បង្ក្រាបករណីជួញដូរថ្នាំ៣ករណីផ្សេងគ្នា ឃាត់ខ្លួនជនសង្ស័យ៤នាក់នៅក្រុងប៉ៃលិន
- ប៉ៃលិន
ខេត្តប៉ៃលិន ៖ កម្លាំងនគរបាលក្រុងប៉ៃលិន ចុះស្រាវជ្រាវស៊ើបអង្កេត និងបង្ក្រាបជាក់ស្ដែង ករណី
ខេត្តប៉ៃលិន ៖ កម្លាំងនគរបាលក្រុងប៉ៃលិន ចុះស្រាវជ្រាវស៊ើបអង្កេត និងបង្ក្រាបជាក់ស្ដែង ករណីជួញដូររក្សាទុក និងប្រើប្រាស់នូវសារធាតុញៀ.នចំនួន៣គោលដៅ ដូចខាងក្រោម ៖
គោលដៅទី០១ ៖ កាលពីវេលាម៉ោង៨និង១០នាទីយប់ថ្ងៃទី១៨ ខែមីនា ឆ្នាំ២០២៣ កម្លាំងវេនប្រចាំបញ្ជា នៃអធិការដ្ឋានក្រុងប៉ៃលិន ចុះល្បាតចំណុចសួនអាពាហ៍ពិពាហ៍ ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន បានឃើញ និងឃាត់ខ្លួនជនសង្ស័យ២នាក់ នាំខ្លួនទៅអធិការដ្ឋាននគរបាលក្រុងប៉ៃលិន។
ជនសង្ស័យទី១-ឈ្មោះ លន់ វីត ភេទប្រុស អាយុ២១ឆ្នាំ មុខរបរមិនពិតប្រាកដ ទីលំនៅបច្ចុប្បន្ន រស់នៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន (មានផ្ទុកសារធាតុញៀ.ន)។ ជនសង្ស័យទី២- ឈ្មោះ រឿន វី ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិទួលខៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន (មានផ្ទុកសារធាតុញៀ.ន) ។
គោលដៅទី២ ៖ កាលពីវេលាម៉ោង៩និង៣០នាទីព្រឹកថ្ងៃទី១៩ ខែមីនា ឆ្នាំ២០២៣ កម្លាំងបានបន្តឃាត់ខ្លួនជនសង្ស័យឈ្មោះ ឈឿន រីឆាត ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន (មានផ្ទុកសារធាតុញៀ.ន) នៅចំណុចដីចំការមួយកន្លែង នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។
គោលដៅទី៣ ៖ កាលពីវេលាម៉ោង២រសៀល ថ្ងៃទី១៩ ខែមីនា ឆ្នាំ២០២៣ បានបន្តនាំខ្លួនជនសង្ស័យឈ្មោះ ឈាន ស្រីពេជ្រ ភេទស្រី អាយុ២៣ឆ្នាំ មុខរបរមិនពិតប្រាកដ ទីលំនៅបច្ចុប្បន្នរស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន (មានផ្ទុកសារធាតុញៀ.ន) នៅចំណុចអូរត្រែង ស្ថិតនៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន។
តាមប្រភពបន្តទៀតថា វត្ថុតាង និងសម្ភារ:ដែលដកហូតសរុបទាំងអស់រួមមាន៖ ថ្នាំញៀ.នប្រភេទម៉ាទឹកកក(ICE) ចំនួន២២កញ្ចប់ (ធំ១កញ្ចប់) ទម្ងន់៩,២៤ក្រាម ជាថ្នាំសុទ្ធ ទូរស័ព្ទដៃចំនួន០៥គ្រឿង ម៉ូតូស៊េរីចាស់ចំនួន០៣គ្រឿង កាំបិ.តប៉័ងតោចំនួន០១ដើម។
ករណីខាងលើនេះ នគរបាលបានឃាត់ខ្លួនជនសង្ស័យរួមទាំងវត្ថុតាង នៅអធិការដ្ឋាននគរបាលក្រុងប៉ៃលិន ដើម្បីអនុវត្តតាមនីតិវិធី៕
ចែករំលែកព័តមាននេះ