បណ្តាក្បាលគ្រាប់នុយក្លេអ៊ែរដែលអាចឱ្យផ្ទុះសង្គ្រាមរយៈពេលតែ30នាទី
ទោះបីកូរ៉េខាងជើងលើកញយៗពីអនុភាពនៃមីស៊ីលបាលីស្ទិករំលងទ្វីបរបស់ខ្លួន ហើយធ្វើការបា.ញ់សាកល្បងក្តី តែបើនិយាយពីអានុភាពនៃ
សហរដ្ឋអាមេរិក ៖ ទោះបីកូរ៉េខាងជើងលើកញយៗពីអនុភាពនៃមីស៊ីលបាលីស្ទិករំលងទ្វីបរបស់ខ្លួន ហើយធ្វើការបាញ់សាកល្បងក្តី តែបើនិយាយពីអានុភាពនៃកម្លាំងវាយប្រហាររបស់អាមេរិកវិញ ហាក់ដូចជាគេមិននិយាយក្នុងកាលៈទេសៈបញ្ចេញវោហាសាស្ត្រគំរាមគ្នារវាងលោកដូណាល់ ត្រាំ និងលោកគីម ជុងអ៊ុន ឡើយ ។
តាមពិតទៅគ្រឿងសព្វាវុធនុយក្លេអ៊ែរអាេមរិកមានក្បាលគ្រាប់នុយក្លេអ៊ែរដល់ទៅប្រមាណជា៦.៨០០គ្រាប់ ក្នុងចំណោមក្បាលគ្រាប់នុយក្លេអ៊ែរទាំង១៤.៩០០គ្រាប់ ដែលមានលើពិភពលោក ។ សហរដ្ឋអាេមរិកក្នុងរដ្ឋម៉ុងតាណា មានមីស៊ីលបាលីស្ទិករំលងទ្វីប MINUTEMAN ដល់១៥០គ្រាប់បំពាក់ក្បាលគ្រាប់នុយក្លេអ៊ែរមានអានុភាពខ្លាំងជាងគ្រាប់បែកនុយក្លេអ៊ែរទម្លាក់នៅទីក្រុងហ៊ីរ៉ូស៊ីម៉ាដល់ទៅ២០ដង ។ មីស៊ីលរំលងទ្វីប MINUTEMAN អាចវាយប្រហារដល់គ្រាប់គោលដៅលើភពផែនដីរយៈពេលតែកន្លះម៉ោង ។
លើសពីនេះទៀត កងទ័ពអាេមរិកមានបំណងចំណាយប្រាក់ដល់ទៅ៣៤០ពាន់លានដុល្លារ សម្រាប់អាវុធនុយក្លេអ៊ែរនាទសវត្សខាងមុខ ក្នុងគោលបំណងថែរក្សាការឈានមុខរបស់ខ្លួនខាងកម្លាំងនុយក្លេអ៊ែរ ។
យោងតាមវ៉េបសាយ INDY ១០០ថា សហរដ្ឋអាមេរិកមានក្បាលគ្រាប់នុយក្លេអ៊ែរ៦.៨០០គ្រាប់ ក្នុងចំណោមក្បាលគ្រាប់នុយក្លេអ៊ែរប្រមាណជា១៤.៩០០គ្រាប់ ដែលមានលើពិភពលោក ។ ក្នុងទីតាំងស្តុករបស់អាេមរិកក៏មានគ្រាប់បែកអុីដ្រូហ្សែន HB 61 ដែលសម្រាប់ប្រើចាប់តាំងពីឆ្នាំ១៩៦០មកផងដែរ ។
ភាពតានតឹងមានការកើនឡើងខ្លាំងនៅឧបទ្វីបកូរ៉េរយៈពេលប៉ុន្មានសប្តាហ៍ចុងក្រោយនេះ ក្រោយការសាកល្បងដោយជោគជ័យមីស៊ីលរំលងទ្វីបរបស់កូរ៉េខាងជើង ។ មីស៊ីលបាលីស្ទិករំលងទ្វីបកូរ៉េខាងជើង២គ្រាប់ ដែលសាកល្បងបើតាមពួកអ្នកជំនាញការថា អាចវាយប្រហារតំបន់ឆ្នេរសមុទ្រខាងលិចរបស់សហរដ្ឋអាមេរិក ។ លោកដូណាល់ ត្រាំ ប្រកាន់យកវោហាសាស្ត្របែបផ្តាច់ការបំផុតក្នុងការឆ្លើយតបចំពោះការបាញ់សាកមីស៊ីលទាំងនេះ ដែលក្រុងវ៉ាស៊ីនតោនថាជាការបង្កហេតុមួយ ដោយសន្យាជាពិសេសពីការជះភ្លើង និងកំហឹងចំពោះរបបលោកគីម ជុងអ៊ុន ដោយចង់និយាយសំដៅលើអានុភាពនៃអាវុធនុយក្លេអ៊ែររបស់អាមេរិក ។
សភាពការណ៍កាន់តែត្រូវបំពុលពេលកងទ័ពកូរ៉េខាងជើងគំរាមពីការបាញ់មីស៊ីលរយៈមធ្យម៤គ្រាប់កាត់ពីលើប្រទេសជប៉ុនទៅកាន់ក្បែរកោះហ្គាមដែលមានមូលដ្ឋានយោធាអាមេរិកសំខាន់ៗ ៕
ចែករំលែកព័តមាននេះ