តែមួយពព្រិចភ្នែកសោះត្រូវឆេះខ្ទេច
ខេត្តសៀមរាប ៖ សណ្ឋាគារមួយកន្លែង ត្រូវអគ្គិភ័យត្របាក់មួយប៉ព្រិចភ្នែក
ខេត្តសៀមរាប ៖ សណ្ឋាគារមួយកន្លែង ត្រូវអគ្គិភ័យត្របាក់មួយប៉ព្រិចភ្នែក
ខេត្តសៀមរាប ៖ សណ្ឋាគារមួយកន្លែង ត្រូវអគ្គិភ័យត្របាក់មួយប៉ព្រិចភ្នែក បង្កឱ្យ ភ្ញាក់ផ្អើលដល់ភ្ញៀវ កំពុងគេងនៅតាមបន្ទប់នីមួយៗ នៅវេលាម៉ោង១២ និង២០នាទី រសៀល ថ្ងៃទី១៧ ខែកញ្ញា ឆ្នាំ២០១៧ ភូមិវត្តបូព៌ សង្កាត់សាលាកំរើក ក្រុងសៀមរាប។
លោកវរសេនីយ៍ទោ អ៊ុន ភីរម្យ នាយរងការិយាល័យបង្ការពន្លត់អគ្គិភ័យ និងសង្គ្រោះបានប្រាប់នៅវេលាម៉ោង១១និង៥០នាទីព្រឹកថ្ងៃទី១៨ ខែកញ្ញា ឆ្នាំ២០១៧ អគ្គិភ័យឆាបឆេះបន្ទប់របស់សណ្ឋាគារ នៅជាន់ទី៤បន្ទប់ លេខ៤១០ បញ្ជាពីលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តលោកដឹកនាំកម្លាំង និងប្រើរថយន្តពន្លត់អគ្គិភ័យរបស់ស្នងការនគរបាលខេត្តសៀមរាប ចំនួន៤ឡាន ប្រើទឹកអស់២ឡាន ដោយពុំមានការរាលដាលដល់បន្ទប់ផ្សេងទៀតឡើយ។
លោកបានបញ្ជាក់ថា ម្ចាស់សណ្ឋាគារមានឈ្មោះ បែ នី កិកទី ភេទប្រុសអាយុ៥១ឆ្នាំ មុខរបរ ជាថៅកែ ជនជាតិបារាំង ហើយ និងអ្នកគ្រប់គ្រង ឈ្មោះ សាំង សុគុណ ភេទប្រុសអាយុ៣៣ឆ្នាំ មានទីលំនៅមានទីលំនៅដូចខាងលើ។ សម្តីអ្នកគ្រប់គ្រងសណ្ឋាគារ ប្រាប់សមត្ថកិច្ចយើងថា មូលហេតុដែលឆេះបន្ទប់នោះ គឺមកពីផ្ទុះខ្សែភ្លើង ចេញពីបន្ទប់លេខ៤១០ ជាន់ទី៤ព្រោះគ្មានអ្នកស្នាក់នៅទេ។
លោកបានបន្ថែមទៀតថា ការខូចខាតរួមមាន ទូរទស្សន៍ចំនួន១គ្រឿង គ្រែ១ ពូក១កញ្ចក់ និងបង្អួច ដែលសមត្ថកិច្ច និងអ្នកគ្រប់គ្រងបានវាយ កំទេចដើម្បីទាញស៊ីយ៉ូ ចូលពន្លត់ ទើបធ្វើឱ្យរលត់បាត់អស់ទាំងស្រុងនៅវេលាម៉ោង១២និង៥០នាទីថ្ងៃដដែល៕
ចែករំលែកព័តមាននេះ