ប្រយោជន៍5យ៉ាងអ្នកគួរបរិភោគផ្លែស្ពឺ
ផ្លែស្ពឺគឺជាផ្លែឈើដែលមានរូបរាងដ៏គួរឱ្យចាប់អារម្មណ៍ព្រមជាមួយអត្ថប្រយោជន៍ដល់សុខភាពជាច្រើន ។ វាមានរសជាតិស្រដៀងទៅនឹង
ផ្លែស្ពឺគឺជាផ្លែឈើដែលមានរូបរាងដ៏គួរឱ្យចាប់អារម្មណ៍ព្រមជាមួយអត្ថប្រយោជន៍ដល់សុខភាពជាច្រើន ។ វាមានរសជាតិស្រដៀងទៅនឹងក្រូចឆ្មារ ម្នាស់ និងព័រ អាស្រ័យលើពូជរបស់វា ។ ប៉ុន្តែក្រៅពីមានរូបរាង និងរសជាតិពិសេស តើអ្វីដែលធ្វើឱ្យផ្លែឈើនេះជាផ្លែឈើមានអត្ថប្រយោជន៍ដ៏អស្ចារ្យចំពោះសុខភាព ?
សូមមើលពីផលប្រយោជន៍មួយចំនួននៃផ្លែស្ពឺចំពោះសុខភាពនៅអត្ថបទខាងក្រោមនេះ ។
១-មានកាឡូរីទាប
ផ្លែស្ពឺប្រហែល១០០ក្រាមមានកាឡូរីត្រឹមតែ៣១ក្រាម ដែលវាមានកាឡូរីទាបជាងផ្លែឈើដុះនៅតំបន់ត្រូពិកដទៃទៀត ។ វាមានជាតិស្ករទាប ហើយមានជាតិសរសៃខ្ពស់ពីធម្មជាតិ ។ ដូច្នេះវាល្អក្នុងការបរិភោគផ្លែឈើនេះនៅពេលដែលអ្នកចង់សម្រកទម្ងន់ ។
២-សម្បូរវីតាមីន C
ផ្លែស្ពឺមួយពែងមានវីតាមីន C ដែលគ្រូពេទ្យណែនាំឱ្យទទួលទានប្រចាំថ្ងៃប្រហែល៦០% ។ វីតាមីន C ដែលជាភ្នាក់ងារប្រឆាំងអុកស៊ីតកម្មជួយឱ្យរាងកាយរបស់អ្នកលូតលាស់ និងជួសជុលជាលិកា ។ វាក៏ផលិតសារជាតិកូឡាជែនដែលជាប្រូតេអុីនសំខាន់សម្រាប់ជួសជុលស្បែក ឆ្អឹងខ្ចី សរសៃពួរ និងសរសៃឈាម ។ ផ្លែស្ពឺក៏មានផ្ទុកសារធាតុប្រឆាំងអុកស៊ីតកម្មដទៃទៀតដែលជួយគ្រប់គ្រងសញ្ញានៃការវិវឌ្ឍទៅរកភាពចាស់ដោយកំណត់នូវការផលិតរ៉ាឌីកាល់សេរីដែលពួកវាអាចបំផ្លាញស្បែករបស់អ្នក និងធ្វើឱ្យអ្នកមើលទៅឆាប់ចាស់ជាងវ័យ។ ដូច្នេះប្រសិនបើអ្នកចង់បំបាត់ស្នាមជ្រីវជ្រួញ អ្នកគួរចាប់ផ្តើមបរិភោគផ្លែស្ពឺចាប់ពីថ្ងៃនេះទៅ ។
៣-បង្កើនការរំលាយអាហារ
ផ្លែស្ពឺគឺជាប្រភពដ៏ល្អនៃវីតាមីន B6 B2 និង B9 ។ វីតាមីនទាំងអស់នេះជួយឱ្យអង់ហ្ស៊ីមដែលពាក់ព័ន្ធនឹងការរំលាយអាហាររបស់អ្នកដំណើរការកាន់តែប្រសើរឡើង ។ ការបរិភោគផ្លែស្ពឺក៏បង្គ្រប់តម្រូវការជាតិសរសៃចំពោះរាងកាយរបស់អ្នកផងដែរ ។ ជាតិសរសៃជួយអ្នកឱ្យអ្នកមានអារម្មណ៍ឆ្អែតរយៈពេលយូរ និងទប់ស្កាត់ការឃ្លានអាហារ ។ ដូច្នេះអ្នកនឹងទទួលទានកាឡូរីតិច ហើយអាចគ្រប់គ្រងទម្ងន់រាងកាយរបស់អ្នក ។
៤-ពង្រឹងសុខភាពបេះដូង
ផ្លែស្ពឺផ្តល់នូវបរិមាណជាតិសរសៃដ៏ល្អ ។ ជាតិសរសៃនៅក្នុងផ្លែស្ពឺនេះជួយបន្ថយជាតិកូឡេស្តេរ៉ូលអាក្រក់ ( LDL ) នៅក្នុងពោះវៀន និងអាចទប់ស្កាត់ជំងឺ ផ្សេងៗដូចជាជំងឺដាច់សរសៃឈាមខួរក្បាល ឬគាំងបេះដូង។
៥-បង្ការជំងឺមហារីក
ផ្លែស្ពឺមានប្រយោជន៍ក្នុងការទប់ទល់ការប្រែប្រួលរូបរាងកាយ និងជីវគីមីចំពោះជំងឺមហារីកថ្លើម ។ ផ្លែស្ពឺអាចជាថ្នាំធម្មជាតិដ៏ល្អដើម្បីទប់ស្កាត់ជំងឺមហារីក ។ សារជាតិសរសៃនៅក្នុងផ្លែស្ពឺក៏ជួយការពារភ្នាសពោះវៀនធំពីការប៉ះពាល់ទៅនឹងជាតិពុលដែលបង្កឱ្យមានជំងឺមហារីក ហើយដូច្នេះវាអាចការពារជំងឺមហារីក ៕
ចែករំលែកព័តមាននេះ