មូលហេតុច្រើនយ៉ាងធ្វើឱ្យមនុស្សវ័យចំណាស់គេងមិនលក់
នៅពេលអាយុកាន់តែចាស់ រាងកាយរបស់មនុស្សមានការផ្លាស់ប្តូរច្រើន ។ ឆ្អឹងនឹងចាប់ផ្តើមផុយស្រួយស្បែកយារ ហើយការចងចាំថយចុះ។ ប៉ុន្តែ
នៅពេលអាយុកាន់តែចាស់ រាងកាយរបស់មនុស្សមានការផ្លាស់ប្តូរច្រើន ។ ឆ្អឹងនឹងចាប់ផ្តើមផុយស្រួយស្បែកយារ ហើយការចងចាំថយចុះ។ ប៉ុន្តែឥទ្ធិពលមួយនៃការវិវឌ្ឍទៅរកភាពចាស់ដោយមិនសូវមានគេចាប់អារម្មណ៍គឺការគេងមិនគ្រប់គ្រាន់ ។ មនុស្សចាស់ភាគច្រើនដែលមានអាយុចាប់ពី៦០ឡើងទៅតែងតែជួបប្រទះនឹងបញ្ហាគេងមិនលក់ ។ ការគេងមិនគ្រប់គ្រាន់អាចមានផលវិបាកធ្ងន់ចំពោះមនុស្សចាស់ ។ មានមូលហេតុជាច្រើនដែលធ្វើឱ្យមនុស្សចាស់មានបញ្ហាគេងមិនលក់ ។
ខាងក្រោមនេះជាមូលហេតុទូទៅ៥៖
១-លំនាំនៃការគេងមិនទៀងទាត់
នៅពេលអ្នកមានវ័យកាន់តែចាស់ អ្នកកាន់តែងាយនឹងភ្ញាក់ដោយសំឡេងរំខាននៅក្នុងបរិស្ថានជុំវិញដំណេករបស់អ្នក ។ ម៉ោងនៅក្នុងរាងកាយរបស់អ្នកនឹងចាប់ផ្តើមលេងដំណើរការនៅពេលអ្នកចាប់ផ្តើមងងុយគេងនៅពេលល្ងាច និងក្រោកពីគេងមុនពេលព្រឹកព្រលឹម ។ គុណភាពនៃការគេងចំពោះមនុស្សចាស់ទទួលរងផលប៉ះពាល់ខ្លាំងដោយសារការផ្លាស់ប្តូរលំនាំនៃការគេងនេះ ។
២-ការឈឺចាប់រ៉ាំរ៉ៃ
បញ្ហាសុខភាពចាប់ផ្តើមកើនឡើងនៅពេលអ្នកមានអាយុកាន់តែច្រើន ។ ជំងឺខ្លះអាចបង្កការរំខានដល់រាងកាយ ព្រមទាំងដំណេករបស់អ្នក ។ ជំងឺរលាកសន្លាក់ ជំងឺឆ្អឹងកងខ្នង និងជំងឺស្ពឹកស្មា គឺសុទ្ធតែជាជំងឺបណ្តាលឱ្យមានការឈឺចាប់ខ្លាំងដែលប៉ះពាល់ដល់ការគេងរបស់មនុស្សចាស់ ។
៣-ខ្វះការហាត់ប្រាណ
វ័យកាន់តែចាស់នឹងធ្វើឱ្យអ្នកមិនសូវមានចលនារាងកាយ ដោយសារតែអ្នកប្រហែលជាមិនមានថាមពលដូចកាលពីនៅក្មេង ។ ការគេងពេលថ្ងៃនឹងក្លាយជាទម្លាប់ថ្មីចំពោះមនុស្សចាស់ ដែលធ្វើឱ្យពួកគេគេងមិនលក់នៅពេលយប់ ។
៤-ខ្សោយប្លោកនោម
ការវិវឌ្ឍរកវ័យចំណាស់ធ្វើឱ្យប្លោកនោម និងក្រពេញប្រូស្តាតខ្សោយ ដែលធ្វើឱ្យមនុស្សចាស់ត្រូវនោមញឹកនៅពេលយប់ ។ ការងើបឡើងច្រើនដងនៅពេលយប់ដើម្បីទៅនោមក៏អាចរំខានដល់ការគេងផងដែរ ។
៥-លេបថ្នាំច្រើន
មនុស្សចាស់ដែលមានជំងឺច្រើនក៏ត្រូវលេបថ្នាំច្រើនតាមវេជ្ជបញ្ជា ។ ថ្នាំមួយចំនួនធំអាចបណ្តាលឱ្យមានបញ្ហាគេងមិនលក់ចំពោះមនុស្សចាស់ ព្រមទាំងប៉ះពាល់ដល់គុណភាពនៃការគេងរបស់ពួកគេ ៕
ចែករំលែកព័តមាននេះ