មូលហេតុធ្វើឱ្យឡើងទម្ងន់នៅកន្លែងធ្វើការ
ជាបញ្ហាទូទៅដែលមនុស្សជាច្រើនជួបប្រទះជាមួយនឹងការធ្វើការងារដោយអង្គុយមួយកន្លែង ហើយធ្វើឱ្យឡើងទម្ងន់ ។ ការឡើងទម្ងន់ពិតជាមិនអាច
ជាបញ្ហាទូទៅដែលមនុស្សជាច្រើនជួបប្រទះជាមួយនឹងការធ្វើការងារដោយអង្គុយមួយកន្លែង ហើយធ្វើឱ្យឡើងទម្ងន់ ។ ការឡើងទម្ងន់ពិតជាមិនអាចចៀសរួចទេនៅពេលអ្នកអង្គុយធ្វើការមួយកន្លែង ។
ការអង្គុយធ្វើការមួយកន្លែងច្រើនម៉ោងក៏អាចមានឥទ្ធិពលដល់សុខភាពផ្លូវចិត្តរបស់អ្នកផងដែរ ។
មានមូលហេតុជាច្រើនដែលធ្វើឱ្យអ្នកឡើងទម្ងន់នៅកន្លែងធ្វើការ ។ មានមូលហេតុ សំខាន់ៗដែលបញ្ហានេះកើតឡើងចំពោះអ្នក ដូច្នេះនៅពេលអ្នកដឹងអំពីមូលហេតុ ហើយអ្នកអាចកែប្រែបន្តិចបន្តួចចំពោះអ្វីដែលអ្នកកំពុងធ្វើឥឡូវនេះដើម្បីអាចកែប្រែបញ្ហានេះបាន ។
១-ញ៉ាំដើម្បីក្រុមហ៊ុនទោះបីជាអ្នកឆ្អែតហើយក៏ដោយ
វាអាចជាថ្ងៃខួបកំណើតមិត្តរួមការងារ នំឃុកឃីធ្វើដោយខ្លួនឯង ឬប្រសិនបើមិត្តរួមការងាររបស់អ្នកនៅម្នាក់ឯង ហើយអ្នកត្រូវតែទៅកំដរពួកគេ នោះការទទួលទានបន្ថែម បន្តិចម្តងៗទាំងនេះនឹងធ្វើឱ្យទំហំចង្កេះរបស់អ្នកកាន់តែធំទៅៗ ។
២-បរិភោគអាហារដោយមិនបានគិតគូរ
បន្ទាប់ពីធ្វើការអស់កម្លាំងពេញមួយថ្ងៃ ភាពឃ្លាននឹងចាប់ផ្តើមបង្កបញ្ហាដល់អ្នក ហើយនៅពេលនោះអ្វីដែលអ្នកបរិភោគមិនមែនជាអាហារធ្វើដោយខ្លួនឯងល្អចំពោះសុខភាពនោះទេ ប៉ុន្តែជាអាហារដែលជួយបង្កើនកាឡូរីដល់រាងកាយអ្នកដូចជាភីហ្សា ឬអាហារបំពង ។
៣-ពន្លឺ និងសីតុណ្ហភាពបន្ទប់អាចមានឥទ្ធិពលលើចំណង់អាហាររបស់អ្នក
ការស្រាវជ្រាវបានរកឃើញថាបន្ទប់ដែលមានពន្លឺតិចតួចអាចបង្កើនចំណង់អាហាររបស់អ្នក។ ពន្លឺក្នុងបន្ទប់អាចជះឥទ្ធិពលដល់ភាពឃ្លានរបស់អ្នកដែលអាចធ្វើឱ្យអ្នកបរិភោគកាន់តែច្រើន ឬបរិភោគតិចនៅពេលដែលមានពន្លឺភ្លឺខ្លាំង ។
៤-ធ្វើការច្រើនម៉ោង
ការធ្វើការច្រើនម៉ោងអាចប៉ះពាល់ដល់ទម្ងន់របស់បុគ្គល ។ អ្នកដែលមិនសូវមានពេលទំនេរនឹងមិនសូវមានពេលធ្វើលំហាត់ប្រាណដូចគ្នា ។ ស្របគ្នានេះដែរ ការគេងមិនគ្រប់គ្រាន់អាចគ្រប់គ្រងចំណង់អាហាររបស់អ្នក និងបណ្តាលឱ្យអ្នកឃ្លានកាន់តែខ្លាំង ។
៥-ភាពតានតឹង និងពេលវេលាកំណត់ធ្វើឱ្យអ្នកមានសម្ពាធ
កម្រិតនៃភាពតានតឹងនៅកន្លែងធ្វើការអាចជាហេតុផលចម្បងមួយនៃការឡើងទម្ងន់ ។ វាបង្កើនកម្រិតនៃភាពតានតឹង និងធ្វើឱ្យអ័៊រម៉ូន cortisol កើនឡើងដែលជាអ័៊រម៉ូនធ្វើឱ្យអ្នកឃ្លាន ៕
ចែករំលែកព័តមាននេះ