ្តាលឲ្យមនុស្សម្នាក់ស្លា.ប់
ខេត្តបន្ទាយមានជ័យ ៖ មានហេតុការណ៍គ្រោះថ្នាក់ចរាចរណ៍មួយកើតឡើងបណ្តាលឲ្យមនុស្សម្នាក់ស្លា.ប់
ខេត្តបន្ទាយមានជ័យ ៖ មានហេតុការណ៍គ្រោះថ្នាក់ចរាចរណ៍មួយកើតឡើងបណ្តាលឲ្យមនុស្សម្នាក់ស្លាប់នៅនឹងកន្លែងនិង២នាក់ផ្សេងទៀតរងរបួសធ្ងន់ ហើយត្រូវរថយន្តនគរបាលចរាចរណ៍ដឹកទៅសង្គ្រោះបន្ទាន់ភ្លាមៗ។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១០ និង១៥នាទី យប់ថ្ងៃទី៣០ ខែកញ្ញា ឆ្នាំ២០១៧ នៅលើកំណាត់ផ្លូវជាតិលេខ៦ ស្ថិតនៅខាងកើតស្ពានទី២ចម្ងាយ៣០០ម៉ែត្រ ក្នុងភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ប្រភពព័ត៌តាមមានបានឲ្យដឹងទៀតថា៖ ជនរងគ្រោះដែលស្លាប់ឈ្មោះ សាំង ម៉ុល ភេទប្រុស អាយុ២៩ឆ្នាំ នៅភូមិប៉ោយសំរោង អ្នករបួសធ្ងន់២នាក់ឈ្មោះ ណាង ចយ ភេទប្រុស អាយុ២៤ឆ្នាំ អ្នកបើកបរ និងម្នាក់ទៀតឈ្មោះ ធឿន ចក់ ភេទប្រុស អាយុ២៤ឆ្នាំ ទាំង២នាក់នៅភូមិប៉ោយក្តឿង ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ នគរបាលចរាចរណ៍បាននិយាយបញ្ជាក់ថា៖ មុនពេលកើតហេតុជនរងគ្រោះ បានជិះម៉ូតូក្នុងទិសដៅ ពីកើតទៅលិច ពេលមកដល់កន្លែងកើតហេតុ ក៏បានជួបនូវគ្រោះថ្នាក់ចរាចរណ៍។
តាមការសន្និដ្ឋាន សង្ស័យរថយន្តបុករួចបើករត់គេខ្លួន ហើយអ្នកបើកបរម៉ូតូ និងអ្នករួមដំណើរសុទ្ធតែស្រវឹង នៅពេលដែលសមត្ថកិច្ចចុះទៅត្រួតពិនិត្យឃើញតែម៉ូតូរបស់ជនរងគ្រោះ សព និងអ្នករងរបួស។ ចំពោះអ្នករបួសធ្ងន់ទាំង២នាក់ ត្រូវបានរថយន្តសង្គ្រោះរបស់ស្នងការដ្ឋាននគរបាលខេត្ត បញ្ជូនទៅមន្ទីរពេទ្យសិរីសោភ័ណ៕
ចែករំលែកព័តមាននេះ