ADផ្ទាំងផ្សព្វផ្សាយពាណិជ្ជកម្ម

Picture

គម្រោង​ស្ថាបនា​ផ្លូវ​បេតុង​តាម​ផ្លូវ​រថភ្លើង កំពុង​ដំណើរការ​ឡើង​វិញ បន្ទាប់​ពី​នៅ​មេម៉ាយ​៧​ឆ្នាំ

2 ខែ មុន
  • ភ្នំពេញ

គម្រោង​ស្ថាបនា​កំណាត់​ផ្លូវ​បេតុង តាម​បណ្តោយ​អតីត​ផ្លូវ​រថភ្លើង នៅ​ក្នុង​មូលដ្ឋាន​ខណ្ឌ​ឬ​ស្សី​កែវ រាជធានី​ភ្នំពេញ បាន​ដំណើរការ​ដោះស្រាយ​ផល​ប៉ះពាល់​ជិត​រួចរាល់​ហើយ និង​កំពុង​តែ​ដំណើរ​ស្ថាបនា​ឡើង​វិញ​ហើយ បន្ទាប់​ពី​

រាជធានី​ភ្នំពេញ ៖ គម្រោង​ស្ថាបនា​កំណាត់​ផ្លូវ​បេតុង តាម​បណ្តោយ​អតីត​ផ្លូវ​រថភ្លើង នៅ​ក្នុង​មូលដ្ឋាន​ខណ្ឌ​ឬ​ស្សី​កែវ រាជធានី​ភ្នំពេញ បាន​ដំណើរការ​ដោះស្រាយ​ផល​ប៉ះពាល់​ជិត​រួចរាល់​ហើយ និង​កំពុង​តែ​ដំណើរ​ស្ថាបនា​ឡើង​វិញ​ហើយ បន្ទាប់​ពី​នៅ​មេម៉ាយ​អស់​រយៈពេល​ប្រមាណ​៧​ឆ្នាំ​មក​ហើយ​នោះ​។

Picture

លោក ឯក ឃុន​ដឿ​ន អភិបាល​ខណ្ឌ​ឬ​ស្សី​កែវ បានអោយ​ដឹង​ថា ការ​ដោះស្រាយ​ផល​ប៉ះពាល់​នៅ​ក្នុង​ការ​ស្ថាបនា​ផ្លូវ​បេតុង​អតីត​ផ្លូវ​រថភ្លើង​នេះ បាន​ដំណើរការ​ជិត​រួចរាល់​បាន​ប្រមាណ​ជាង​៩០​ភាគរយ​ហើយ នៅ​សល់​ប្រមាណ​១៥​គ្រួសារ​ទៀត ដោយសារ​តែ​ខ្វះ​ដី ហើយ​អាជ្ញាធរ​កំពុង​តែ​ចាក់​ដី​ចាក់​បុក​ស៊ី​ផាយ ដើម្បី​ចែក​ជូន​ប្រជាពលរដ្ឋ​ដែល​នៅ​សល់​។

លោក​អភិបាល​ក៏​បាន​បញ្ជាក់​ទៀត​ថា មុន​ដំបូង ដី​បាន​បែងចែក​ជូន​ប្រជាពលរដ្ឋ​ដែល​រង​ផល​ប៉ះពាល់​អស់​ផ្ទះ​គ្រប់​ចំនួន​ហើយ តែ​ដី​ឡូ​តិ៍​មួយ​ចំនួន​បាន​ជាន់​លើ​ឈាបនដ្ឋាន និង​ម៉ុង​ផ្នូរ ខ្មោច ហើយ​មានការ​តវ៉ា ទើប​មានការ​ខ្វះ​ដី​។

Picture

ទោះបីជា​យ៉ាងណា អាជ្ញាធរ​បាន​ខិតខំ​ចាក់​ដី បុក​ស៊ី​ផាយ ដើម្បី​យក​ដី​ចែង​ជូន​ប្រជាពលរដ្ឋ អោយ​បាន​គ្រប់​ៗ​គ្នា​។ បន្ទាប់​ពី​មានការ​បែងចែក​ប្រជាពលរដ្ឋ ក៏​បាន​សាងសង់​ផ្ទះ និង​បាន​រុះរើ​ផ្ទះ​ទៅ​នៅផ្ទះ​ថ្មី​បណ្តើរ​ៗ​។ ដោយឡែក​គម្រោង​ស្ថាបនា​ផ្លូវ​បេតុង​តាម​អតីត​ផ្លូវ​ក៏​បាន​បន្ត​សាងសង់​ឡើង​វិញ​ដែរ​។

ការ​ខកខាន​នៅ​ក្នុង​ការ​ស្ថាបនា​កំណាត់​ផ្លូវ​នេះ ត្រូវ​បាន​គេ​ដឹង​ថា ដោយសារ​តែ​រដ្ឋបាល​រាជធានី​ភ្នំពេញ ក៏​ដូច​ជា​រដ្ឋបាល​ខណ្ឌ​ឬ​ស្សី​កែវ និង​មន្ត្រី​ជំនាញ​មានការ​យឺតយ៉ាវ​នៅ​ក្នុង​ការ​បុក​ស៊ី​ផាយ​ស្ថាបនា​ប្រឡាយ​អូ​វែង និង​ចាក់​ដី​លប់​ចំណី​ប្រឡាយ ដើម្បី​យក​ដី​ដោះស្រាយ​ជូន ប្រជាពលរដ្ឋ​ដែល​រង​ផល​ប៉ះពាល់​។

Picture

គួរ​បញ្ជាក់​ថា គម្រោង​ស្ថាបនា​កំណាត់​ផ្លូវ​បេតុង​តាម​បណ្តោយ​អតីត​ផ្លូវ​រថភ្លើង​នោះ មាន​ប្រវែង​៤៥១០​ម៉ែត្រ ចាប់ពី​ផ្លូវ​លេខ​៧០ ស្ថិត​ក្នុង​សង្កាត់​ទួល​សង្កែ រហូត​ដល់​ផ្លូវជាតិ​លេខ​៥ ក្នុង​សង្កាត់​គីឡូម៉ែត្រ​លេខ​៦ ត្រូវ​បាន​សាលា​រាជធានី​ភ្នំពេញ​តាំងពី​ជំនាន់​លោក ប៉ា សុ​ជាតិ​វង្ស ជា​អភិបាល បាន​បើក​ការដ្ឋាន​ស្ថាបនា កាលពី​ថ្ងៃ​ទី​២០ ខែធ្នូ ឆ្នាំ​២០១៦​។ បន្ទាប់​ពី​បើក​ដំណើរការ​ស្ថាបនា ប្រជាពលរដ្ឋ​ដែល​រង​ផល​ប៉ះពាល់​ក៏​បាន​ផ្ទុះ​ការ​តវ៉ា​ជា​បន្តបន្ទាប់ ដើម្បី​ទ​ទួ​ច​សុំ​អោយ​សាលា​រាជធានី​ភ្នំពេញ ដោះស្រាយ​ផល​ប៉ះពាល់​សិន ទើប​ធ្វើការ​អភិ​វ​ឌ្ឈ​ន៍​ស្ថាបនា​ផ្លូវ​ជា​ក្រោយ​។

Picture

លុះ​ក្រោយមក រដ្ឋបាល​រាជធានី​ភ្នំពេញ ក៏​បាន​រក​ដំណោះស្រាយ ដោយ​អោយ​ប្រជាពលរដ្ឋ អភិវឌ្ឍន៍​នៅ​កន្លែង ដោយ​រៀបចំ​ចាក់​ដី​ចំណី​ប្រឡាយ​អូ​វែង ដោះស្រាយ​អោយ​ប្រជាពលរដ្ឋ ដែល​រង​ផល​ប៉ះពាល់​ដី​អស់​ដី និង​ផ្ទះ​។

Picture

បើ​តាម​អាជ្ញាធរ​ខណ្ឌ​ឬ​ស្សី​កែវ​បានអោយ​ដឹង​ថា ប្រជា​ព​រដ្ឋ​ដែល​រង​ផល​ប៉ះពាល់​អស់​ដី និង​ផ្ទះ ចំនួន​៣២០​គ្រួសារ​។ បន្ទាប់​ពី​មានការ​តវ៉ា​ពី​ប្រជាពលរដ្ឋ ដែល​រង​ផល​ប៉ះពាល់​អស់​ដី និង​ផ្ទះ​និង​ទ​ទួ​ច​ស្នើ​ដល់​អាជ្ញាធរ មេត្តា​ជួយ​ព​ន្លឿ​ន​ក្នុង​ការ​ដោះស្រាយ​ប្រព័ន្ធ​លូ ទឹក ភ្លើង​នៅ​លើ​ដី​ថ្មី​ដើម្បី​អោយ​ពួក​គាត់​បាន​ទៅ​រស់នៅ​ឆាប់​ៗ អាជ្ញាធរ​ក៏​មានការ​យកចិត្តទុកដាក់​យ៉ាង​ខ្លាំង​ហើយ ឈាន​ទៅ​ដោះស្រាយ​ជូន​ប្រជាពលរដ្ឋ​ជិត​រួចរាល់​ហើយ និង​បាន​បន្ត​ស្ថាបនា​កំណាត់​ផ្លូវ​បេតុង តាម​អតីត​ផ្លូវ​រថភ្លើង​នេះ ដើម្បី​សម្រួល​ចរាចរណ៍ និង​កាត់​បន្ថយ​ការ​កកស្ទះ​នៅ​តាម​ផ្លូវជាតិ​លេខ​៥៕

Picture
Picture
Picture
Picture
Picture
Picture
Picture
Picture
Picture
Picture