គេជួយហើយនៅតែមិនចង់រស់ទៀត
ខេត្តស្វាយរៀង ៖ គ្រោះថ្នាក់ចរាចរណ៍ដ៏អាក្រក់
ខេត្តស្វាយរៀង ៖ គ្រោះថ្នាក់ចរាចរណ៍ដ៏អាក្រក់រវាងម៉ូតូមួយគ្រឿងជាមួយនិងម៉ូតូរ៉ឺម៉កហេតុការណ៍នេះកើតនៅវេលាម៉ោង៤នឹង៥០នាទីល្ងាចថ្ងៃទី៣០ ខែកញ្ញា ឆ្នាំ២០១៧ ត្រង់ចំណុចផ្លូវបំបែកជាបួន ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង ។
បើតាមសមត្ថកិច្ចនគបាលបានឲ្យដឹងថា មុនពេលកើតហេតុឈ្មោះ នាយ អេត ភេទប្រុស អាយុ៣៧ឆ្នាំ នៅភូមិស្វាយជ្រំ ឃុំស្វាយជ្រំ ស្រុកស្វាយជ្រំ បើកបរម៉ូតូរ៉ឺម៉ក ស្លាកលេខភ្នំពេញ១A-២៥៧៩ បើកបរពីទិសខាងកើតមកលិចក៏ស្រាប់តែមានបុរសម្នាក់ទៀតឈ្មោះ ថា វី អាយុ៤៨ឆ្នាំ នៅភូមិបុស្សផ្លាំង ឃុំបុស្សមន ស្រុករំដួល បើកបរម៉ូតូមួយគ្រឿង ពណ៍ខ្មៅ ស្លាកលេខ ស្វាយរៀង១D-៩៤០៦បើកពីទិសខាងលិចទៅកើតបញ្ច្រាសទិសគ្នាយ៉ាងលឿនបានបត់ឆ្វេងកាត់មុខរ៉ឺម៉ក ហើយបានបុកម៉ូតូរ៉ឺម៉កពេញទំហឹងចំកណ្តាលបណ្តាលឲ្យម៉ូតូរ៉ឺម៉កក្រឡាប់ផ្ងាជើងខ្ទាតទៅបុកបង្គោលភ្លើង។
ជនរងគ្រោះសន្លប់ពេលដឹងខ្លួនពីសន្លប់បែរជាមិនព្រមទៅមន្ទីរពេទ្យ សមត្ថកិច្ចឃើញរបួសធ្ងន់ក៏បង្ខំចិត្តចាប់ជនរងគ្រោះសែងដាក់លើរថយន្តទៅសង្គ្រោះនៅមន្ទីរពេទ្យខេត្តតែម្តង ។ ចំណែកម៉ូតូបង្ក និងម៉ូតូរ៉ឺម៉កយកទៅរក្សាទុកនៅការិយាល័យនគបាលចរាចរណ៍ស្នងការដ្ឋាននគបាលខេត្តដោះស្រាយតាមនីតិវីធី៕
ចែករំលែកព័តមាននេះ