ជម្លៀសមនុស្សចេញដល់57.000នាក់ ព្រោះភ្នំភ្លើងនៅកោះបាលី
បណ្តាអ្នកទទួលខុសត្រូវឥណ្ឌូណេស៊ីគូសបញ្ជាក់កាលពីថ្ងៃទី២៦ កញ្ញា ថា
បណ្តាអ្នកទទួលខុសត្រូវឥណ្ឌូណេស៊ីគូសបញ្ជាក់កាលពីថ្ងៃទី២៦ កញ្ញា ថា
ប្រទេសឥណ្ឌូណេស៊ី ៖ បណ្តាអ្នកទទួលខុសត្រូវឥណ្ឌូណេស៊ីគូសបញ្ជាក់កាលពីថ្ងៃទី២៦ កញ្ញា ថា ប្រជាជនជាង៥៧.០០០នាក់នៃកោះទេសចរណ៍បាលីដែលរស់នៅជិតភ្នំភ្លើងមួយត្រូវបានជម្លៀសចេញរយៈពេលប៉ុន្មានថ្ងៃចុងក្រោយនេះ ខណៈសកម្មភាពភ្នំភ្លើងនេះមានការកើនឡើងញ៉ាំងឱ្យមានការភ័យខ្លាចពីការផ្ទុះគ្រប់ពេល ។
ភ្នំភ្លើង AGUNG មានកម្ពស់ជាង៣.០០០ម៉ែត្រ ហើយស្ថិតនៅចម្ងាយ៧៥គីឡូម៉ែត្រ ពីទីតាំងទេសចរណ៍សំខាន់ KUTA និង SEMINYAK ។ វាបានបញ្ចេញស្នូរចាប់តាំងពីខែសីហាមកជាលើកដំបូងពុំធ្លាប់មានចាប់តាំងពីជាងកន្លះសតវត្សមកហើយ ។
អ្នកនាំពាក្យម្នាក់របស់ទីភ្នាក់ងារគ្រប់គ្រងគ្រោះមហន្តរាយធម្មជាតិ លោក SUTOPO PURWO NUGROHO ថ្លែងថា លទ្ធភាពនៃការផ្ទុះភ្នំភ្លើងនេះមានខ្ពស់ ក៏ប៉ុន្តែគេពុំអាចព្យាករណ៍ថា វាផ្ទុះនៅពេលណាឡើយ ។ ការកើនឡើងនៃចំនួនញ័ររង្គើមកពីសកម្មភាពភ្នំភ្លើងនេះបង្ហាញថា កំអែរបស់វាបន្តឡើងមកខាងលើ ។ សម្រាប់ថ្ងៃទី២៥ កញ្ញា តែមួយគត់មានការញ័ររង្គើដល់ទៅ៥៦៤លើក។
ការប្រកាសអាសន្នកម្រិតខ្ពស់បំផុតនៅកោះបាលីត្រូវបានអាជ្ញាធរឥណ្ឌូណេស៊ីប្រកាសតាំងពីថ្ងៃទី២២ កញ្ញា មក ដោយស្នើឱ្យប្រជាជនស្ថិតនៅរង្វង់ជាង៩គីឡូម៉ែត្រពីភ្នំភ្លើងនេះ ។ មនុស្សប្រមាណជា៦២.០០០នាក់ រស់នៅក្នុងតំបន់គ្រោះថ្នាក់ ។ មេគោជិត២.០០០ក្បាលនៅជុំវិញភ្នំភ្លើង AGUNG ក៏ត្រូវជម្លៀសចេញដែរ ។
ព្រលានយន្តហោះអន្តរជាតិ DENPASAR ទីប្រជុំជនកោះបាលីដែលក្នុង១ឆ្នាំៗទទួលអ្នកទេសចរជាច្រើនលាននាក់សម្រាប់ពេលនេះពុំរងការប៉ះពាល់ឡើយ ក៏ប៉ុន្តែអាជ្ញាធរព្រលាននេះបានតាមដានសភាពការណ៍យ៉ាងប្រកិត ហើយអាចប្រកាសពីការបិទជាយថាហេតុ ។
ភ្នំភ្លើង AGUNG បានផ្ទុះលើកចុងក្រោយកាលពីឆ្នាំ១៩៦៣ ដោយបញ្ចេញផេះហុយរហូតដល់ក្រុងហ្សាការតា ៕
ចែករំលែកព័តមាននេះ