អាមេរិកប្រើ DRONE បំពេញបេសកកម្មសម្ងាត់ ដឹងថា សម្ងាត់អីអត់…
សហរដ្ឋអាមេរិក ៖ មន្ទីរប៉ង់តាហ្គោននាពេលនេះមានបំណងប្រើ DRONE អវកាស BOEING X-37 ដើម្បី
សហរដ្ឋអាមេរិក ៖ មន្ទីរប៉ង់តាហ្គោននាពេលនេះមានបំណងប្រើ DRONE អវកាស BOEING X-37 ដើម្បី
សហរដ្ឋអាមេរិក ៖ មន្ទីរប៉ង់តាហ្គោននាពេលនេះមានបំណងប្រើ DRONE អវកាស BOEING X-37 ដើម្បីបំពេញបេសកកម្មសម្ងាត់លើកទី៥សម្រាប់កងទ័ពអាកាស ។ កាលបរិច្ឆេទចាប់ផ្តើមបេសកកម្មនេះគឺថ្ងៃទី៨ កញ្ញា ។ នេះជាការគូសបញ្ជាក់របស់ក្រុមហ៊ុនអវកាសឯកជនអាមេរិក SPACEX ។
កាំជ្រួច FALCON 9 របស់ក្រុមហ៊ុន SPACEX ត្រូវប្រើជាលើកដំបូងសម្រាប់បញ្ជូន DRONE X-37B ខណៈមុននេះតែងប្រើកាំជ្រួច ATLASV បាញ់បង្ហោះដោយក្រុមហ៊ុន UNITED LAUNCE ALLIANCE ។ DRONE ជាពាក់កណ្តាលយានអវកាសអាចហោះហើរជុំវិញផែនដីរយៈពេលច្រើនឆ្នាំ ហើយអាចចុះមកវិញ ដោយស្វយ័តលើព្រលានយន្តហោះមួយ ។ រយៈពេលសរុបនៃការហោះហើរ៤លើកគឺលើសពី២.០០០ថ្ងៃ ។ មន្ទីរប៉ង់តាហ្គោនអះអាងថា យាននេះគ្រោងសម្រាប់ការស្រាវជ្រាវខាងវិទ្យាសាស្ត្រពិសេសក្នុងក្របខណ្ឌនៃបេសកកម្មលើកមុនរយៈពេល២ឆ្នាំ ។
ទោះបីយ៉ាងណា អ្នកជំនាញការរុស្ស៊ី និងបរទេសជាច្រើនជឿជាក់ថា ការបកស្រាយផ្លូវការគ្រាន់តែជាការបិទបាំងមួយតែចំណុចសំខាន់នៃគម្រោងនេះសហរដ្ឋអាមេរិកពុំលាតត្រដាងឡើយ ។
យោងតាមព័ត៌មាននានាថា DRONE អវកាសសម្ងាត់នេះផលិតរួមគ្នាជាមួយអង្គការ NASA គ្រោងសម្រាប់បច្ចេកវិទ្យានានាដើម្បីកម្ទេចបណ្តាផ្កាយរណបនៅតារាវិថី ឬសម្រាប់វាយប្រហារមកលើដែនដី ។ គេចាំមើលថា តើយាននេះស្រាវជ្រាវវិទ្យាសាស្ត្រ អ្វីខ្លះ ខណៈការបញ្ជូនទៅតារាវិថីនៃ DRONE អវកាសអាចចាត់ទុកថាជាការរៀបចំសម្រាប់ការពង្រីកបណ្តាសកម្មភាពយោធាក្នុងទីអវកាស ។
DRONE អវកាសនេះមានទម្រង់ជាយានអវកាសដែលគេធ្វើឱ្យមានទំហំតូចប្រវែង៨,៩ម៉ែត្រ ហើយមានទម្ងន់៥តោន ។ អង្គការ NASA និងក្រុមហ៊ុនប៊ូអីុង ចាប់ផ្តើមរៀបចំការផលិតយានបែបនេះតាំងពីឆ្នាំ១៩៩៩ ។ យានផលិតដំបូងសម្រាប់ការងារជួសជុលបណ្តាផ្កាយរណប ប៉ុន្តែ៥ឆ្នាំក្រោយមកគម្រោងនេះត្រូវផ្ទេរឱ្យដល់ទីភ្នាក់ងារសម្រាប់បណ្តាគម្រោងស្រាវជ្រាវឈានមុខខាងកិច្ចការពារ DARPA ។ បច្ចុប្បន្នកងទ័ពអាកាសអាមេរិកមាន DRONE ប្រភេទនេះ២គ្រឿង ។ យោងតាមមន្ទីរប៉ង់តាហ្គោនថា យាននីមួយៗអាចហោះហើរក្នុងកម្ពស់រវាងពី២០០ទៅ៧៥០គីឡូម៉ែត្រ ហើយអាចផ្លាស់ប្តូរតារាវិថីយ៉ាងឆាប់ បំពេញការស៊ើបការណ៍ និងដឹកជញ្ជូនទៅកាន់ទីអវកាសនូវរបស់របរមួយចំនួន ។
តាម TWITTER កងទ័ពអាកាសអាមេរិកនិយាយថា យាននេះជាយានទំនើប និងមានបច្ចេកវិទ្យាខ្ពស់ ៕
ចែករំលែកព័តមាននេះ