ខ្ទេចមុខហើយនៅតែព្យាយាមបើករត់គេចទៀត
រាជធានីភ្នំពេញ ៖ បុរសម្នាក់មាន
រាជធានីភ្នំពេញ ៖ បុរសម្នាក់មានអាការស្រវឹងបានបើករថយន្តទៅបុកបង្គោលភ្លើងបំភ្លឺផ្លូវបណ្តាលឲ្យទ្រេតអស់មួយ ។ ករណីនេះបង្កភ្ញាក់ផ្អើលកាលពីម៉ោង១១នឹង៣០នាទីយប់ថ្ងៃទី៣០ខែកញ្ញា ឆ្នាំ២០១៧ នៅភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។
ប្រភពបានប្រាប់ថាមុនកើតហេតុឃើញរថយន្តមួយគ្រឿងពណ៌ស ស្លាកលេខភ្នំពេញ ២AM-៧៨០០បើកបរដោយបុរសម្នាក់ដោយបើកចេញពីម្តុំលូប្រាំឆ្ពោះទៅរង្វង់មូលចោមចៅ ។
អ្នកបើកបរធ្លាក់ភ្នែកខ្លាំងបានជ្រុលឡើងលើខឿនកណ្តាលទ្រូងផ្លូវ និងជ្រុលទៅបុកបង្គោលភ្លើងបំភ្លឺផ្លូវទ្រេតអស់មួយដើម ហើយរថយន្តបង្កព្យាយាមបើករថយន្តរត់គេចទាំងខ្ទេចមុខ និងបែកកង់មុខផ្នែកខាងឆ្វេងត្រូវបានប្រជាពលរដ្ឋដេញតាមឃាត់ជាប់ទាំងអ្នកបើករួចប្តឹងទៅសមត្ថកិច្ចមូលដ្ឋានឲ្យចុះទៅឃាត់រថយន្តបង្កខាងលើតែម្តង៕
ចែករំលែកព័តមាននេះ