ព្រហ្មលិខិតម្ដេចមិនមេត្តា ដោយប្រ.ហារឪពុកម្ដាយស្លា.ប់ចោលបន្សល់ទុកកូនប្រុសស្រីចំនួន៤នាក់ ក្នុងនោះមាន២នាក់ដែលមានសតិមិនគ្រប់ ដៃជើងខ្វេងខ្វង់ ពិតជាគួរឱ្យអាណិតអាសូរខ្លាំងណាស់។ ហេតុការណ៍ដ៏កម្រមួយនេះ បានកើតឡើងនៅ
ខេត្តត្បូងឃ្មុំ ៖ ព្រហ្មលិខិតម្ដេចមិនមេត្តា ដោយប្រ.ហារឪពុកម្ដាយស្លា.ប់ចោលបន្សល់ទុកកូនប្រុសស្រីចំនួន៤នាក់ ក្នុងនោះមាន២នាក់ដែលមានសតិមិនគ្រប់ ដៃជើងខ្វេងខ្វង់ ពិតជាគួរឱ្យអាណិតអាសូរខ្លាំងណាស់។ ហេតុការណ៍ដ៏កម្រមួយនេះ បានកើតឡើងនៅភូមិក្តុលក្រោម ឃុំទ្រា ស្រុកក្រូចឆ្មារ ហើយក៏ធ្វើឱ្យអ្នកភូមិផងរបងជាមួយ មានការសោកស្ដាយ មិនគួរណាកើតរឿងបែបនេះទាល់តែសោះ។
បើតាមលោក ផ្នក តុលា នាយប៉ុស្តិ៍ទ្រា បានប្រាប់ឱ្យកោះសន្តិភាពដឹងនារសៀលថ្ងៃទី៥ ខែមីនា ឆ្នាំ២០២៣នេះថា គ្រួសារដ៏កម្សត់ដែលឪពុកម្ដាយស្លា.ប់ចោល ក្នុងនោះរួមមាន លោកតាមានឈ្មោះ គិត ហ៊ា អាយុ៧៨ឆ្នាំ កើតជំងឺលើសឈា.មបានស្លា.ប់តាំងពីថ្ងៃទី២៤ ខែកុម្ភៈ ឆ្នាំ២០២៣។ បន្ទាប់មកប្រពន្ធឈ្មោះ ម៉េង តេងវ័ន អាយុ៧០ឆ្នាំ រួមទាំងកូនប្រុសស្រីចំនួន៤នាក់ ក្នុងនោះមានកូនប្រុសស្រី២នាក់ដែលមានសតិមិនគ្រប់ បានរៀបចំធ្វើបុណ្យស.ពតាមប្រពៃណី៧ថ្ងៃជូនដល់លោកប្ដី ក៏ដូចជាឪពុករបស់ពួកគេទាំង២នាក់ផងដែរ។
លោកនាយប៉ុស្តិ៍ទ្រា បានបន្តឲ្យដឹងទៀតថា ក្រោយពីក្រុមគ្រួសារបានរៀបចំបុណ្យ៧ថ្ងៃឱ្យឪពុករួចរាល់ ក៏ស្រាប់តែព្រហ្មលិខិតឥតមេត្តា បានមកផ្ដាច់សង្ខារជីវិតម្ដាយបន្តទៀតនៅថ្ងៃទី២ ខែមីនា ឆ្នាំ២០២៣ ហើយត្រូវបានកូនៗប្រុសស្រីចំនួន៤នាក់ ក្នុងនោះ២នាក់ដែលមានបញ្ញាមិនគ្រប់ បានរៀបចំធ្វើបុណ្យស.ពបន្តតាមប្រពៃណី នេះគឺពិតជាទុក្ខត្រួតលើទុក្ខមែន។
លោកនាយប៉ុស្តិ៍បានរំលឹកថា កាលពីពេលដែលកូនប្រុសស្រីទាំង២នាក់ខាងលើកើតចេញពីផ្ទៃម្ដាយមក ពួកគេមានសតិបញ្ញាធម្មតាដូចគេដូចឯងនៅក្នុងភូមិដែរ តែក្រោយមក ក៏មានជំងឺទាំង២នាក់ ហើយបែរទៅជាមានសភាពខ្វេងខ្វង់ ដៃជើងទាំង២នាក់តែម្តង ពិតជាគួរឱ្យអាណិតអាសូរខ្លាំងណាស់។ តែពួកគេអាចដាំបាយទទួលទានបាន ហើយភាគច្រើនគឺបានបងប្អូន និងអ្នកភូមិនៅក្បែរនោះជួយទំនុកបម្រុងផងដែរ។ ករណីបែបនេះ គឺចាប់តាំងពីពេលដែលរូបលោកមកកាន់តំណែងជានាយប៉ុស្តិ៍ ពុំដែលជួបប្រទះនោះទេ។ ជាមួយគ្នានោះ រូបលោក ក៏ដូចជាអធិការនគរបាលស្រុក ក៏បានរៀបចំបច្ច័យទៅចូលបុណ្យស.ពដល់គ្រួសារដ៏កម្សត់នេះផងដែរ។
សូមបញ្ជាក់ផងដែរថា លោកតា និងប្រពន្ធដែលស្លា.ប់ចោលកូន២នាក់ ពួកគាត់គឺជាកសិករមានដីដាំដុះបន្លែបង្ការនៅក្រោយផ្ទះដូចគ្រួសារផ្សេងទៀតដែរ ដើម្បីផ្គត់ផ្គង់ជីវភាពគ្រួសារ។ ក្រោយពីមរណភាពឪពុកម្ដាយបន្សល់ទុកនៅកូនចំនួន៤នាក់ ក្នុងនោះរួមមាន ៖ ១- ឈ្មោះ ហ៊ា ហួរ ភេទប្រុស អាយុ៤៧ឆ្នាំ ទី២- ឈ្មោះ ហ៊ា ផាតការ ភេទស្រី អាយុ៤៤ឆ្នាំ (ពិការ) ៣-ឈ្មោះ ហ៊ា ធាវី ភេទប្រុស អាយុអាយុ៤៣ឆ្នាំ (ពិការ) និង៤- ឈ្មោះ ហ៊ា វិច្ឆ័យ ភេទប្រុស អាយុ៣២ឆ្នាំ។
លោក សយ ទូច អភិបាលស្រុកក្រូចឆ្មារ ប្រាប់ឲ្យដឹងដែរថា រូបលោកពិតជាមានអារម្មណ៍អាណិតអាសូរដល់ក្រុមគ្រួសារខាងលើ ដែលបាត់បង់ឪពុកម្ដាយជាទីស្រឡាញ់ និងបានបន្សល់ទុកនៅកូនប្រុសស្រី២នាក់ដែលមានបញ្ញាមិនគ្រប់លក្ខណៈ។ ជាមួយនោះ សាខាកាកបាតក្រហមស្រុក ក៏បានរៀបចំអំណោយ ដើម្បីយកទៅជូនដល់ក្រុមគ្រួសារនោះ និងសូមសម្ដែងចូលរួមនៅមរណទុក្ខដ៏ក្រៀមក្រំនេះផងដែរ។
ចែករំលែកព័តមាននេះ