ADផ្ទាំងផ្សព្វផ្សាយពាណិជ្ជកម្ម

Picture

ប្រជា​កសិករ​២​ខេត្ត​ទឹកភ្នែក​! ក្រោយ​ថៅកែ​ទិញ​ស្រូវ​២​នាក់​ប្តី​ប្រពន្ធ​ប្រើ​ល្បិច​បោ​.​ក​លុយរាប់​ម៉ឺន​ដុល្លារ

1 ឆ្នាំ មុន
  • បន្ទាយមានជ័យ

ថៅកែ​ទិញ​ស្រូវ​២​នាក់​ប្តី​ប្រពន្ធ ត្រូវ​បាន​គេ​ស្គាល់​ថា (​សង្ហារ និង​ចែ​មួយ​ទិញ​ស្រូវ​) កំពូល​បោ​.​ក​ប្រាស់​ទិញ​ស្រូវ​ទៅ​លក់ លុះ​លក់​បាន​លុយ​វេច​រត់គេច​ខ្លួន​បាត់​ធ្វើ​អោយ​ប្រជា​កសិករ​ទឹកភ្នែក រួម​ទាំង

ខេត្តបន្ទាយមានជ័យ ៖ ថៅកែ​ទិញ​ស្រូវ​២​នាក់​ប្តី​ប្រពន្ធ ត្រូវ​បាន​គេ​ស្គាល់​ថា (​សង្ហារ និង​ចែ​មួយ​ទិញ​ស្រូវ​) កំពូល​បោ​.​ក​ប្រាស់​ទិញ​ស្រូវ​ទៅ​លក់ លុះ​លក់​បាន​លុយ​វេច​រត់គេច​ខ្លួន​បាត់​ធ្វើ​អោយ​ប្រជា​កសិករ​ទឹកភ្នែក រួម​ទាំង​មាន​ទាំង​ខេត្តបន្ទាយមានជ័យ និង​ខេត្តបាត់ដំបង​ផង​ដែរ​។

ឈ្មួញ​ទិញ​ស្រូវ​បោ​.​ក​ប្រាស់​ខាងលើ​នេះ មាន​ប្តី​ឈ្មោះ វ៉ា​ន់ ហៅ​យ៉ាប់ អាយុ​ជាង​៣០​ឆ្នាំ និង​ប្រពន្ធ​ឈ្មោះ អា​មួយ មាន​អាយុ​ជិត​៣០​ឆ្នាំ និង​មានកូន​ចំនួន​៣​នាក់ ក្នុង​នោះ​ប្រុស​២​នាក់ និង​ស្រី រស់នៅ​ភូមិ​សំរោង​ពេន ឃុំ​បន្ទាយ​នាង ស្រុក​មង្គល​បូ​រី​។

បើ​តាម​អ្នក​ជិតខាង​ម្នាក់​បាន​ប្រាប់​ថា ឈ្មួញ​ស្រូវ​ជា​ប្តី​ឈ្មោះ វ៉ា​ន់ ហៅ​យ៉ាប់ និង​ប្រពន្ធ​ឈ្មោះ អា​មួយ ដែល​គេ​ស្គាល់​ថា (​សង្ហារ និង​ចែ​មួយ​ទិញ​ស្រូវ​) បាន​រកស៊ី​ទិញ​ស្រូវ​ដាក់​តាម​រោង​ម៉ាស៊ីន​ស្រូវ​នៅ​ក្នុង​ខេត្តបន្ទាយមានជ័យ រយៈពេល​៣​ទៅ​៤​ឆ្នាំ​នេះ​ទេ​។ ហើយ​កាលពី​រកស៊ី​ដំបូង​មាន​រថយន្ត​ជិះ​ផ្ទាល់ខ្លួន​ម៉ាក​ហា​យ​ឡិន​ឌ័​រ​១​គ្រឿង និង​រថយន្ត​ធុន​ធំ​ដឹកស្រូវ​១​គ្រឿង ប៉ុន្តែ​ក្រោយមក​ក៏​បាន​ទៅ​ទិញ​រថយន្ត​ធុន​ធំ​១​គ្រឿង​ទៀត​ពី​អ្នក​ជិតខាង ដោយ​បង់​រំ​លួស ហើយ​គ្មាន​លុយ​អោយ​គេ ម្ចាស់​រថយន្ត​ក៏​យក​វិញ នៅ​សល់​តែ​រថយន្ត​ធុន​ធំ​១​គ្រឿង​រកស៊ី​ទិញ​ស្រូវ​តែ​ប៉ុណ្ណោះ​។

អ្នក​ជិតខាង​បាន​បញ្ជាក់​ថា កាលពី​ឆ្នាំ​២០២១ ឈ្មួញ​២​នាក់​ប្តី​ប្រពន្ធ​នេះ បាន​ដើរ​ទិញ​ស្រូវ​ក្នុង​ខេត្តបន្ទាយមានជ័យ ពី​ប្រជា​កសិករ​នៅ​ស្រុក​ភ្នំស្រុក និង​ស្រុក​មង្គល​បូ​រី ក្រោយ​លក់​បាន​លុយរាប់​ម៉ឺន​បាត ក៏​វេច​រត់ចោលស្រុក​ម្តង​ហើយ តែ​ត្រូវ​បាន​អ្នក​តាម​រកមុខ​។ លុះ​បាត់​រហូត​១​ឆ្នាំ​ទើប​លេចមុខ​ទិញ​ស្រូវ​នៅ​ឆ្នាំ​២០២២​នេះ តែ​មក​គ្មាន​លុយ​ទិញ​ស្រូវ ក៏​បាន​ប្អូនប្រុស​ជីដូនមួយ​ម្តាយ​ខាង​ប្រពន្ធ បាន​ដាក់​ហ៊ុន​រកស៊ី​ដើរ​ទិញ​ស្រូវ ដោយ​ចងការ​លុយ​ឪពុកមា​ជាង​៣​ម៉ឺន​ដុល្លារ និង​ប្អូនប្រុស​លក់​ស្រែ​បាន​៧០​ម៉ឺន​បាត និង​៥.០០០​ដុល្លារ ព្រមទាំង​បាន​ទិញ​រថយន្ត​កាម​រី​ឆ្លាម​១​គ្រឿង​ទៀត​សម្រាប់​ដើរ​ទិញ​ស្រូវ​។

បន្ទាប់​ពី​ឈ្មួញ​ទិញ​ស្រូវ​២​នាក់​ប្តី​ប្រពន្ធ​នេះ ក្រោយ​ពី​បោ​.​ក​ប្រាស់​ប្រជា​កសិករ​នៅ​ខេត្តបន្ទាយមាន​ជ័យ​កាលពី​ឆ្នាំ​២០២១ លុះ​ដើរ​ទិញ​ស្រូវ​នៅ​ស្រុក​មង្គល​បូ​រី និង​ស្រុក​ភ្នំស្រុក ប្រជា​កសិករ​មិន​ព្រម​លក់​អោយ​ទេ ប៉ុន្តែ​ដោយសារ​បាន​ហ៊ុន​ជាមួយ​បងជីដូនមួយ​ដើរ​ទិញ ទើប​ប្រជា​កសិករ​លក់​ស្រូវ​អោយ ដោយ​ទិញ​អោយ​លុយ​ពេញ​ខ្លះ និង​ទិញ​កក់​លុយ​ខ្លះ លុះ​ពេល​យក​ស្រូវ​ទៅ​លក់​អោយ​រោង​ម៉ាស៊ីន​បាន​លុយ​ហើយ ស្រាប់តែ​ប្តី​ប្រពន្ធ​ខាងលើ​នេះ​វេច​លុយ​រត់​បានជា​លើក​ទី​២​ម្តងទៀត​។

គួរ​បញ្ជាក់​ថា ២​នាក់​ប្តី​ប្រពន្ធ​ខាងលើ​នេះ បាន​បោ​.​ក​ប្រាស់​ប្រជា​កសិករ​ចំនួន​២៣​គ្រួសារ រស់នៅ​ភូមិ​និគម​ក្រៅ ឃុំ​ជ្រោយ​ស្តៅ ស្រុក​ថ្មគោល ខេត្តបាត់ដំបង ដែល​លុយ​សរុប​ប្រមាណ​ជិត​៨០​ម៉ឺន​បាត ប្រហាក់ប្រហែល​ជិត​៣​ម៉ឺន​ដុល្លារ និង​បោ​.​ក​ប្រាស់​ទាំង​បងប្អូន​ជីដូនមួយ​ដែល​បាន​ដាក់​ហ៊ុន​រកស៊ី​ទិញ​ស្រូវ​២​នាក់​បងប្អូន មាន​លុយ​៣​ម៉ឺន​ដុល្លារ និង​៧០​ម៉ឺន​បាត និង​៥.០០០​ដុល្លារ​ទៀត និង​ថែម​ទាំង​ទិញ​រថយន្ត​ឆ្លាម​អោយ​ជិះ​១​គ្រឿង​ទៀត គឺ​យក​ទៅ​បាត់​ទាំងអស់​។

ពាក់ព័ន្ធ​ករណី​២​នាក់​ប្តី​ប្រពន្ធ​ដែល​ឈ្មួញ​ទិញ​ស្រូវ​បោ​.​ក​ប្រាស់​ប្រជា​កសិករ ដោយ​ទិញ​ស្រូវ​មិន​អោយ​លុយ​នេះ ឃើញ​ថា ក៏​មាន​ប្រជាពលរដ្ឋ​ចំនួន​២៣​គ្រួសារ ភូមិ​និគម​ក្រៅ ឃុំ​ជ្រោយ​ស្តៅ ស្រុក​ថ្មគោល ខេត្តបាត់ដំបង ក៏​បាន​ដាក់​ពាក្យបណ្តឹង​ទៅ​តុលាការ​ផង​ដែរ ដើម្បី​ឱ្យ​ជួយ​អន្តរាគមន៍​តាម​ផ្លូវច្បាប់៕

អត្ថបទសរសេរ ដោយ

កែសម្រួលដោយ