ឯកអគ្គរដ្ឋទូតកូរ៉េខាងជើងគំរាមវាយប្រហារនុយក្លេអ៊ែរប្រឆាំងអាមេរិក
សហរដ្ឋអាមេរិក-ប្រទេសកូរ៉េខាងជើង ៖ កាលពីថ្ងៃទី៣០ កញ្ញា ឯកអគ្គរដ្ឋទូតកូរ៉េខាងជើងប្រចាំក្រុងមូស្គូបានគំរាមថា
សហរដ្ឋអាមេរិក-ប្រទេសកូរ៉េខាងជើង ៖ កាលពីថ្ងៃទី៣០ កញ្ញា ឯកអគ្គរដ្ឋទូតកូរ៉េខាងជើងប្រចាំក្រុងមូស្គូបានគំរាមថា
សហរដ្ឋអាមេរិក-ប្រទេសកូរ៉េខាងជើង ៖ កាលពីថ្ងៃទី៣០ កញ្ញា ឯកអគ្គរដ្ឋទូតកូរ៉េខាងជើងប្រចាំក្រុងមូស្គូបានគំរាមថា កូរ៉េខាងជើងអាចប្រើកងកម្លាំងនុយក្លេអ៊ែរ ដើម្បីឆ្លើយតបចំពោះពាក្យពេចន៍របស់ប្រធានាធិបតីអាមេរិក លោកដូណាល់ ត្រាំ ប្រឆាំងក្រុងព្យុងយ៉ាង ។
ឯកអគ្គរដ្ឋទូតរូបនេះ លោក KIM HYONG JUN ថ្លែងថា ដោយសារកងកម្លាំងនុយក្លេអ៊ែររបស់ខ្លួន កូរ៉េខាងជើងអាចឆ្លើយតបចំពោះសេចក្តីថ្លែងការណ៍ប្រទូស្តរ៉ាយរបស់ប្រធានាធិបតីអាមេរិក ប្រឆាំងក្រុងព្យុងយ៉ាង ។ លោកថា ប្រសិនបើសហរដ្ឋអាមេរិកប្រព្រឹត្តសកម្មភាពទាំងឡាយលុបបំបាត់សិទ្ធិអត្ថិភាពរបស់ប្រជាជនយើង នោះសាធារណរដ្ឋរបស់យើងនឹងបង្ខំចិត្តធ្វើឱ្យគេត្រូវបង់តម្លៃយ៉ាងខ្ពស់ដោយសារជំនួយនៃកងកម្លាំងនុយក្លេអ៊ែររបស់ខ្លួនជាការឆ្លើយតបចំពោះប្រសាសន៍របស់លោកគីម ជុងអ៊ុន មេដឹកនាំកំពូលរបស់យើង ។
ក្នុងសន្និសីទសារព័ត៌មានមួយស្តីពីសន្តិភាពនៅឧបទ្វីបកូរ៉េ និងការបង្រួបបង្រួមកូរ៉េកាលពីថ្ងៃទី៣០ កញ្ញា នៅក្រុងមូស្គូ លោក KIM HYONG JUN ចាត់ទុកការសន្យារបស់លោកដូណាល់ ត្រាំ កម្ទេចកូរ៉េខាងជើងឱ្យម៉ត់ ពេលថ្លែងនៅឯមហាសន្និបាត អ.ស.ប ថា ជាការសន្យាឆ្កួតលីលា ។
យោងតាមអ្នកការទូតកូរ៉េខាងជើងរូបនេះថា បណ្តាសកម្មភាពរបស់សហរដ្ឋអាមេរិកបំផ្លាញដំណើរការបង្រួបបង្រួមកូរ៉េ ហើយធ្វើឱ្យទំនាក់ទំនងរវាងក្រុងព្យុងយ៉ាង និងក្រុងសេអ៊ូលស្ថិតក្នុងភាពជាប់គាំងទាំងស្រុង ។ លោកគូសបញ្ជាក់ថា ទោះបីមានការផ្លាស់ប្តូររដ្ឋាភិបាលនៅកូរ៉េខាងត្បូង តែផ្លូវដែលនាំទៅរកការកែលម្អទំនាក់ទំនងគ្នា សន្តិភាព និងភាពរុងរឿងនៅត្រូវបិទជិតទាំងស្រុង ព្រោះរដ្ឋអំណាចនេះពុំអាចបោះបង់ចោលនយោបាយពុះបំបែកជាតិ និងប្រឈមមុខដាក់គ្នា ៕
ចែករំលែកព័តមាននេះ