យី… ទាមទារឱ្យនាងបង់ថ្លៃធ្វើដំណើរដោយរួមភេទជាមួយខ្លួន
ឃុំឃាំងអ្នកដំណើរស្រីម្នាក់ក្នុងរថយន្តរបស់ខ្លួន
អ្នកបើកបរ Uber ម្នាក់ មកពីទីក្រុង Chicago ត្រូវបានចាប់ខ្លួន ព្រោះតែបានឃុំឃាំងអ្នកដំណើរស្រីម្នាក់ក្នុងរថយន្តរបស់ខ្លួន និងទាមទារឱ្យនាងបង់ថ្លៃធ្វើដំណើរ ដោយរួមភេទជាមួយខ្លួន ។ លោក Muhammad Fahim ដែលមានអាយុ៤៤ឆ្នាំ និងជាអ្នកបើកបរខាងលើ ត្រូវប៉ូលិសឃាត់ខ្លួនបានតាមផ្លូវ ខណៈល្មើសច្បាប់ចរាចរណ៍ដោយបើកបរតាមផ្លូវ North Dearborn កាលពីល្ងាចថ្ងៃព្រហស្បត្តិ៍មុន។
ខណៈដែលប៉ូលិសកំពុងស្វែងរកព័ត៌មានទាក់ទិននឹងលោក Fahim ពួកគេក៏បានប្រទះឃើញការរាយការណ៍មួយពីអ្នកដំណើរស្រីរបស់លោក Fahim ហើយក៏ចាប់ខ្លួនលោកភ្លាមៗ ។ យោងទៅតាមការរាយការណ៍ថា កាលពីថ្ងៃទី៤ កក្កដា អ្នកដំណើរស្រីដែលមានអាយុ១៩ឆ្នាំខាងលើ បានហៅ Uber តាមរយៈកម្មវិធីទូរស័ព្ទរបស់ខ្លួន ប៉ុន្តែស្រាប់តែកម្មវិធីនោះមានបញ្ហា ទើបនាងសុំឲ្យបង់ជាប្រាក់ ។ ប៉ុន្តែលោក Fahim បែរជាទាមទារឲ្យអ្នកដំណើររូបនេះរួមភេទជាមួយនាងទៅវិញ ។ ពេលដែលនាងបានបដិសេធ លោក Fahim បានបិទចាក់សោរថយន្ត និងមិនព្រមអនុញ្ញាតឲ្យនាងចាកចេញរហូតដល់នាងយល់ព្រម។
មិនយូរប៉ុន្មាន រថយន្តរបស់លោកក៏បានជាប់ក្នុងការស្ទះចរាចរណ៍ ហើយអ្នកដំណើរស្រី ក៏បានលោតចេញពីរថយន្តនេះ ខណៈដែលកំពុងធ្វើដំណើរទៅមុខ ប៉ុន្តែនាងមិនមានរបួសទេ ។ អ្នកនាំពាក្យរបស់ Uber បាននិយាយថា ការចោទប្រកាន់នេះ គឺពិតជាធ្ងន់ធ្ងរណាស់ និងបានប្រាប់មកថា គណនី Uber របស់លោក Fahim ត្រូវបានបិទដំណើរការហើយ។
ចែករំលែកព័តមាននេះ