ខេត្តបន្ទាយមានជ័យ ៖ ជនសង្ស័យចំនួន៤នាក់ជាជនជាតិថៃ ត្រូវបានកម្លាំងការិយាល័យជំនាញ នៃកងរាជអាវុធហត្ថខេត្ត បញ្ជូនទៅសាលាដំបូងខេត្ត កាលពីរសៀលថ្ងៃព្រហស្បតិ៍ ទី១៦ ខែមីនា ឆ្នាំ២០២៣…
ខេត្តបន្ទាយមានជ័យ ៖ ជនសង្ស័យចំនួន៤នាក់ជាជនជាតិថៃ ត្រូវបានកម្លាំងការិយាល័យជំនាញ នៃកងរាជអាវុធហត្ថខេត្ត បញ្ជូនទៅសាលាដំបូងខេត្ត កាលពីរសៀលថ្ងៃព្រហស្បតិ៍ ទី១៦ ខែមីនា ឆ្នាំ២០២៣ ពាក់ព័ន្ធករណីចា.ប់បានសម្រេចលើនារីជនរងគ្រោះម្នាក់ ជាជនជាតិថៃដូចគ្នា ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានប្រាប់ឲ្យដឹងថា យោងតាមពាក្យបណ្ដឹងរបស់នារីរងគ្រោះ អាយុ១៧ឆ្នាំ ជាជនជាតិថៃ ស្នាក់នៅបណ្ដោះអាសន្ន ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ឃាត់ខ្លួនជនសង្ស័យជនជាតិថៃ០៤នាក់ ករណីចា.ប់បានសម្រេច (ស្ថានទម្ងន់ទោស) ដែលប្រព្រឹត្តកាលវេលាម៉ោង០១និង០០នាទី ថ្ងៃទី១០ ខែមីនា ឆ្នាំ២០២៣ នៅចំណុចបន្ទប់ស្នាក់នៅ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ត្រី នួន នីណារ៉ូ បានប្រាប់ឲ្យដឹងទៀតថា ជនសង្ស័យទាំង៤នាក់ រួមមាន ៖
១. ឈ្មោះ ភីឡាផុន ឃុនដែងឌី (ហៅ ម៉ៃ) ភេទប្រុស អាយុ២១ឆ្នាំ ជនជាតិថៃ ។
២. ឈ្មោះ ផានុផុង អ៊ីណក (ហៅ អាម) ភេទប្រុស អាយុ២១ឆ្នាំ ជនជាតិថៃ ។
៣. ឈ្មោះ វ័រឡាវុធ កិណតាន់ (ហៅ អូដ) ភេទប្រុស អាយុ២០ឆ្នាំ ជនជាតិថៃ ។
៤. ឈ្មោះ អាក់មនថេត ប៊ូឡាក់ថេត (ហៅ អើត) ភេទប្រុស អាយុ២១ឆ្នាំ ជនជាតិថៃ ។
ជនសង្ស័យទាំង៤នាក់ ស្នាក់នៅបណ្ដោះអាសន្ន ភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
លោកមេបញ្ជាការមូលដ្ឋានកងរាជអាវុធហត្ថក្រុង បានបន្តថា ក្រោយពីទទួលបានពាក្យបណ្ដឹងពីនារីរងគ្រោះ កម្លាំងមូលដ្ឋានក្រុងប៉ោយប៉ែត បានចុះប្រតិបត្តិការស្រាវជ្រាវ និងឃាត់ខ្លួនបានជនសង្ស័យ៤នាក់ នៅវេលាម៉ោង០១និង៣៩នាទីរសៀលថ្ងៃទី១៥ មីនា ២០២៣ នៅចំណុចបន្ទប់ស្នាក់នៅ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ហើយនាំខ្លួនមកកាន់មូលដ្ឋានកងរាជអាវុធហត្ថក្រុងប៉ោយប៉ែត ដើម្បីធ្វើការសាកសួរ ។
ក្រោយឃាត់ខ្លួន និងសួរនាំរួច ជនសង្ស័យទាំង៤នាក់ បានឆ្លើយសារភាពថា ពួកខ្លួនពិតជាចា.ប់បានសម្រេចគ្រប់ៗគ្នា លើនារីរងគ្រោះជាជនជាតិថៃម្នាក់ ពិតប្រាកដមែន ។
ដោយផ្អែកតាមចម្លើយសារភាពរបស់ក្រុមជនសង្ស័យ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានកសាងសំណុំរឿងបញ្ចូនមកកាន់កងរាជអាវុធហត្ថខេត្តបន្ទាយមានជ័យ ដើម្បីបញ្ចូនបន្តទៅកាន់តុលាការ តាមនីតិវិធី ៕
ចែករំលែកព័តមាននេះ