សួនស្មៅជាច្រើននៅរាជធានីភ្នំពេញខ្វះអ្នកថែទាំស្រោចទឹក កំពុងតែងា.ប់ជាបណ្តើរៗហើយ
- ភ្នំពេញ
រាជធានីភ្នំពេញ ៖ សួនច្បារ និងសួនស្មៅនៅតាមទីសាធារណៈ និងដងផ្លូវនានានៅក្នុងរាជធានី
រាជធានីភ្នំពេញ ៖ សួនច្បារ និងសួនស្មៅនៅតាមទីសាធារណៈ និងដងផ្លូវនានានៅក្នុងរាជធានីភ្នំពេញកំពុងតែងា.ប់ និងរេចរឹលជាបណ្តើរៗ ដោយសារតែខ្វះអ្នកមើលថែទាំស្រោចទឹក ពីអាជ្ញាធរ មូលដ្ឋាន និងអង្គភាព សួនច្បារនៃមន្ទីរសារធារណការរាជធានីភ្នំពេញ ។
ជាក់ស្តែង សួនច្បារជាច្រើនកន្លែងនៅតាមផ្លូវជាតិលេខ៤ ក្បែរស្ពានអាកាសថ្មើរជើងនៅក្នុងសង្កាត់ចោមចៅ៣ ក៏ដូចជាសួនស្មៅ នៅមុខស្ថានីយ៍ប្រេងកាល់តិច ក្រោមស្ពានអាកាស៧មករា (ពេទ្យលោកសង្ឃ) ក្នុងសង្កាត់ទឹកថ្លា ខណ្ឌសែនសុខកំពុងតែងា.ប់ និងរេចរិលអស់ហើយ ។
តាមព័ត៌មានអោយដឹងថា សួនស្មៅនៅចំណុចស្ពានអាកាសថ្មើរជើង នៅតាមផ្លូវជាតិលេខ៤ ត្រូវបានរៀបចំស្ថាបនា ឡើងដើម្បីកែលំអរជុំវិញសងខាងស្ពាន ។ ចាប់តាំងពីស្ពានអាកាសថ្មើរជើង បានបើកសម្ពោធមុនដំបូង គេសង្កេតសួនស្មៅទាំងនោះ មានអ្នកថែទាំស្រោចទឹកជាប្រចាំ ។ លុះក្រោយមកអង្គភាពជំនាញ ដែលទទួលមើលថែទាំហាក់ដូចជាមិនបានយកចិត្តទុកទទួលខុសត្រូវ មើលថែទាំបណ្តោយ អោយគេលក់ដូរលើសួនស្មៅ, ដើរចុះឡើង ដាក់របស់របរ ជិះលើសួន និងមិនស្រោចទឹកជាហេតុអោយស្មៅងា.ប់ និងរេចរឹលអស់។
ដោយឡែកទៀត សួនស្មៅមួយកន្លែងទៀតនៅក្រោមស្ពានអាកាស៧ មករា នៅមុខស្ថានីយប្រេងកាល់តិច ក៏បានងា.ប់អស់បណ្តើរៗដែរ។
តាមព័ត៌មានអោយដឹងទៀតថា មូលហេតុដែលស្មៅងា.ប់អស់ នោះត្រូវគេដឹងថា ដោយសារតែ រដូវប្រាំងនេះ អាកាសធាតុក្តៅ និងម្យ៉ាងទៀត អ្នកមើលថែទាំងមិនបានស្រោចទឹកអោយបានដិតដល់ ។
ក្រៅពីនោះ នៅមានសួនច្បារជាច្រើនទៀត នៅតាមដងផ្លូវ និងទីសាធារណៈនានាមួយចំនួនក៏បានងា.ប់ និងរេចរឹលផងដែរ ៕
ចែករំលែកព័តមាននេះ