សម្លា.ប់អ្នកចាត់ចែងទូទៅក្នុងសាលាបឋមសិក្សាទួលគោក ផ្អើលទាំងព្រឹក
រាជធានីភ្នំពេញ ៖ បុរសម្នាក់ជាអ្នកចាត់ការទូទៅ ក្នុងសាលាបឋមសិក្សាទួលគោក
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសម្នាក់ជាអ្នកចាត់ការទូទៅ ក្នុងសាលាបឋមសិក្សាទួលគោក ដែលគ្រប់គ្នាហៅគាត់ថា (លោកនាយក) ត្រូវជនមិនស្គាល់មុខវាយសម្លាប់នៅមុខទ្វារ ដោយកំពុងត្រូវសង្ស័យថា ជាករណីប្លន់សម្លាប់យកម៉ូតូ បង្កភ្ញាក់ផ្អើលក្រោយសន្តិសុខមកទ្វារសាលា កាលពីវេលាម៉ោង០៦ និង៣០នាទីព្រឹកថ្ងៃទី៣១ សីហា នេះ ស្ថិតក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ។
សេចក្តីរាយការណ៍បន្តថា ជនរងគ្រោះដែលស្លាប់ឈ្មោះឆន ណុប អាយុ៥២ឆ្នាំ មានស្រុកណើតនៅភូមិចេក ឃុំស្តុក ស្រុកគងពិសី ខេត្តកំពង់ស្ពឺ មានប្រពន្ធនិងកំពុងស្នាក់នៅក្នុងសាលាកើតហេតុ ។
បើតាមស្ត្រីជាប្រពន្ធឱ្យនគរបាលថា កាលពីយប់ ប្តីគាត់ (ជនរងគ្រោះ) បានជិះម៉ូតូចេញទៅហូបអាហារខាងក្រៅ ជាមួយមិត្តភក្តិ ហើយសង្ស័យថា ពេលគាត់ជិះត្រឡប់វិញដល់មុខផ្ទះវិញ ក៏ត្រូវជនសង្ស័យមកវាយសម្លាប់គាត់ ។ ប្រពន្ធបន្តទៀតថា ប្តីគាត់បានបាត់ម៉ូតូ១គ្រឿង (ដែលគាត់ជិះ) ម៉ាកហុងដាឆ្នាំ២០១៦ ពាក់ស្លាកលេខភ្នំពេញ FP-4752, ទូរស័ព្ទដៃ១គ្រឿង និងកាបូបលុយ ។ បច្ចុប្បន្ន សមត្កិច្ចកំពុងធ្វើកោសល្យវិច័យ និងពិនិត្យលើសាកសពជនរងគ្រោះបន្ត ។
ចែករំលែកព័តមាននេះ