ADផ្ទាំងផ្សព្វផ្សាយពាណិជ្ជកម្ម

Picture

ច្រករបៀង​ណ​ង់​ចាន់ ជា​ច្រក​សម្រាប់​ពលករ​ខ្មែរ​ទៅ​រក​ការងារ​ធ្វើ​តាម​បន្ទាត់​ព្រំដែន​ទៅ​ព្រឹក​វិល​ល្ងាច

1 ឆ្នាំ មុន
  • បន្ទាយមានជ័យ

ច្រករបៀង​ណ​ង់​ចាន់ គឺជា​ច្រក​សម្រាប់​ពលករ​ខ្មែរ​ទៅ​រក​ការងារ​ធ្វើ​តាម​បន្ទាត់​ព្រំដែន ទៅ​ព្រឹក​វិល​ល្ងាច ដែល​ស្ថិត​ភូមិ​អាង​សីលា​ខ្មែរ ឃុំ​អូរ​បី​ជាន់ ស្រុក​អូរ​ជ្រៅ

ខេត្តបន្ទាយមានជ័យ ៖ ច្រករបៀង​ណ​ង់​ចាន់ គឺជា​ច្រក​សម្រាប់​ពលករ​ខ្មែរ​ទៅ​រក​ការងារ​ធ្វើ​តាម​បន្ទាត់​ព្រំដែន ទៅ​ព្រឹក​វិល​ល្ងាច ដែល​ស្ថិត​ភូមិ​អាង​សីលា​ខ្មែរ ឃុំ​អូរ​បី​ជាន់ ស្រុក​អូរ​ជ្រៅ​។

ជាក់ស្តែង​នៅ​ល្ងាច​ថ្ងៃ​ទី​១០ ខែមីនា ឆ្នាំ​២០២៣​នេះ នៅ​ច្រក​ណ​ង​ចាន់ (​អាង​សីលា​ខ្មែរ​) ឃើញ​ថា មាន​ប្រជាពលរដ្ឋ​ខ្មែរ​ត្រឡប់​មក​ពី​ធ្វើការ​នៅ​ប្រទេស​ថៃ តាម​បន្ទាត់​ព្រំដែន ដោយ​ទៅ​ព្រឹក​វិល​ល្ងាច ក្នុង​១​ថ្ងៃ​គឺ​មាន​ប្រមាណ​ជិត​១០០​នាក់ ដែល​ជា​ពលរដ្ឋ​រស់នៅ​ក្បែរ​ព្រំដែន​។

ហើ​តាម​ប្រជាពលរដ្ឋ​បាន​ប្រាប់​ថា ប្រជាពលរដ្ឋ​ដែល​រស់​ក្បែរ​ព្រំដែន គ្មាន​មុខ​របប​អ្វី​ក្រៅពី​នាំ​គ្នា​ឆ្លង​ដែន​ទៅ​រក​ការងារ​ធ្វើ​តាម​ជាយ​ដែន​នៃ​ប្រទេស​ថៃ ដែល​ធ្វើ​ជា​ពលករ​កា​.​ប់​អំពៅ ជីក​ដំឡូង​មី និង​ធ្វើ​ការងារ​អ្វី​ផ្សេង​ទៀត សម្រាប់​ជី​វិភាព​គ្រួសារ​ដែល​រក​កម្រៃ​បាន​ក្នុង​១​ថ្ងៃ​ចាប់ពី​៣០០​ទៅ​៤០០​បាត ហើយ​អាច​ទៅ​មក​ព្រឹក​វិល​ល្ងាច ដែល​មាន​ថៅកែ​ថៃ​ចាំ​មក​ទទួល​នៅ​ក្បែរ​ព្រំដែន​ផង​ដែរ​។

ប្រជាពលរដ្ឋ​បាន​បញ្ជាក់​ថា នៅ​ពេល​ដែល​ពួក​គាត់​ឆ្លង​ដែន​តាម​ច្រករបៀង​ទៅ​រក​ការងារ​ធ្វើ​តាម​បន្ទាត់​ព្រំដែន ស្ថិត​ក្នុង​ទឹកដី​ថៃ គឺ​ចេញ​-​ចូល​ដោយ​ប្រើ​តែ​អត្តសញ្ញាណប័ណ្ណ និង​ប័ណ្ណ​ចាក់​វ៉ាក់សាំង​ការពារ​កូ​វី​ដ​១៩ ដែល​មានការ​យោគយល់​ពី​កងក​កម្លាំង​កម្ពុជា និង​កម្លាំង​ភាគី​ថៃ ដោយ​ឱ្យ​ចេញ​-​ចូល​ទៅ​រក​ការងារ​ធ្វើ​ព្រឹក​វិល​ល្ងាច គឺ​មិន​បាន​អស់​លុយ​អ្វី​នោះ​ទេ​។

ប្រជាពលរដ្ឋ​បាន​រំលឹក​ថា ប្រជាពលរដ្ឋ​ដែល​នៅ​ក្បែរ​ព្រំដែន ខណៈ​ពេលទំនេរ​ពី​ការ​ធ្វើស្រែ និង​ចម្ការ​ខ្លួនឯង ដែល​គ្មាន​ការងារ​ធ្វើ គឺ​ភាគច្រើន​បាន​ឆ្លង​ដែន​ទៅ​រក​ការងារ​ធ្វើ​តាម​បន្ទាត់​ព្រំដែន សម្រាប់​បាន​កម្រៃ​ចិញ្ចឹម​គ្រួសារ ដោយ​គ្រាន់តែ​កាន់​កាំ​បិ​.​ត និង​ពូថៅ ឬ​ចម ចូល​ទៅ​រក​ការងារ​នៅ​ក្បែរ​ព្រំដែន ស្ថិត​ក្នុង​ទឹកដី​ថៃ ទៅ​ព្រឹក​វិល​ល្ងាច ហើយ​បាន​នៅ​ជាមួយ​ក្រុម​គ្រួសារ​ទៀត​ផង​។

បើ​តាម​កងកម្លាំង​ឈរជើង​តាម​បន្ទាត់​ព្រំដែន បាន​បញ្ជាក់​ផង​ដែរ​ថា សម្រាប់​ប្រជាពលរដ្ឋ​ដែល​ចេញ​-​ចូល​ទៅ​ព្រឹក​វិល​ល្ងាច ដើម្បី​រក​ការងារ​ធ្វើ​តាម​បន្ទាត់​ព្រំដែន ក្នុង​ទឹកដី​ថៃ គឺ​គ្មាន​ច្បាប់​អោយ​ចេញ​-​ចូល​នោះ​ទេ តែ​ដោយ​មានការ​យោគយល់​ពី​កងកម្លាំង​ជាប់​ព្រំដែន​កម្ពុជា និង​ថៃ ដែល​បាន​សម្របសម្រួល​គ្នា​អោយ​ប្រជាពលរដ្ឋ​ចេញ​-​ចូល​ព្រឹក​វិល​ល្ងាច សម្រាប់​ប្រជាពលរដ្ឋ​រស់នៅ​ជាប់​ជាយ​ដែន​ឃើញ​មុខ​រាល់ថ្ងៃ ទើប​អនុញ្ញាតិ​ឱ្យ​៕

អត្ថបទសរសេរ ដោយ

កែសម្រួលដោយ