ឮសម្លេងផ្ទុះចេញពីផ្ទះលក់ហ្គាស ស្រាប់តែឃើញភ្លើងឆេះ និងរាលដាលអស់ផ្ទះ៥ខ្នង
- កណ្តាល
ខេត្តកណ្តាល ៖ ផ្ទះប្រជាពលរដ្ឋចំនួន៥ខ្នងនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្ត
ខេត្តកណ្តាល ៖ ផ្ទះប្រជាពលរដ្ឋចំនួន៥ខ្នងនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្ត
ខេត្តកណ្តាល ៖ ផ្ទះប្រជាពលរដ្ឋចំនួន៥ខ្នងនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្តាល ត្រូវបានអគ្គីភ័យឆាបឆេះយ៉ាងសន្ធោសន្ធៅ កាលពីវេលាម៉ោងប្រមាណ១០និង៥០នាទីព្រឹកថ្ងៃទី០៣ ខែមិនា ឆ្នាំ ២០២៣នេះ។
នៅក្នុងហេតុការណ៍ខាងលើនេះ គេសង្កេតឃើញរថយន្តពន្លត់អគ្គីភ័យជាច្រើនគ្រឿង មកពីខេត្តកណ្តាល និងរាជធានីភ្នំពេញបានចុះទៅអន្តរាគមន៍បា.ញ់ទឹកពន្លត់ ។
ការកើតហេតុមានអគ្គីភ័យខាងលើនេះ គេពុំដឹងមកពីមូលហេតុអ្វីឱ្យពិតប្រាកដនៅឡើយទេ តែ មុនដំបូង គេមានការសង្ស័យថាបណ្តាលមកពីផ្ទុះកំប៉ុងហ្គាសចេញពីផ្ទះអ្នកលក់ហ្គាស ដែលម្ចាស់ចាក់សោទុកចោល ។
តាមសាក្សីបានអោយដឹងថា នៅមុនពេលកើតហេតុ គេបានឮសម្លេងផ្ទុះចេញពីផ្ទះអ្នកលក់ហ្គាស ដែលចាក់សោទុកចោល ហើយភ្លើងបានឆាបឆេះយ៉ាងសន្ធោសន្ធៅ និងរាលដាលយ៉ាងឆាប់រហ័ស ទៅផ្ទះធ្វើពីឈើប្រក់សង្កសីអស់ជាច្រើន់ខ្នង ។ ភ្លាមៗនោះរថយន្តពន្លត់អគ្គីភ័យចំនួន១១គ្រឿងបានទៅអន្តរាគមន៍បា.ញ់ទឹកពន្លត់។
តាមមន្ត្រីនៅសាលាឃុំព្រែកអញ្ចាញម្នាក់បានអោយដឹងថា ផ្ទះចំនួន៥ខ្នង ត្រូវបានអគ្គីភ័យឆាបឆេះអស់ទាំងស្រុង និង១ទៀតឆេះរោលៗ ។ ទោះបីជាយ៉ាងណា អគ្គីភ័យខាងលើនេះ គេមិនដឹងថា មានមនុស្សរងរបួស ឬអត់នៅឡើយទេ ៕
ចែករំលែកព័តមាននេះ