ព្យុះវាយប្រហាររដ្ឋល្វីហ្សាណា ក្រោយបង្កទឹកជំនន់ធ្ងន់ធ្ងរ
សហរដ្ឋអាមេរិក ៖ ព្យុះត្រូពីកាល់ឈ្មោះ HARVEY កាលពីថ្ងៃទី៣០ សីហា វាយប្រហារដល់
សហរដ្ឋអាមេរិក ៖ ព្យុះត្រូពីកាល់ឈ្មោះ HARVEY កាលពីថ្ងៃទី៣០ សីហា វាយប្រហារដល់
សហរដ្ឋអាមេរិក ៖ ព្យុះត្រូពីកាល់ឈ្មោះ HARVEY កាលពីថ្ងៃទី៣០ សីហា វាយប្រហារដល់រដ្ឋល្វីហ្សាណា ក្រោយពីបង្កទឹកជំនន់ធ្ងន់ធ្ងរបំផុតចាប់តាំងពីច្រើនថ្ងៃមកហើយ ព្រោះតែភ្លៀងធ្លាក់ខ្លាំងលើមួយផ្នែកនៃរដ្ឋតិចសាស់ជិតខាង ។
នៅរដ្ឋតិចសាស់មនុស្សជាច្រើនសិបពាន់នាក់ត្រូវជម្លៀសចេញ ចំណែកបណ្តាទីតាំងប្រេងកាតនៅតំបន់ក្រុងហ៊ូស្តុនជាកន្លែងផលិតកម្មប្រេងសំខាន់របស់សហរដ្ឋអាមេរិកនៅតែមានការរាំងស្ទះមួយផ្នែក ។
ព្យុះ HARVEY បោកបក់ឆ្ពោះមកកាន់រដ្ឋល្វីហ្សាណា ក្រោយវាយប្រហារនាយប់ថ្ងៃទី២៥ សីហា លើរដ្ឋតិចសាស់ ជាព្យុះសង្ឃរាខ្លាំងប្រភេទទី៤នៅជិត CORPUS CHRISTI ចម្ងាយប្រមាណជា៣៥០គីឡូម៉ែត្រខាងត្បូងក្រុងហ៊ូស្តុន ។ នៅរដ្ឋតិចសាស់ព្យុះនេះបណ្តាលឱ្យមនុស្សស្លាប់យ៉ាងតិច២២នាក់ ហើយបង្ខំឱ្យមនុស្សជាង៣២.០០០នាក់ ត្រូវជម្លៀសចេញមកកាន់ជម្រកបណ្តោះអាសន្ននានា ។ ព្យុះនេះអាចបង្កគ្រោះមហន្តរាយធម្មជាតិយ៉ាងធ្ងន់ធ្ងរបំផុតនៃប្រវត្តិសាស្ត្រអាេមរិក ជាមួយការខូចខាតជាច្រើនសិបពាន់លានដុល្លារ ។ ព្យុះនេះនាថ្ងៃទី៣០ សីហា បង្កឱ្យមានភ្លៀងធ្លាក់ខ្លាំងលើតំបន់លាតសន្ធឹងពីទីក្រុង PORT ARTHUR រដ្ឋតិចសាស់ទៅក្រុង LAKE CHARLES រដ្ឋល្វីហ្សាណា ។ រោងចក្រចម្រាញ់ប្រេងកាតធំជាងគេរបស់សហរដ្ឋអាេមរិកនៅ PORT ARTHUR ត្រូវបិទមកពីទឹកជំនន់លិចដែលញ៉ាំងឱ្យតម្លៃប្រេងឥន្ធនៈឡើងខ្ពស់ក្នុងប្រទេស៕
ចែករំលែកព័តមាននេះ