នៅ អ.ស.ប អះអាងថា ជ័យជម្នះនៃសង្គ្រាមស្ថិតនៅក្នុងកណ្តាប់ដៃ
លោក WALID AL MOUALEM អះអាងកាលពីថ្ងៃទី២៣ កញ្ញា នៅឯវេទិកា អ.ស.ប ថា
ប្រទេសស៊ីរី ៖ រដ្ឋមន្ត្រីការបរទេសស៊ីរី លោក WALID AL MOUALEM អះអាងកាលពីថ្ងៃទី២៣ កញ្ញា នៅឯវេទិកា អ.ស.ប ថា ជ័យជម្នះស្ថិតក្នុងដៃរបបលោកបាចា អាល់អាសាដ ហើយ ។
រដ្ឋមន្ត្រីស៊ីរីរូបនេះថ្លែងថា ការរំដោះក្រុងអាឡែប និងក្រុង PALMYRE ការបំបែកការឡោមព័ទ្ធទីក្រុង DEIR EZZOR និងការលុបបំបាត់ចោលភេរវកម្មនៅផ្នែកជាច្រើននៃប្រទេសស៊ីរីបង្ហាញថា ជ័យជម្នះពេលនេះស្ថិតក្នុងដៃរបស់យើងហើយ ។
តាំងពីចាប់ផ្តើមជម្លោះពីឆ្នាំ២០១១មក របបស៊ីរីចាត់ទុកពួកឧទ្ទាមប្រឆាំងរដ្ឋអំណាចជាពួកភេរវករ ។ ការវាយដណ្តើមយកបានក្រុងអាឡែបទាំងមូលកាលពីដំណាច់ឆ្នាំ២០១៦ របស់របបស៊ីរីកំណត់ពីការចាប់ផ្តើមនៃការបរាជ័យសម្រាប់ពួកប្រឆាំង ហើយដែនដីភាគច្រើនរបស់ប្រទេសវិលមកស្ថិតក្រោមការត្រួតត្រារបស់ក្រុងដាម៉ាស់ ដែលជួយទ្រទ្រង់ពេញលេញពីសំណាក់រុស្ស៊ី និងអីុរ៉ង់ ។
ក្រុមរដ្ឋអ៊ិស្លាមនាពេលបច្ចុប្បន្នបាត់បង់ទីតាំងធំ២ចុងក្រោយនៅស៊ីរីគឺក្រុងរ៉ាកា និងក្រុង DEIREZZOR ។ ក្នុងសុន្ទរកថាឯមហាសន្និបាតប្រចាំឆ្នាំរបស់ អ.ស.ប លោក WALID AL MOUA
LEM បន្តថា ស៊ីរីប្តេជ្ញាដាច់ខាតកម្ទេចភេរវកម្មគ្រប់កន្លែងក្នុងប្រទេសដោយពុំមានការលើកលែងដោយសារពលីកម្មរបស់កងទ័ពយើង និងការប្តេជ្ញាចិត្តរបស់ប្រជាជនយើង ៕
ចែករំលែកព័តមាននេះ