ហេតុតែចង់នៅជាមួយម្ចាស់ សុខចិត្តដេកយាមផ្នូរ១០ឆ្នាំ
តាមប្រភពព័ត៌មាន Oddity Central បានឲ្យដឹងថា
តាមប្រភពព័ត៌មាន Oddity Central បានឲ្យដឹងថា
អាហ្សង់ទីន ៖ តាមប្រភពព័ត៌មាន Oddity Central បានឲ្យដឹងថា សត្វឆ្កែមួយក្បាលដេកយាមផ្នូររបស់ម្ចាស់រហូតដល់ទៅ១០ឆ្នាំ បន្ទាប់ពីម្ចាស់បានស្លាប់តាំងពីឆ្នាំ២០០៦។
ឆ្កែនោះមានឈ្មោះថា Capitan ដែលវាបានជាប់នៅក្នុងកាសែតក្របមុខម្តងហើយ កាលពីឆ្នាំ ២០១២។ គេបានចុះផ្សាយវាថា ជាឆ្កែដេកយាមផ្នូរម្ចាស់៥ឆ្នាំមិនទៅណា។ រហូតមកដល់ពេលនេះ រយៈពេល១០ឆ្នាំហើយ ដែលវានៅតែបន្តការដេកយាមផ្នូររបស់ម្ចាស់វា។
ម្ចាស់វាឈ្មោះ Miguel Guzmán បានស្លាប់តាំងពីឆ្នាំ២០០៦ ដែលជាឆ្នាំ Capitan ចាប់ផ្តើមទៅដេកយាមនៅផ្នូរនោះ។ ប្រពន្ធរបស់គាត់ Veronica មានការភ្ញាក់ផ្អើលយ៉ាងខ្លាំងពេលឃើញ Capitan ទៅដេកយាមបែបនេះ។ ទោះបីជានាងទៅហៅយកមកផ្ទះប៉ុន្មានដងក៏ដោយ ក៏នៅតែត្រឡប់ទៅវិញដដែល។
ទោះបីជាវាមិនព្រមត្រឡប់ទៅផ្ទះវិញក៏ដោយ ក៏វាត្រូវបានទទួលការមើលថែចាក់ថ្នាំវ៉ាក់ស៊ាំងឲ្យជារៀងរាល់ឆ្នាំពីសំណាក់អ្នកយាមវាលកប់ខ្មោចដែរ។ នាពេលនេះ វាមានអាយុ១៥ឆ្នាំហើយ ដែលធ្វើឲ្យវាចាស់ជរា និងស្ទើរតែមើលអ្វីមិនឃើញ។
អ្នកជំនាញបង្វឹកសត្វឆ្កែ លោក Banegas បានប្រាប់ថា មូលហេតុដែល Capitan នៅយាមផ្នូរម្ចាស់បែបនេះ គឺមកពីវាអាចមើលឃើញព្រលឹងម្ចាស់វា។ វាកំពុងតែរស់នៅជាមួយនឹងព្រលឹងម្ចាស់វាយ៉ាងមានភាពកក់ក្តៅ ៕
ចែករំលែកព័តមាននេះ