ជនបរទេស២នាក់កំពុងដើរទេសចរណ៍សុខៗស្រាប់តែ…
រាជធានីភ្នំពេញ ៖ ជនជាតិបរទេសប្រុសស្រី២នាក់កំពុងតែដើរទេសចរណ៍
រាជធានីភ្នំពេញ ៖ ជនជាតិបរទេសប្រុសស្រី២នាក់កំពុងតែដើរទេសចរណ៍ស្រាប់តែលេចមុខជនសង្ស័យ៤នាក់ជិះម៉ូតូ២គ្រឿងធ្វើសកម្មភាពឆក់កាបូបបានសម្រេចហើយរត់គេចខ្លួនបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី២៦ ខែកញ្ញា ឆ្នាំ២០១៧ តាមបណ្តោយផ្លូវ២២៨ នៅចំណុចផ្លូវ៥១កែងផ្លូវ២២៨ ស្ថិតនៅក្នុងសង្កាត់បឹងរាំងខណ្ឌដូនពេញ ។
តាមប្រភពព័ត៌មានពីសាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញជនជាតិបរទេស២នាក់ប្រុសស្រីកំពុងតែដើរនៅតាមបណ្តោយផ្លូវ៥១ក្នុងទិសដៅពីត្បូងទៅជើង ខណៈដើរមកដល់ចំណុចកើតហេតុខាងលើក៏ស្រាប់តែលេចមុខជនសង្ស័យ៤នាក់ជិះម៉ូតូ២គ្រឿង មួយគ្រឿងម៉ាកហ្ស៊ុយស៊ុគីនិច ពណ៌ស មិនចាំស្លាកលេខ និងមួយគ្រឿងទៀតម៉ាកហ្ស៊ុយស៊ុគីឡេត មិនចាំពណ៌ និងស្លាកលេខ បានជិះទៅជិតជនរងគ្រោះរួចហើយធ្វើសកម្មភាពឆក់កាបូបពីជនជាតិបរទេសនោះបានសម្រេចហើយរត់ខ្លួនបាត់ស្រមោល ភ្លាមៗនោះដែរជនជាតិបរទេសនោះបានរត់តាមពីក្រោយហើយស្រែកទើបផ្អើលដល់សមត្ថកិច្ចមូលដ្ឋានចុះមកអន្តរាគមន៍ ។
នៅក្នុងកាបូបរបស់ជនរងគ្រោះដែលជនសង្ស័យឆក់យកទៅបាត់មានទូរស័ព្ទដៃម៉ាក iPhone 6S មួយគ្រឿង លុយ៥០ដុល្លារ និងកាតការងារមួយចំនួន ។ ក្រោយពេលកើតហេតុជនរងគ្រោះទាំង២នាក់បានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងរាំងដើម្បីឱ្យសមត្ថកិច្ចតាមស្រាវជ្រាវចាប់ជនសង្ស័យយកមកផ្តន្ទាទោសតាមច្បាប់ ៕
ចែករំលែកព័តមាននេះ