រឿងរ៉ាវប្លែកៗកើតឡើងនៅលើពិភពលោក

ថ្ងៃទី ២៣ ខែ សីហា ឆ្នាំ ២០១៧

ម៉ោង ០៧:៣០

១-ផេនដាចំណាស់កើតកូនភ្លោះ
ផេនដាអាយុ២៣ឆ្នាំ កើតកូនភ្លោះនៅខេត្តស៊ីឈួន ភាគខាងលិចឆៀងខាងត្បូង ប្រទេសចិន និងក្លាយជាផេនដាចំណាស់បំផុតដែលផ្តល់កំណើតកូន ។

២-រូបក្ងានពណ៌សតាំងបង្ហាញនៅទន្លេ«ម៉ីជាំង»
កាលដើមឡើយប្រទេសចិនបានយករូបសំណាកទាពណ៌លឿងធ្វើជាទីសក្ការ ប៉ុន្តែបច្ចុប្បន្នយកក្ងានសធ្វើជាទីសក្ការនៅទន្លេ«មុីជាំង»ខេត្តហ៊ូណាន និងកំពុងពេញនិយម។

៣-រុស្ស៊ីបង្ហាញគ្រាប់ពេជ្រតម្លៃ១០លានដុល្លារ
ក្រុមហ៊ុន«Alrosa»ជាក្រុមហ៊ុនគ្រឿងអលង្ការរបស់រុស្សុីបានបង្ហាញពេជ្រដ៏មានតម្លៃទំហំ៥១ការាត់តម្លៃ១០លានដុល្លារ ចាត់ទុកថាជាគ្រាប់ពេជ្រថ្លៃនៅលើលោក ។

៤-ភ្លើងឆេះអគារខ្ពស់នៅក្រុងឌូបៃ
អគារ«Marina Torch»នៅក្រុងឌូបៃមានភ្លើងឆាបឆេះ អាជ្ញាធរត្រូវជម្លៀសពលរដ្ឋចំនួន៦០០គ្រួសារ ក្រោយមកអាចពន្លត់ទាន់ពេលវេលាដោយគ្មាននរណាម្នាក់រងរបួសទេ ។

៥-ចាក់១១៩កាំបិតក្រោយពីដឹងដៃគូរួមរ័កជាខ្ទើយ
អតីតទាហានអាមេរិកម្នាក់ប្រើកាំបិតចាក់ដៃគូរួមរ័កចំនួន១១៩កាំបិត ក្រោយពីដឹងថា ជាខ្ទើយ និងត្រូវតុលាការសម្រេចឱ្យជាប់គុកជាច្រើនឆ្នាំ ។

៦-ភ្លើងឆេះផ្សារលក់ត្រី«Tsukiji»នៅជប៉ុន
រថយន្តពន្លត់អគ្គិសនីជាច្រើនគ្រឿងពន្លត់ភ្លើងឆេះផ្សារត្រីTsukijiនៅក្រុងតូក្យូនិងជាប្រភពទេសចរណ៍ដ៏សំខាន់របស់ជប៉ុន កាលពីថ្ងៃទី៣ សីហា ២០១៧ ។

៧-ភ្ញៀវទេសចររួមរ័កនៅក្នុងសណ្ឋាគារជញ្ជាំងកញ្ចក់
អ្នករស់នៅក្បែរសណ្ឋាគារ«Lower East Side»ជញ្ជាំងកញ្ចក់នៅក្រុងញូវយ៉កអាចមើលឃើញភ្ញៀវរួមរ័កទាំងថ្ងៃ ដែលតែងតែកើតឡើងជាញឹកញាប់ក្នុងសណ្ឋាគារនោះ។

៨-ឧទ្យាននាគរាជនៅខេត្តប្រាជីនបុរី ប្រទេសថៃ
ឧទ្យាននាគរាជជាប្រភពទេសចរណ៍ថ្មីនៅខេត្តប្រាជីនបុរីប្រទេសថៃពេញនិយមពីពលរដ្ឋនិងកោតសរសើររូបសិល្បៈដ៏ស្រស់ស្អាតនៅទីនោះ ។

៩-សត្វកវែងយន្ត
បុរសម្នាក់ឈរមើលសត្វកវែងយន្តនៅក្នុងពិព័រណ៍វិទ្យាសាស្ត្រអឺរ៉ុបលើកទី៦នៅក្រុងម៉ាឡាហ្គាប្រទេសអេស្ប៉ាញ ។

១០-មនុស្សយន្តបម្រើភ្ញៀវ
សណ្ឋាគារ«Henn na»នៅជប៉ុនប្រើមនុស្សយន្តបម្រើការទាំងបុគ្គលិកអនាម័យ អ្នកកាត់ស្មៅ និងរៀបចំក្នុងបន្ទប់ ៕