ជនសង្ស័យ១ក្រុមកំពុងធ្វើសកម្មភាពគាស់ផ្ទះ អស់លក្ខណ៍ត្រឹមប៉ូលិសល្បាត
- ភ្នំពេញ
រាជធានីភ្នំពេញ ៖ ជនសង្ស័យ៤នាក់បានធ្វើសកម្មភាពគាស់ផ្ទះមួយកន្លែង ប៉ុន្តែត្រូវបានកម្លាំង
រាជធានីភ្នំពេញ ៖ ជនសង្ស័យ៤នាក់បានធ្វើសកម្មភាពគាស់ផ្ទះមួយកន្លែង ប៉ុន្តែត្រូវបានកម្លាំង
រាជធានីភ្នំពេញ ៖ ជនសង្ស័យ៤នាក់បានធ្វើសកម្មភាពគាស់ផ្ទះមួយកន្លែង ប៉ុន្តែត្រូវបានកម្លាំងនគរបាលប៉ុស្តិ៍ត្រពាំងក្រសាំងល្បាតឃើញក៏បានធ្វើការឃាត់ខ្លួនបាន២នាក់ និងដកហូតបានវត្ថុតាងមួយចំនួន ចំណែក២នាក់ទៀតបានរត់គេចខ្លួនរួច។
ហេតុការណ៍ខាងលើនេះបានកើតឡើងកាលពីវេលាម៉ោង១និង៥នាទីយប់រំលងអាធ្រាត្រ ឈានចូលថ្ងៃទី១៩ ខែមីនា ឆ្នាំ២០២៣ នៅចំណុចផ្ទះល្វែងមួយកន្លែង ស្ថិតនៅក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះ ទូច សុខន ភេទប្រុស អាយុ៤៣ឆ្នាំ មុខរបររត់កង់បី និងម្នាក់ទៀតឈ្មោះ ភឹម ភារុណ ភេទប្រុស អាយុ១៩ឆ្នាំ មុខរបរមិនពិតប្រាកដ ។
នគរបាលបានប្រាប់ឲ្យដឹងថា នៅមុនពេលកើតហេតុ កម្លាំងនគរបាលប៉ុស្តិ៍ត្រពាំងក្រសាំង ក្រោមការដឹកនាំបញ្ជាដោយលោកវរសេនីយ៍ឯកម៉ន វុធី អធិការនគរបាលខណ្ឌពោធិ៍សែនជ័យ បានចេញល្បាតពួនស្ទាក់បទល្មើសនៅក្នុងមូលដ្ឋាន ។ លុះពេលទៅដល់ត្រង់ចំណុចកើតហេតុ ក៏បានប្រទះឃើញជនសង្ស័យទាំង៤នាក់ខាងលើកំពុងធ្វើសកម្មភាពគាស់ផ្ទះប្រជាពលរដ្ឋចូលលួចទ្រព្យសម្បត្តិ ភ្លាមៗនោះកម្លាំងបានធ្វើការឡោមព័ទ្ធ ហើយចាប់ខ្លួនបាន២នាក់ ចំណែក២នាក់ទៀតគេចខ្លួនបាត់ស្រមោល។
តាមប្រភពដដែលបានប្រាប់ឲ្យដឹងបន្តទៀតថា ខណៈនោះកម្លាំងនគរបាលបានធ្វើការដកហូតម៉ូតូកង់បី១គ្រឿង (ម៉ាក បាចារ ពណ៌លឿង សេរីឆ្នាំ២០១៥ ពាក់ស្លាកលេខ ភ្នំពេញ ១GR-២៣៥១) ព្រមទាំងឧបករណ៍សម្រាប់គាស់មួយផ្ទះមួយចំនួនទៀតផងដែរ៕
ចែករំលែកព័តមាននេះ