កាយផ្លូវទូកចេញ-ចូលឡើងវិញ ក្រោយម្ចាស់រមណីយដ្ឋាន២កន្លែងបិទជាយូរឆ្នាំមកហើយ
- កំពត
ខេត្តកំពត ៖ អាជ្ញាធរខេត្តកំពត មានលោកសេង សិរីបុត្រ អភិបាលរង, លោកង៉ាន់ ថារិទ្ធ អភិបាលរងខេត្ត និងមន្ត្រីរៀបចំដែនដី…
ខេត្តកំពត ៖ អាជ្ញាធរខេត្តកំពត មានលោកសេង សិរីបុត្រ អភិបាលរង, លោកង៉ាន់ ថារិទ្ធ អភិបាលរងខេត្ត និងមន្ត្រីរៀបចំដែនដី…
ខេត្តកំពត ៖ អាជ្ញាធរខេត្តកំពត មានលោកសេង សិរីបុត្រ អភិបាលរង, លោកង៉ាន់ ថារិទ្ធ អភិបាលរងខេត្ត និងមន្ត្រីរៀបចំដែនដី រួមទាំងមន្ត្រីសាលាក្រុងបូកគោ កាលពីព្រឹកថ្ងៃទី២៨ ខែកុម្ភៈ បានយកគ្រឿងចក្រវាយរបងបេតុងនិងកាយផ្លូវទូក សម្រាប់ចេញ-ចូលរបស់ប្រជាអ្នកនេសាទនៅភូមិព្រែកអំពិលសង្កាត់កោះតូច ក្រុងបូកគោ ។
បន្ទាប់ពីម្ចាស់រមណីយដ្ឋាន«ណាតាយ៉ា»និងម្ចាស់មួយកន្លែងទៀត នៅជាប់មាត់សមុទ្រ បានចាក់ដីលុបមិនឱ្យទូកចេញ-ចូលបាន និងបិទប្រជានេសាទមិនអោយដើរឆ្លងកាត់បាន។ អ្នកនេសាទម្នាក់ឈ្មោះទូច សុធា ភេទប្រុសអាយុ៣៤ឆ្នាំ នៅភូមិព្រែកអំពិល ក្រុងបូកគោនិយាយថា ការបិទផ្លូវដើរនិងមិនចាក់ដីលុបផ្លូវទូកមិនអាចឡើងពីសមុទ្រមកទុកចតនៅលើនេះបាន គឺកើតមានជាយូរឆ្នាំមកហើយ រវាងម្ចាស់រឺហ្សតណាតាយ៉ា និងប្រជាអ្នកនេសាទចំនួន៥២គ្រួសារ។
អ្នកនេសាទទូចសុធានិយាយថា ដោយសារមិនមានដំណោះស្រាយ អ្នកនេសាទភូមិព្រែកអំពិលបានលើកគ្នាទៅស្កាត់ជួបឯកឧត្តមអភិបាលខេត្តកំពតតែម្ដង ប៉ុន្តែពេលអ្នកនេសាទស្វែងរកឯកឧត្តមអភិបាលកំពតឱ្យជួយអន្តរាគមន៍គឺមិនបានជួបឯកឧត្តមអភិបាលខេត្តទេ ជួបតែលោកអភិបាលរង។
លោកង៉ាន់ ថារិទ្ធ អភិបាលរងខេត្តកំពតបានប្រាប់អ្នកនេសាទថា ទោះជាមានការយឺតពេលបន្តិចក៏មិនអីដែរ ចំពោះការទាមទារបស់បងប្អូនប្រជានេសាទ ឱ្យមានការបើកផ្លូវនិងកាយផ្លូវទូក សម្រាប់ចេញ-ចូលពីសមុទ្រអោយភាពដូចដើមវិញ ។ លោកអភិបាលរងខេត្តមានប្រសាសន៍ទៀតថា នេះជាការយកចិត្តទុកដាក់ពីអាជ្ញាធរខេត្តបានយកគ្រឿងចក្រកាយផ្លូវដើរ និងផ្លូវទូករបស់អ្នកនេសាទពីសមុទ្រមកដល់ដៃព្រែកខាងលើ ជាកន្លែងដាក់ទូករបស់បងប្អូនអ្នកនេសាទ។ដែលមានចម្ងាយជាប់200ម៉ែត្រ។
អ្នកនេសាទមានការសារទរយ៉ាងខ្លាំង ចំពោះចំណាត់ការអាជ្ញាធរខេត្តកំពតបានចុះអន្តរាគមន៍បើកផ្លូវដើរ និងកាយផ្លូវទូកបន្ទាប់ពីអ្នកមានលុយមានអំណាចបានបិទមិនអោយឆ្លងកាត់ជាយូរខែឆ្នាំ។នៅព្រឹកថ្ងៃដ៍ដែលនោះដែរ អាជ្ញាធរខេត្តកំពតបានបន្តចុះទៅត្រួតពិនិត្យមើលសំណង់រឹងមួយកន្លែងសាងសង់រំលោភយកដីរថភ្លើងនៅសង្កាត់ព្រែកត្នោតក្រុងបូកគោ។
ចែករំលែកព័តមាននេះ